2 Pedro 3:7 - Biblia Dc en Mixe de Quetzaltepec

⁷ E ja naax ets ja tsajp mëti'ipë tyam n'ijxëmën, tëë ja Dios tuknipëjktaakë ko tyajkutëkoyä'äny mëët ja jëën, ets ko tyajkutëkoyä'äny ja ëxëëkja'aytyëjk ko ënety ja tëytyu'unën ets ja paye'eyën tyunyë jyätyë.

Biblia Mixe de Quetzaltepec

⁷ E ja naax ets ja tsajp mëti'ipë tyam n'ijxëmën, tëë ja Tios tuknipëjktaakë ko tyajkutëkoyä'äny mëët ja jëën, ets ko tyajkutëkoyä'äny ja ëxëëkja'aytyëjk ko ënäty ja tëytyu'unën ets ja paye'eyën tyunyë jyätyë.

2 Pedro 3:7 ပူးပေါင်းရင်းမြစ်များ

Salmos 102:26

Tu'kë'ëyë winë nëjkxëp jëna'a kyutëkooytyä'äy, e mijts kë'ëyxyëëw kë'ëyjyëmëjt m'ity. Tu'kë'ëyë winë jëtu'un tyujktaja'any tä witën; mijts nëjkx kë'ëm xyajtëkatsy, jëtu'un tä ja'ay wyit tjääntëkatsyën.

Salmos 50:3

Yë nTios'ajtëm tää myiny wyinkony, ka'ap Amón api'its myiny: jëënmëët myiny mëti'ipë winë yajtooytyëkoopyën, ets wyintuuy pyë'aay mëk tuu mëkpoj mëët ye'ey.

Isaías 51:6

Pa'at'ixtë jam tsajpkëjxm ets naaxku'ixëtë: Tä jok tä yootsën yë tsajp jyajta'aja'any; tä tukwit tuktujkxyën yë naaxwiinyëtë jyata'any ets naaxwiinyëtë ja'ay jëtu'un y'ooka'antë tsatsyën. E ëjts, ja nnitsokënës xëmëkyëjxm y'ita'any, ëjts xëmës nmëta'aka'any.

Isaías 66:15

Jä'ä ko yë Wintsën jëënjotypyën të myiny të jyä'ty, yë kyepy wintëkäämpë jëënyä'änkën kyëxë'ëky; jëtu'un tyajnaaxkëta'aka'any yë y'oyajtën tä jëënpajkën ets tëytyuna'any ja myëtsip.

Daniel 7:9

Tamës ënety jëtu'un njaak ixynyëm, koos të n'ixy yajkëëytyä'äky yë kutujktakn, ënyääytyakn ets jam tu'uk yë Mëjja'ay të nyaaxweetsy. Poopëm yë wyit yaj'ixy tä tsajp o'pykyën ets wyääy jëtu'un kyëxë'ëky tä kupixyny nyijëmkën. Ja ënyääpyäjn ets ja nyiye'eypyäjn mëti'ipë tëkäämpën jëënën yaj'ixy,

Sofonías 3:8

Paaty miitsëty ëwxitë, pyatyp ja xëëw maas nikajpxanën yë pyokyëty. Ëjts Wintsën, ëjts ënaanp: Tëës ntuknipëjktaakë koos nyajtu'ukmujkta'aja'any yë naax kajpn ets yajkutujkpëtëjk etsës nyajnaxa'any yë ntsip n'äkë ets njoot'anës. Tu'kë'ëyë yë naax kajpn kyutëkooytya'aja'any mëët yë ntsip n'äkës mëti'ipë jëënmëët minaanpën.

Malaquías 4:1

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un yë xëëw po'o wyinkony tä tu'uk jëënjutën mëti'ipë no'kpën tsääpyën, ma nyitoya'antën jëtu'un tä aay pu'uxmën mëti'ipë nämyëja'awëtëpën ets ëxëëkja'aytyëjkëty. Jä'ä xëëw wa'ats nëjkx tyooytyëkoytyë ets nitii kyawë'ëma'any.

