2 Pedro 2:2 - Biblia Dc en Mixe de Quetzaltepec

² May ja ja'ay tpanëjkxa'antë mëët ja y'ëxëëk juukyajtënëty ets yë'ëkyëjxm ja Dios tyiyajtën ëxëëk yajnikajpxa'any yajnimëtya'aka'any.

Biblia Mixe de Quetzaltepec

² May ja ja'ay tpanëjkxa'antë mëët ja y'ëxëëk juukyajtënëty ets yë'ëkyëjxm ja Tios tyiyajtën ëxëëk yajnikajpxa'any yajnimëtya'aka'any.

2 Pedro 2:2 ပူးပေါင်းရင်းမြစ်များ

Génesis 19:5

Ënet tyëjkëtyë yaxpë jojkpë. Yë Lot yajmëkajpxp, jëtu'un y'ëna'antë: ¿Ma ënät ja ja'ayëty mëti'ipë të xyaja'ajtä'äkyën ma mtëjkën? Yajpëtsëm nmëëtko'knëjantëpës yam.

Salmos 18:21

Ëjts Tiosës yë nyë'ë tyu'u të npanëjkxë, Ka'apës nijëna'a nTios të n'ixtijy.

Isaías 35:8

Jam ja Wintsën tu'uk ja mëjtu'u tyajnaxa'any mëti'ipë yajtijaanpën, Kënu'kxytyu'u. Mëti'ipë ënety ka'ap wya'ats'atën ka'ap nëjkx jam tyëkëtë, yë tsuuja'aytyëjk ka'ap nëjkx jam nyaxtë, yi'iyë nëjkx jam nyaxtë mëti'ipë mëtëy juuky'ajtëpën.

Jeremias 6:16

Jëtu'un ja Wintsën ja nyaax kyajpn t'ënëmaay: Nëjkxtë jam muum mtänëtë në'ëjoty tu'ujoty ets xy'ixtëty ma patu'ujën; xyajnitëwëtëty mëti'ipë oyën, yë'ëts panëjkxtë ets mpo'kxtëty. E yë'ëjëty tyaa ojts y'ëna'antë: Ka'ap, ka'apës mpanëjkxa'antë.

Mateo 22:16

Paaty ojts tkäxtë ja y'ijxpëjkpëtëjk mëët ja Herodes jyä'äy ets ja Jesús t'ënëmaaytyë: Wintsën, nija'awëtyëp ëëtsëty ko mijts mëtëy winë xykyäjpxy ets ko mijts mëtëy ja ja'ay xytyuk'ijxpëky ja Dios ja nyë'ë tyu'u oy pën tëkatsy mnikäjpxy mnimëtyä'äkyë, jä'ä ko ka'ap yë'ëkyëjxmëty winë oy xytyuny ets ja ja'ay m'oyjyawëtëty.

Mateo 24:24

Jä'ä ko minantëp ja ja'ayëty mëti'ipë nëjkx nyätyijëtën Kristë ets mëti'ipë nätyijëtëpën Dios kyäjpxynyajxpë; nëjkxëp tyaj'ixëtë ja mëj'ajtën ets wi'ix kawi'ixëty nëjkx winë tuntë ets yë'ëpaat nëjkx yajwin'ëëntë mëti'ipë ënety ja Dios të twin'ixyën.

Mateo 7:14

Temë ja najxtakn ets ja tu'u mëti'ipë nëjkxpën ma ja juukyajtën xëmëkyëjxmëpë, xu'uts jä'ä ets wäänë ja ja'ay tpaatë ets jap tyëkëtë.

Marcos 12:14

Ënet ojts nyëjkxtë ets ja Jesús yajnëmaay: Wintsën, nija'awëtyëp ëëts ko mijts mëtëy mja'ay'äty, jä'ä ko ka'ap xymyëjpëjktä'äky oy pën wi'ixjaty m'ënë'ëmxëty, ka'ap yë'ëkyëjxmëty tii xynyikäjpxy ets ja'ay mtsokëtëty. Mijts yë'ë ja'ay mtuk'ëwa'anëp ja Dios ja nyë'ë'aaw tyu'u'aaw. ¿Oy ko yë yajkutujkpë César nmëkëpäjtmëtyë ëkë ka'apë? ¿Jyëkyejpy nmo'omyëty yë meenyë ëkë ka'apë?

Marcos 13:22

Jä'ä ko minantëp mëti'ipë nätyijanëtëp Kristë ets mëti'ipë nätyijanëtëp Dios käjpxynyajxpë, yaj'ixëtëp näjyëtu'un ja ijxpäjtën ets mëj'ajtën, ets yë'ëpaat yajwin'ëëna'any mëti'ipë ja Dios të wyin'ixyën.

Juan 14:6

Ënet ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Dios Teetyën.

Hechos 13:10

ets t'ënëmaay: Mijts, win'ë'ënpë, mëjku'u y'u'unk. Mmëtsip'ajtyp tu'kë'ëyë mëti'ipë mëtëyën. ¿Tii ko xëmë xyajma'ata'any ja Wintsën ja nyë'ë tyu'u tëypyë?

Hechos 14:2

Ja jutiis ja'ayëty mëti'ipë ka'ap myëpëktën ojts t'akajpxëtë ja ja'ay mëti'ipë ka'ap jyutiis'atën ets tyajwinmaaytyëkajtstë ets tmëtsiptsoontëty ja mëti'ipë ënety të myëpëktën.

Hechos 16:17

Ja to'oxy'ëna'k ojts ëëts xypyatsoontë, ets y'ënäny mayjyä'äyjoty: Ya'atë ye'etyëjkëty, Dios ni'ik këjxmëpë myëtuuntëp. Yë'ë mtukmëmëtyakëtëp wi'ix xypyaatëty ja nitsokën.

Hechos 18:26

Tääts ja Apolo ojts ja Dios ja y'aaw y'ayuk amëk jotmëk tnikajpxtso'onë jam tsajptëkotm. Ko ja Priscila ets ja Aquila tmëtoowtë, tää ojts ja Apolo twowtë ma tyëjkën ets ja Dios ja nyë'ë tyu'u wäänë kä'pxy tjaaktuk'ëwa'anëtyë.

Hechos 19:9

Je'eyëp ko jënaakën ja ja'ayëty, juunpë ja wyinma'anyëtyën ka'ap tkupëjktë mëti'ipë ja Pablo jyanimëtyäkpyën, ni'ikyënëm y'ëna'antë ja'aywyintum ko ja Oypyë ja Në'ë Tu'u, ëxëëk yë'ë. Paaty ja Pablo timy'ëxmajtsy tääpë ja'ayëty ets ojts twoownëjkxy ja mëpëjkpëtëjk ma ja Tirano ja y'ijxpëjktaknën. Jam ijty winjëpom kyajpxtë myëtya'aktë,

Hechos 22:4

Ëjts ijty mëk npajëtijtyp ja mëpëjkpëtëjk ets nyaj'ookäämpyës mëti'ipë ja Jesús ja jyä'ä pyanëjkxëpën. Ntsuumës nmajtsës ja ye'etyëjk to'oxytyëjk.

Hechos 24:14

Yi'iyës nkupëjkpy koos ja Dios nmëtuny ijxtëmës ja n'ap n'ok tmëtuuntën. