2 Pedro 3:12 - Biblia Dc en Mixe de Quetzaltepec

¹² Tsojk njëjp'ijxëm ja xëëw ma ja Dios myina'anyën ets tuntë wi'ix tsojk myinëtyën. Jä'ä xëëw nëjkx ja tsajp wyintëkoy mëët ja jëën; ets mëti'ipë ënety jää'ajtpën, tu'kë'ëyë jyiiywya'kxta'aja'any ko mëk tyoyëty.

Biblia Mixe de Quetzaltepec

¹² Tsojk njëjp'ijxëm ja xëëw ma ja Tios myina'anyën ets tuntë wi'ix tsojk myinëtyën. Jä'ä xëëw nëjkx ja tsajp wyintëkoy mëët ja jëën; ets mëti'ipë ënäty jää'ajtpën, tu'kë'ëyë jyiiywya'kxta'aja'any ko mëk tyoyëty.

2 Pedro 3:12 ပူးပေါင်းရင်းမြစ်များ

Salmos 50:3

Yë nTios'ajtëm tää myiny wyinkony, ka'ap Amón api'its myiny: jëënmëët myiny mëti'ipë winë yajtooytyëkoopyën, ets wyintuuy pyë'aay mëk tuu mëkpoj mëët ye'ey.

Isaías 24:19

Yajxon ja naaxwiinyëtë mëk yu'kxa'any, këëykëëynyë y'ëtë'ëtsa'any, ets piw nuuk jyajta'aja'any.

Isaías 34:4

Nëjkxëp ja mëtsa'a pyu'utakta'ay, jëtu'unyë nëjkx ja tsajp wyimpëtijtmuky tä mëj witën, nëjkxëp ja mëtsa'a pyi'tsta'atë ets nëjkx kya'ata'atë tä kepy'ääy kyä'äyën.

Miqueas 1:4

Jëtu'un yë tun kopk jyiiywya'kxa'any ma tyekpya'tkën tä yë cerë jyiiywyä'kxyën ko yajjëënkupëky ets joy it jëtu'un mäjtskpëky wya'kxa'any tä jeexyë mëj komnëë të nyäwyä'kxyën.

Mateo 16:27

Jä'ä ko minaanp yë naaxwiinyëtë ja'ay Y'u'unk mëët ja tyeety ja myëj'ajt y'oyajtën ets ja y'anklëstëjk ets tmo'oja'any nitu'ukjaty pën wi'ixëty pën të jyuuky'ätyën.

Mateo 16:28

Tëy miits n'ënëëmëtë ko tää yaa ja ja'ay yajpaatë mëti'ipë ka'ap y'ooka'antën koonëm t'ixtëty ko ënety myiny ja yajkutujkpë, ja naaxwiinyëtë ja'ay ja y'U'unk.

Filipenses 1:6

Njëjp'ijxypës ko ja oypyë tuunk mëti'ipë ja Dios yajtso'ontakën ma miitsëtyën, yë'ë oy yajtu'uye'eyäämpy koonëm ja Jesukristë wyimpitëty.

Tito 2:13

naamka'anëm jyä'tynyëm mëti'ipë n'a'ijx njëjp'ijxëmën, ko myina'any ja mëj Dios, ets ja yajnitsokpë Jesukristë.

2 Pedro 3:10

Ko ënety ja Wintsën myiny, jëtu'un nëjkx myiny ijxtëm ja mä'tspën tsuu koots tyëjktëkën. Ënet ja tsajp nëjkx mya'ta'ay, pëmiimpën nëjkx yajmëtoy, näjyëtu'un nëjkx tyooytyëkooytyä'äy mëët yë jëën ets ja naaxwiinyëtë mëët tu'kë'ëyë winë nëjkxëp ja Dios tpaye'eytyä'äy.

2 Pedro 3:11

Ko jëtu'un winë kyutëkooytya'aja'any, miitsëty ni'ikyë mëpaat wa'ats mjuuky'atë ets xywintsë'ëkëtëty ja Dios.

2 Pedro 3:4

ets tyajtëwa'antë: ¿Wi'ix ko jëtu'un ja Dios ja y'aaw y'ayuk y'ënä'äny ko ja Kristë myina'any jatëkok, ka'ap maa yaj'ixy? Tëëyëp ja n'ap'ajt n'ok'ajtëm y'o'ktaaynyëtë ets je'eyëm winë yaj'ixy ijxtëm ja naaxwiinyëtë tsyo'ontäkyën.

2 Pedro 3:7

E ja naax ets ja tsajp mëti'ipë tyam n'ijxëmën, tëë ja Dios tuknipëjktaakë ko tyajkutëkoyä'äny mëët ja jëën, ets ko tyajkutëkoyä'äny ja ëxëëkja'aytyëjk ko ënety ja tëytyu'unën ets ja paye'eyën tyunyë jyätyë.

Judas 1:21

Näy'ijx'itëtë näkyëwent'atëtë, näyaj'itëtë mëët ja Dios ja tsyojkën, tyam xyjyëjp'ixtë ja Wintsën Jesukristë, mëti'ipë mëët ja pa'ëyo'owën xymyo'oja'anëmën, ja juukyajtën xëmëkyëjxmëpë.