2 Pedro 2:3 - Biblia Dc en Mixe de Quetzaltepec

³ Ji'iyë ja meeny tyätsyojktëp ets miits xymyëjuytyëty ko ënety mtukmëmëtya'akëtë ja kyë'ëm ayuk kyë'ëm winma'any. E tëë ja Dios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Dios tyuknipëjktaakëtë ets ja mëj ëyo'on tpaatëty.

Biblia Mixe de Quetzaltepec

³ Ji'iyë ja meeny tyätsyojktëp ets miits xymyëjuytyëty ko ënäty mtukmëmëtya'akëtë ja kyë'ëm ayuk kyë'ëm winma'any. E tëë ja Tios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Tios tyuknipëjktaakëtë ets ja mëj ëyo'on tpaatëty.

2 Pedro 2:3 ပူးပေါင်းရင်းမြစ်များ

Job 6:27

Miitsëty kajtëm xypya'ëyowtëty yë ku'ooky u'unk ets tsojktëm xynyanitooktëty yë ja'ay mëti'ipë mëët oy mnämyäyëtën.

Salmos 18:44

Je'eyës tu'k aaw nkäjpxy täätsës xymyëmëtowtë; jëkämpaat muum yë ja'ay të tsyoontë mëti'ipës të xymyëmëtowtën.

Salmos 66:3

Jëtu'un yë Dios ënëëmëtë: Dios, tu'kë'ëyë mëti'ipë të xyajkojy të xypyëjktä'äkyën janty oyëty yaj'ixy ets tukxoontaknëty. Mëët yë mmëkajtën, yë mmëtsiptëjk aakmijts mëmëtowanëp,

Salmos 81:15

Mëti'ipë myëtsip'ajtëpën yë Dios, tsë'ëkë mëët jeexyë të wyë'ëmta'atë, ma të yajtëytyuntën, tsa'ay jeexyë të wyë'ëmtë.

Isaías 5:19

Miitsëty mëti'ipë ënantëpën: Wä'än yë Dios tsojkyë tuunkojy tii tyunäämpyën ets n'ijxmëty; wä'än tsojkyë tuunkojy mëti'ipë të tuknipëjktaakën, ets nija'awëmëty.

Isaías 56:11

Jëtu'un y'ëtëtsnëtë ukën ka'apë kyu'uxyën, ja këwent'ajtëp ja'ijtyëty je'eyëp ko ka'ap nijënu'un jyä'äkyukëtë; këëk tu'u tjantyye'eytyë, aakyë'ë pyajëtijtëp wi'ix myeenypyaatëtyën,

Isaías 60:22

Ya'atë tyam tu'k'nuuky yaj'ixyën, mil'am y'awinpita'any; mëti'ipë tyam niwäänë yaj'ijxtëpën, mëj kajpn y'awinpita'antë. Ëjts jëtu'un Wintsënajtp, ëjts nyajkutukäämpy ets tsojk jëtu'un tyunëtëty jyatëtëty, ma ënety ja nyixëëw të tpaatyën.

Jeremias 6:13

Wä'än tmëj tmutskëty yi'iyë myëmaay myëtajtëp wi'ix wit meeny tpaatëtyën mëët ja ëxëëkpë ja tu'unën kajpxën; yë käjpxynyajxpë ets teetytyëjkëty aakyë'ë yajtukwin'ë'ëntëp wit meeny.

Jeremias 8:10

Paatykyëjxm wiink ye'etyëjkës nmo'ojäämpy ja tyo'oxytyëjkëty ets nyaax kyamëty wiink ja'ayës ntukë'ëtëjkëjäämpy. Jä'ä ko wä'än tmëjëty tmutskëty, aak yi'iyë myëmaay myëtajtëp wi'ix wyitpaat myeenypyaatëty mëët ja ëxëëktu'un ëxëëk kajpxën; wä'än yë'ë'atë käjpxynyajxpëtëjkëty ets teetytyëjkëty, ka'ap tii oy tpaatë.