Mateo 10:15

Tëy miits n'ënëëmëtë, ko nëjkx tpaaty ja paye'eyën, wäänë këjää tääpë kajpn ja ëyo'on yajmo'otëty këtiinëm ja Sodomë ets Gomorra itjot.

Mateo 11:22

Temë jëtu'un miits n'ënëëmëtë, ko nëjkx ja naaxwiinyëtë ja'ay yajpaye'ey ja nyëë pyoky, wäänë mëk nëjkx miits myajtëytyuntëty këtiinëm ja ja'ay mëti'ipë tsënaaytyëp jam Tirë ets Sidón.

Mateo 11:24

Jëtu'un miits n'ënëëmëtë ko wäänë mëk nëjkx myajtëytyuntë këtiinëm ja Sotomëtë ja'ayëty.

Mateo 12:36

E ëjts, jëtu'un yam miits n'ënëëmëtë, ko ja paye'eyën tyunëtëty, nëjkxëp xynyikajpxta'atë ja ëxëëk aaw ëxëëk ayuk mëti'ipë ënety të xykyajpxtën.

Mateo 24:35

Këxaanp naxaanp yë tsajp ets naaxwiinyëtë, e yë n'aaw n'ayukës nijëna'a kyakëxa'any kyanaxa'any.

Mateo 25:41

Ënet ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Marcos 6:11

E ma mkayajkupëktën ets ka'ap tmëtowa'antë mëti'ipë mjanikajpxtëpën, mtsoontëp jam. Ënet ja pu'uxm xywyinxitëty mëti'ipë jamën ma mtekyëtyën ets jëtu'un xytyuk'ixtëty ko pokymyëët wyë'ëmtë.

Juan 12:48

Pën xypyäjxpës ets ka'ap tmëjpëjktä'äky ja n'aaw n'ayukës, tam tmëët'ajnë mëti'ipë yajnitukëjanëpën: ja n'aaw n'ayukës mëti'ipës të nkäjpxyën yë'ë nëjkx yajnitukëty.

Romanos 2:5

E mijts nëkooyë mkujuun'ajnë, ka'ap xytsyoky mwinpitëty ma ja Tiosën, ja m'ëyo'on kë'ëm myajnipejtyp ets xykëpätëty ma ënety ja Dios tyajnikëxe'eka'anyën ja jyoot'an ko ja paye'eyën tunëty,

1 Corintios 3:13

jäänëm nëjkx yaj'ixy yajnijawë ko ja näpyaye'eyë tyunëtëty pën wi'ixjaty ënety pën të tyuny, jä'ä ko jëën jää nëjkx tyuny ets tyajnikëxë'ëka'any wi'ixjaty ënety pën të tyunyën.

Filipenses 1:28

je'eyëp ko këtii mnätyuk'ëtsë'ëkëtëty ja mmëtsipëty. Ko xykyatsë'ëkëtëty, yë'ë mtuknijawëtëp ko kutëyoyantëp ënätyëty ets nän yë'ë yajtunijawëp ko ënety ja nitsokën xypyaata'antë. Ya'atë Dios jëtu'un të tuknipëjktaakë.

2 Tesalonicenses 2:3

Këtii myajwin'ëëntëty niwi'ix'äämpy, jä'ä ko jëyëjp ja Dios yajnipëtë'ëka'any, ja ja'ay mëti'ipë pokyën jä'ä jëtu'un ëtë'ëtsaanp.

1 Timoteo 6:9

E mëti'ipë wit meeny je'eyë y'ixk'ajtypyën, jëtu'un kyuka'ajëtë ëxëëktum ijxtëm tii jëyujk kyukääkën ma y'o'ktaknën, ets ëxëëk jyäty kyëpety ko t'atsoky winë, ja atsojkën yë'ë ja'ay ëxëëk yajjajtyp yajkëpejtyp.

Hebreos 12:29

Jä'ä ko jëtu'un ja nTios'ajtëmë ijxtëm ja jëënën mëti'ipë yajtooytyëkoopyën winë.

