2 Pedro 3:15 - Biblia Dc en Mixe de Quetzaltepec

¹⁵ Ja'aykyukëtë mëtoowkukëtë ja Dios ja myä'kxtujkën ko kyatsojkminy, yë'ë jëtu'un jyatuumpy ets ja nitsokën ni'ëmukë npatmëty, ijxtëm näjyëtu'un ja nmëku'uk'ajtëmën Pablo të mnijayëtën mëët ja wyijy'ajtën kyejyajtën mëti'ipë Dios të mye'eyën.

Biblia Mixe de Quetzaltepec

¹⁵ Ja'aykyukëtë mëtoowkukëtë ja Tios ja myä'kxtujkën ko kyatsojkminy, yë'ë jëtu'un jyatuumpy ets ja nitsokën ni'ëmukë npatmëty, ijxtëm näjyëtu'un ja nmëku'uk'ajtëmën Pablo të mnijayëtën mëët ja wyijy'ajtën kyejyajtën mëti'ipë Tios të mye'eyën.

2 Pedro 3:15 ပူးပေါင်းရင်းမြစ်များ

Romanos 2:4

Mijts m'ixtijpy ja Dios ja y'oyajtën, ja mä'kxtujkën ets ja y'oywyinma'any, ets ka'ap xyjyawë ko yë'ëkyëjxm jëtu'un m'awinpity tä yë'ëjën

2 Pedro 3:9

Ka'ap n'ëna'anmëty ko Dios poxp ko tkuuytyuna'any ja tëëpë twaantä'äkyën, jëtu'un ijxtëm pënëty myäytyë tyajtën; jä'ä tëy mä'kxtujkp jëtu'un, yë'ë jyatuumpy ets jeexyë ni'ëmukë ja'ay jyotwinpijta'ay këtiipë pën y'ëyo'onpaatëty.

1 Timoteo 1:16

Paaty ja Dios të xypya'ëyoyës ets ja Jesukristë tyaj'ixëtëty ma ëjtsën ja myä'kxtujkën. Jëtu'untsës nyajnikëxë'ëky ma ja mëpëjkpëtëjkëtyën ko yajpaata'any ja juukyajtën xëmëkyëjxmëpë.

1 Pedro 3:20

Yë'ë ojts ka'ap kyäjpxyjyä'äykyujktëtën ko ja Noé ojts tjanikäjpxy ko ja Dios yë'ë tsyojkpy ets jyotwinpitëty, tyam ënety ja Noé t'oytyuny ja mëj kepy nëëwinye'epyë, ma ojts je'eyë nituktujk tsyo'oktën, mëti'ipë ka'ap wi'ix jyajtën mëët ja komtuu.

Santiago 3:17

pën myëët'ajtyp ja wijyajtën kejyajtën mëti'ipë tso'onpën ma Tiosën, wa'ats yajpaatë ma jyuuky'ajtënëtyën; ka'ap maa pën mëët yë tsip tmëët'atë, tëtä'äky jyuuky'atë, yaj'ijxëtëp ja y'oyjyot y'oywyinma'anyëty. Pa'ëyoow najts'ëyo'owëtëp, pyutëjkëtyëp yë ja'ay xim yam, ëmuumtu'ukjot winë tuntë ets oy myäytyë tyajtë.

Lucas 21:15

Ëjts miits ja winma'any ets ja ayuk nmo'ojantëp wijypyë kejypyë mëti'ipë mkajpxtëpën këtiipë ja mmëtsip mëmëta'akëtëty ets këtiipë wyinma'anypyaatëty wi'ix myaj'ëmonëtëty.

Santiago 1:5

Pën jam miits jënaakën ka'ap xymyëët'atë ja wijyajtën kejyajtën, amëtowtë Dios ets mmo'ojëtëty. Aak Dios yäjkpy oy tyimtiijëty, ka'ap tii tukwintuk'ooky.

Hechos 15:25

Paaty ëëts yajxon të nkäjpxy'atë etsës të nikajpxpätë ja nmëku'ukëtyës mëti'ipë nëjkx jam mku'ixëtën mëët ja nmëku'uk'ajtëmë ja Pablo ets Bernabé,

1 Corintios 2:13

Yë'ë nimëtyakëm ja aaw ayuk mëti'ipë ja Dios ja Jya'awën të xytyuknija'awëmën, ka'ap yë'ëty ja naaxwiinyëtë y'ijxpëjkën të xytyuknija'awëm. Jëtu'un ja ja'ay ntukmëmëtyakmëty ja Dios ja y'aaw y'ayuk mëti'ipë ja Kënu'kxymyëkajtën myëët'ajtëpën.

Eclesiastés 2:26

Yë Dios, yë'ë yäjkpy yë wijyajtën, ijxpëky'ajtën ets xoontakën ets yë'ë myoopy mëti'ipë nyi''ijxkëtäkpyën; e mëti'ipë tuuntëkoopy kajpxtëkoopyën je'eyë yajxon tyajtuny ets tnipëjkpety yë wit meeny ets tuk'oy'atëty yë'ë mëti'ipë ënety nyi''ijxkëtäkpyën. Tääpë nän natëkë winma'any yë'ë ets nëkoopë juukyajtën ntuk'ëyë'kmëty.