Ezequiel 13:19

Miitsëty, yë'ë mnätyukwin'ë'ënëtëp tu'knuukpyë tsajpmok, ëkë tu'ukpë mäjtskpë tsajpkääky, etsës xynyëxi'ik xytyukxi'iktë maas ja nnaax nkajpnën; xyaj'ook xyajtëkoytyë yë ja'ay ka'apë jeexyë y'ookyën; xyajwë'ëmtë juuky ka'apë nyitëkëtyën jyuuky'atëty. Jëtu'un yë nnaax nkajpnës xywyin'ëëntë, ko tmëpëky ja win'ë'ënën antakën.

Miqueas 3:11

Ja wintsëntëjkëty mëti'ipë winë jeexyë oy pyaye'eytyëpën y'ëxajëtëp yë meeny ets ka'ap tii oy tpaye'eytyë; yë teetytyëjkëty yi'iyë ja'ay tyuk'ijxpëjktëp wi'ix tyaktëtyën ja wit meeny may'äämpy ets käjpxynyajxpëtëjkëty tyo'knëtëp ja y'aaw y'ayukëty ko nyätyijyë winë t'akajpxtë, jä'ä ko y'ëna'antë ko yë'ë Dios mooyëtëp yë winma'any ets yë'ë të myëkajpxëtë, jä'ä myäytyë tyajtë: Yë Dios yë'ë yajpatp mëët ëëtsajtëm; tii xynyajajtmëp.

Habacuc 3:3

Jamtsow yë Wintsën tsyoony ma Temán ets Parán y'itjotmën jamtsow yë Dios wa'atspë myiny. Yë myëj'ajt y'oyajtën jëtu'unyë jam tsajpkëjxm jyajwä'kxy ets ja naaxwiinyëtë ja'ay y'ëwtatyë ets wyin'ëw wyinyä'äxyë.

Malaquías 1:10

Jääpëk jeexyë jam pën pyëtsimy ma miitsëtyën mëti'ipë tsajptëjk yaj'ëtukëpën, këtiipë pën tyajmëjëty jap yë jëën maas yë nwintsë'këntyaknën. Jä'ä ko ka'apës jotkujk näjyawëty mëët miitsëty ets ka'apës jëtu'un n'ëkupëkanë yë wintsë'kën mëti'ipë myajktëpën.

Mateo 23:14

Mon tuk miitsëty myajpaatë, yaj'ijxpëjkpëtëjkëty mëti'ipë nyija'awëtëpën ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ni miits mkanaxtë ets ni mmëku'uk xykyayajnaxtë mëti'ipë ja naxantëpën.

Lucas 18:8

Jëtu'un miits nëëmëtë ko ënätyë tpaye'eyä'äny. E yë'ë ënät ko yë naaxwiinyëtë ja'ay yë y'u'unk jatëkok wyimpitëty, ¿jyaak paatëp jëtää ja ja'ay mëti'ipë mëpëjktëpën?

Lucas 20:20

Ënet ojts tkäxtë ja ja'ay mëti'ipë pya'ix pyawoontëp ja Jesús, tääpë ja'ayëty oyjyä'äy nyäpyëjkta'akëtë, yë'ë tsyojktëp ets ja Jesús muum kyajpxtëkoyëty ets jëtu'un tkë'ëyaktëty ma ja Roma yajkutujkpën.

Lucas 22:47

Tam ënety ja Jesús kyäjpxynyëm ko jyajtë ja mayjyä'äy. Ja Judas tu'uwinwoop; tu'uk mëti'ipë ja Jesús y'ijxpëjkpë'ajtypyën mëti'ipë mëët nyimajkmäjtskëtën. Tääts tmëwinkoony ja Jesús ets ojts tsu'kxy.

Juan 2:16

Ënet ja pak to'kpë yaj'ënëmaaytyë: Yajpëtsëmtë ya'atë yaa, ka'ap tjëkyepy miits maaytyëjkën xywa'antëty ja nTeetyës ja tyëjk.