2 Pedro 2:9

Yë Dios nyija'ap wi'ix tyajpëtsëmëtyën ëyo'ontum mëti'ipë yë'ë ets nän nyija'ap wi'ix ja ëxëëkja'aytyëjk tuk'ëwxityën ja ëyo'on jotmay.

2 Pedro 3:10

Ko ënety ja Wintsën myiny, jëtu'un nëjkx myiny ijxtëm ja mä'tspën tsuu koots tyëjktëkën. Ënet ja tsajp nëjkx mya'ta'ay, pëmiimpën nëjkx yajmëtoy, näjyëtu'un nëjkx tyooytyëkooytyä'äy mëët yë jëën ets ja naaxwiinyëtë mëët tu'kë'ëyë winë nëjkxëp ja Dios tpaye'eytyä'äy.

2 Pedro 3:12

Tsojk njëjp'ijxëm ja xëëw ma ja Dios myina'anyën ets tuntë wi'ix tsojk myinëtyën. Jä'ä xëëw nëjkx ja tsajp wyintëkoy mëët ja jëën; ets mëti'ipë ënety jää'ajtpën, tu'kë'ëyë jyiiywya'kxta'aja'any ko mëk tyoyëty.

1 Juan 4:17

Jëtu'un'äämpy tyunyë jyätyë ja tsojkën ja'awën ma ëëtsajtëmën; ets ko ja näpyaye'eyë y'ity jotkujk jää nyajpatmëty; jä'ä ko jëtu'un ënety ëëtsajtëm yaa naaxwiiny nyajpatëmë tä ja Jesukristë jyuuky'äjtyën.

Judas 1:7

Ijxtëm ja anklëstëjk ja Dios tkamëmëtoowtën, tim näjyëtu'un ojts y'ëtëtstë ja Sodomë ets ja Gomorra ja'ayëty ets ja wiink kajpn mëti'ipë winkon yajpatën. Ni'ikyë këjää pyokytyuuntë, paatykyëjxm ja Dios yajkutëkooyëtë mëët ja jëën. Jëtu'unts ja Dios ja nija'awën të xymyo'oyëmë.

Apocalipsis 17:11

E ja mëj jëyujk mëti'ipë të jyuuky'ätyën ets ka'ap tyam maanë: yë'ë ja mëtuktujkpë ja yajkutujkpë, yajmëtyoop näjyëtu'un ma ja niwëxtujkpë ja yajkutujkpëtyën. Ënet ja nyëjkxnëty ëyoowtaknjoty.

Apocalipsis 17:8

Yë mëj jëyujk mëti'ipë të xy'ixyën, yë'ë ja mëti'ipë të jyuuky'ätyën, ka'ap ja tyam maanë. Jäänëm ja pyëtsëma'any ëyoowtaknjoty ka'anëm ënety nyijkx ma kyutëkoyä'änyën; ja ja'ayëty mëti'ipë ja xyëëw ka'ap kyuja'ayëtyën jap nokyjoty ma ja ja'ay ja xyëëw myintën mëti'ipë xëmëkyëjxm juuky'ajtëpën, yë'ë nëjkx mëk tjawëtë ko t'ixtëty jatëkok ja mëj jëyujk mëti'ipë të jyuuky'ätyën ets ka'ap tyam maanë, je'eyëp ko minaanp jatëkok.

Apocalipsis 20:11

Ënet n'ijxyës tu'uk mëti'ipë u'unyääpyën ma ja poop kutujktaknën. Winëjaty tyimtëkooytyääy yë'ë wyintum wyinkujkm: ja tsajp ets ja naax, nimaa tii kya'ëkyaj'ijxnë.

Apocalipsis 21:1

Ko jëtu'un y'ëknajxy, ënätës n'ijxy tu'uk ja jempyë tsajp ets ja jempyë naax, jä'ä ko ja jëyëjpë ja tsajp ets ja jëyëjpë ja naax, ka'ap ënety maanë, nän ka'ap maanë ja mejy.