Esdras 7:25

E mijts Esdras, mëti'ipë mjajtyp mnija'apën, mëti'ipë Wintsën të mo'oyën, tuknipëk yë ja'ay mëti'ipë yajkutukëpën ets ënä'ämëpën, mëti'ipë pyaye'eyëpën ja nëë poky ma ja naax kajpnën jam Éufrates, mëti'ipë nyija'awëtëpën ja Wintsën ja tyiyajtën; e mëti'ipë ka'ap tnijawëtën tukni''ixëtë.

1 Reyes 4:29

Yë Wintsën ojts mëk tkënu'kxy yë Salomón mëët ja wijyajtën kujk'ajtën ets ja ijxkujk ja'aykyujkën mëjwiinpë këjääpë mëti'ipë ka'ap pën tmëpaatëtyën.

1 Reyes 3:28

Ojts ja ja'ay tnijawëtë wi'ix ënety ja Salomón të tyaj'oyën ja jotmay ets wi'ix ënety ja wyijy'ajtën të tyajwinkëxë'ëkyën, tëkokyë ja ja'ayëty jam ma ja Israel kajpnën mëk twinkutsë'këtyë ja Salomón ets tmëmëtoowtë, mëët ko ënety ja Wintsën të myo'oyë ja ixpëkyajtën wi'ix tu'uwinye'eyëtyën ja naax kajpn mëtëy.

1 Reyes 3:12

tyamës ntunëty tä të xy'amëtoyën: nmo'ojäämpy ja wijy'ajtën kujk'ajtën ets ja ixpëkyajtën këtiinëm jyëtu'un'atë mëti'ipë të jyuuky'atën ets mëti'ipë juuky'atantëpnëm.

Efesios 3:3

Tëës ja Dios xytyuk'ixy xytyuknijawë ja yu'utsypë etsës nkajpxwa'kxëty, ijxtëm wäänë të ntuk'ëwaanëtën nokyjoty.

1 Corintios 12:8

Mëët ja Kënu'kxymyëkajtën pënëty yajmo'otë ja wijyajtën, ets ixpëkyajtën.

1 Corintios 3:10

Ëjts jëtu'unës të ntuny ijxtëm tu'uk yë pojtspën, maas ja Dios të xypyëjktä'äkyën ets ja potsy ëjx nyajtso'onta'akëtyës ets ja wiinkpë të myintë mëti'ipë të tjëjpëtën. Je'eyëp ko nitu'ukjaty mëk ja tyuunk tkëwent'atë.

Hechos 7:10

Ojts ja Dios yajpëtsëmyë amaayjoty jotmayjoty. Mooyë ja wijy'ajt kujk'ajtën ets ojts myëku'ukjawëty ja faraón mëti'ipë jap Egiptë yajkutujkpën, ets nyikajpxpäjtë näjyëtu'un kutuunk ma ja Egiptë kajpnën ets ma ja kutujkëntëjkën.

Éxodo 35:35

Tëë tmo'oy yë wijyajtën, wi'ix winë oy tyajkëxë'ëkëtyën, wi'ix tii winë tsätsëty oy ets tmo'ojëty ja y'ijxën; wi'ix oy yë wit tujkxy tjo'okëtyën, tä yë witën mëti'ipë yë y'ujkën tsu'unk uky, tsapts ets ja linë wit ets tyukjajtyp wä'än timmyëti'ipëty wi'ix tyajkëxë'ëkëtyën oy.

Éxodo 35:31

Tëë tmo'oy yë Dios yë myëk'ajtën y'oyajtën ets wijyajtën kujk'ajtën, ixpëkyajtën, nija'awën, wi'ix winë oy tyajkojëtyën,

Éxodo 31:6

Tëë mpëjktä'äkyës yë Oholiab, yë myaank yë Ahisamac, yë Dan yë y'u'unk y'ok ets yë'ë pyutëkëtëty, tëkokyë yë ijxpëkyjyä'äytyëjkëty tëëjës nmooytya'atë yë wijyajtën ets jëtu'un tjëkyäptëty t'oytyuntëty winë mëti'ipë yam të ntuk'ëne'emyën.

Éxodo 31:3

tëëjës nmo'oy yë nmëk'ajtënës n'oyajtënës ets wijyajtën kujk'ajtën ets ja'aykyujkën ets nija'awën wi'ix winë oy t'oytyunëtyën.

Isaías 30:18

E yë Wintsën jëjp'ixy jam yajpaaty ets jatëkok mwinpitëty; yë'ë mëk mjatsokëtë, jä'ä ko yë Wintsën nipaye'epy yë mëtëy. Akujk jotkujk ja'ay yajpaatë mëti'ipë y'ëwxijtëpën yë Dios.

Hechos 9:17

Tääts ja Ananías ojts tninëjkxy ja Saulo. Ko tëkoty tyëjkëy, tää ojts tkë'ënixajy ets t'ënëmaay: Mëku'uk Saulo, Wintsën Jesúsës të xykyexy, mëti'ipë ojts xy'ixyën tu'ujotm. Të xykyexyës ets mijts jatëkok m'ijxpëkëty ets ja Kënu'kxymyëkajtën xy'ëxajëty.

2 Pedro 3:2

Ja'amyätstë mëti'ipë ja Dios ja kyäjpxynyajxpëtëjk jyääywyë'ëmtën tëëyëp, ets ënä'ämën tëyajtën mëti'ipë ja oy ayuk käjpxynyajxpëtëjk nyimëtyaktën.