2 Pedro 2:9 - Biblia Dc en Mixe de Quetzaltepec

⁹ Yë Dios nyija'ap wi'ix tyajpëtsëmëtyën ëyo'ontum mëti'ipë yë'ë ets nän nyija'ap wi'ix ja ëxëëkja'aytyëjk tuk'ëwxityën ja ëyo'on jotmay.

Biblia Mixe de Quetzaltepec

⁹ Yë Tios nyija'ap wi'ix tyajpëtsëmëtyën ëyo'ontum mëti'ipë yë'ë ets nän nyija'ap wi'ix ja ëxëëkja'aytyëjk tuk'ëwxityën ja ëyo'on jotmay.

2 Pedro 2:9 ပူးပေါင်းရင်းမြစ်များ

Job 21:30

mëti'ipë ënantëpën ko yë Dios jyoot'anpëky, kyejxyp yë ëyo'on ets ëxëëkja'aytyëjk ka'ap wi'ix jyatë kyëpätë?

Job 5:19

Yë'ë, xëmë myajtso'oka'anyë, janaam jatsojk, ka'ap wi'ix mjata'any.

Salmos 12:1

Wintsën, yajtsoktëkës. Jä'ä ko ka'ap ma pën ja'aynyë mëti'ipë oy mëpëjktëpën; ka'ap ma pën mëti'ipë mëtëy winë kyajpxtëpën.

Salmos 32:6

Paaty ko ënety jyääjëty yë monyëtukyë, yë wa'ats ja'aytyëjkëty jää mëkajpxa'anëtë, e oyts ënety jënu'un yë nëë jyanëje'etsy jyayujkje'etsy ka'ap nëjkx jam jyä'ty ma yë'ëjëtyën.

Salmos 37:33

e yë Wintsën ka'ap nijëna'a y'u'unk y'ëna'k tmajtstu'uty, ets ka'ap tkupëky nëkoo ajotkumonë yajniwaanpätëty.

Salmos 4:3

Nijawëtë ko yë Wintsën yë'ë tsyojkpy yë ja'ay mëti'ipë oy mëtuunëpën ets mëmëtoowëpën; nijawëtë ko yë Wintsën xymyëtoow'ijtpës koos nmëkäjpxy.

Proverbios 12:13

Yë ëxëëk ja'ay kë'ëm nyäyajkujo'opyë ko tii ka'ap mëtëy tnikäjpxy; e tu'uk yë wa'ats ja'ay oy winë tukpëtsëmy ma nyäjyawëtyën tsiptuuy kya'aja'any.

Proverbios 16:4

Ko Dios tii winë të tyajkojy, tam yë winma'any tiikyëjxm ko të tyajkojyën; Yë'ëpaat yë ëxëëk ja'ay paatykyëjxm jyääjëty jä'ä ko jää yajtëytyuna'any ko ënety ja poky yajnipaye'ey.

Mateo 10:15

Tëy miits n'ënëëmëtë, ko nëjkx tpaaty ja paye'eyën, wäänë këjää tääpë kajpn ja ëyo'on yajmo'otëty këtiinëm ja Sodomë ets Gomorra itjot.

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Romanos 2:5

E mijts nëkooyë mkujuun'ajnë, ka'ap xytsyoky mwinpitëty ma ja Tiosën, ja m'ëyo'on kë'ëm myajnipejtyp ets xykëpätëty ma ënety ja Dios tyajnikëxe'eka'anyën ja jyoot'an ko ja paye'eyën tunëty,

1 Corintios 10:13

Ka'anëm miits xypyaatë ja ëyo'on jotmay mëti'ipë ka'ap yajmëmëta'akëtyën. Jyëkyejpy miits ëmuumtu'uk ja Dios xymyëpëktëty ko ka'ap mtukpaata'anëtë ja ëyo'on wäänë mëkpë mëti'ipë ka'ap myëmëtaknëtyën ets pën jää ënety ja ëyo'on jotmay xypyaatë, Dios nëjkx mputëkëtë ets xymyënax xyajnaxtëty.

2 Timoteo 3:12

Tëyajtën yë'ë ko ni'ëmukë mëti'ipë ja ja'ay juuky'atantëpën oy ma Kristë Jesusën näjyëtu'un yaj'ixjëtita'an yajpajëtita'antë;

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

2 Pedro 2:4

Dios ka'ap ojts tnime'kxy ja anklëstëjk mëti'ipë ka'ap myëmëtoowën, jap ojts tpëjktä'äky ëyoowtaknjoty, kupi'its kukoots ets kuwëëny kuxotsy jap tuk'ëwxity ja tëytyu'unën.

2 Pedro 3:7

E ja naax ets ja tsajp mëti'ipë tyam n'ijxëmën, tëë ja Dios tuknipëjktaakë ko tyajkutëkoyä'äny mëët ja jëën, ets ko tyajkutëkoyä'äny ja ëxëëkja'aytyëjk ko ënety ja tëytyu'unën ets ja paye'eyën tyunyë jyätyë.

Judas 1:6

Ets ja anklëstëjk mëti'ipë ka'ap ojts oy tyajtu'uye'eytyën ja tyuunk ets t'ëxmajtstë mëti'ipë ënety ja Dios të tyuk'ënä'ämëtën, akootstuuy ojts pyëjkta'akëtë. Japts y'ëwxitë koonëm ja paye'eyën y'itëty.

Apocalipsis 3:10

Jä'ä ko të xypyatuny ja n'ënä'ämënës xëmë, paaty miits n'ijx'ita'an nkëwent'ata'antë ko ënety ja ëyo'on jotmay yaa myiny mapaat ja naaxwiinyëtë y'ëwëtityën ets yajwinma'any'ixa'antë mëti'ipë tsënaaytyëpën naaxwiiny.

1 Samuel 29:10

Paaty yam nmëpëjktsoy ets mijts mëët yë mja'ay mwinpitëty, jëpom jopy ko ënety xyiinytyä'äky, tääts mtu'upëktëty.