Romanos 16:18

Ka'ap yë Wintsën Jesukristë yë'ëjëty tmëtuntë, kyë'ëm tsojkën yë'ë myëmaay myëtajtëp ets ja ja'ay twin'ëëntë ko janty yujy janty tëtä'äky myëtya'aktë; yë'ë wyin'ë'ëntëp mëti'ipë ka'ap oy tnijawëtën tii ja Dios tsyojkpyën.

2 Corintios 2:17

Ka'apës ja Dios ja y'aaw y'ayuk nyajtuunëtë etsës ja wit meeny npaatëty ijxtëm may y'ëtë'ëtstën; ni'ikyë ëmuumtu'ukjot nikajpx nimëtya'aktës ja Dios ja y'aaw y'ayuk, ko yë'ë të xykyäxtës ets ko tu'ukyë mëët n'itës ja Kristë.

Deuteronomio 24:17

Këtii nëkoo o'ktëy xytyuntëty yë jaaypyo'kxy, ni yë'ë ëxaty xykyatuntëty yë ku'ooky u'unk ets ja ku'ookytyo'oxy, ko ënety mënu'kxy'ätyë. Këtii yë wyit tyujkxy xypyëjkëtëty mëti'ipë ja nu'kxy mtukutëkëtëpën.

Deuteronomio 32:35

Jääjës yë ntuknipëjktaakë nyajpëtsëma'any, koos ënety ntuunwinpity, mëët wi'ixës ja y'ëxëëkjot y'ëxëëk winma'any të xytyuk'ixtën, ets ko ënety o'ktëy jyajnëtë kyëpäjnëtë. E timwinkoonp ma ënät kyutëkooytya'atëtyën, tyimpatyp ja xëëw po'o.

1 Tesalonicenses 2:5

Ka'ap miits nëkoo je'eyë të nwinmëtya'aktë mëët ja aaw ayuk tsujpë ets ni të nka'amëtowtës eetsës xymyëjuytyëty. Dios yë'ë wa'ats nyija'ap.

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.

1 Timoteo 3:3

ka'ap y'uukëty myu'ukëtëty, ka'ap tsyipja'ay'atëty, mä'kxtukëp, ka'ap meeny t'ook'atëty.

1 Timoteo 3:8

Näyjyëtu'un ja mëpëjkpëtëjk mëti'ipë ja tuunk të yajtuknipëktën jap tsajptëkoty, yë'ë mëti'ipë jyëkyejpy yajwintsë'ëkëty, mëti'ipë ka'ap y'ëëwtëkoy kyajpxtëkoytyën, ka'apë y'uuktën myu'ukëtën ets ka'apë yi'iyë wit meeny tpa'ix tpawoontën.

1 Timoteo 6:5

je'eyë nyätsyiik nyäkyoxëtë jä'ä ko ëxëëk ja jyot wyinma'anyëty ets ka'ap nijawëtë ja tëyajtën, paaty myëpëktë ko nyäyajkumeenytya'aka'anëtë.

Tito 1:11

Ya'atë ja'ayëty, ka'ap mëpaat nyajkajpxëmë, yajma'tëp ja ja'ay tu'kjëën tu'ktëjkpë ets tyuk'ijxpëjktëp mëti'ipë ka'ap pyaat'atyën ets tpaatëty ja meeny.

Tito 1:7

Mëti'ipë nyikopk'atëpën ja Dios ja nyaax kyajpn yë'ë mëpaat t'ixy ttuny mëti'ipë Dios y'oyjya'apën, paaty kyopkpëkyëty ets oy tsuj jyuuky'atëty. Ka'ap kyujuunta'akëty, ka'ap wyin'äkë'atëty, ni kya'uuk kyamu'ukëtëty, ni tsip tka'ixta'ajëty, ni meeny tka''atsokëty

1 Pedro 2:8

Ets näjyëtu'un jatu'kpëky y'ënä'äny: Jëtu'un yë'ë ijxtëm tu'uk ja tsaajën ma ja ja'ay kyunäpëtën. Jam ja ja'ay kyunäpëtë mëti'ipë ka'ap tkupëktën ja Dios ja y'aaw y'ayuk; ets jëtu'un ëxëëk jyatë kyëpätë.

1 Pedro 5:2

Jëtu'un ijxtëm ja jëyujk ijxpë t'ijx'ity tkëwent'atyën ja kyupixyny, jëtu'un këwent'atë ja Dios ja jyä'äy. Winë aaw winëjot mtuntëty ijxtëm ja Dios tsokyën, ka'ap y'atsipëty ets ka'ap yë meeny yi'iyë xytsyojkën'atëty.

2 Pedro 1:16

Ja ijxpëjkën mëti'ipë tmooytyën ko ja Wintsën Jesukristë myina'any yaa naaxwiiny jatëkok mëët ja myëk'ajtën, ka'apës kë'ëmwinma'any ojts nma'kxtë etsës jëtu'un n'ëna'antëty, nwiinës mëët ntimy'ijxtë ja Wintsën ja myëj'ajtën jyääntyajtën.

2 Pedro 2:1

Ijtë näjyëtu'un ja ja'ayëty tëëyëp mëti'ipë nätyijëtën ko ja Dios kyäjpxynyajxpë'atëtë ma ja Israel ja'ayëtyën, tää tyam yaa jëtu'unpë ja'ayëty ma miitsëtyën. Yë'ë ja'ay tyuk'ijxpëkantëp ja jot winma'any mëti'ipë yajtëkoopyën, ets t'ixtijtëty ja Wintsën mëti'ipë të yajtso'okëtën; ko jëtu'un y'ëtë'ëtstë, ënätyë ëyo'on tpaata'antë.

2 Pedro 2:9

Yë Dios nyija'ap wi'ix tyajpëtsëmëtyën ëyo'ontum mëti'ipë yë'ë ets nän nyija'ap wi'ix ja ëxëëkja'aytyëjk tuk'ëwxityën ja ëyo'on jotmay.

Judas 1:11

Pyaatantëp ja mëj ëyo'on, jä'ä ko yë'ë tyuuntëp mëti'ipë ja Caín tyuunën. Ko myeeny atsoktë jëtu'un y'ëtë'ëtstë ijxtëm ja Balaamën ets ja Coré ets kë'ëm tku'ookëja'antë ja y'ëxëëk winma'anyëty.

Judas 1:15

ets tpaye'eyä'äny ja naaxwiinyëtë ja'ay, tëytyuna'any ja ëxëëkja'aytyëjk mëti'ipë të tyuuntëkoytyën ko të twinkajpxpätë ja Dios.

Judas 1:16

Yë jëtu'unpë ja'ayëty, nitii tkatukjotkëta'aktë, je'eyë nëkoo nyä'ämtë, aak nänyi'ojë tii tpëjkta'aktë, yi'iyë tyukjotkëtaktëp mëti'ipë kë'ëm tsyojktëpën; amëj akëjxm tii tkajpxtë, je'eyë ja Dios nëkoo tukajpxpätë ets yajputëkëtëty.

Judas 1:4

Jä'ä ko tëë ja ja'ay jya'të mëët ja näwyin'ë'ënën mëti'ipë ja Dios ojts tëëyëp tnikäjpxyën ko nyëjkxa'antë ëyo'ontum. Ëxëëk ja'ay yë'ëjëty, je'eyë nëkoo ja Dios ja y'aaw y'ayuk tyajnaxtë kajpxpäjn ma ëxëëkajtën tuntën. Ka'ap tmëjpëjkta'aktë ja Dios ja y'oyajtën, ni'ikyënëm t'ixtijtë ja Dios ja myëj'ajtën ets ja Jesukristë ja kyutujkën.

Judas 1:7

Ijxtëm ja anklëstëjk ja Dios tkamëmëtoowtën, tim näjyëtu'un ojts y'ëtëtstë ja Sodomë ets ja Gomorra ja'ayëty ets ja wiink kajpn mëti'ipë winkon yajpatën. Ni'ikyë këjää pyokytyuuntë, paatykyëjxm ja Dios yajkutëkooyëtë mëët ja jëën. Jëtu'unts ja Dios ja nija'awën të xymyo'oyëmë.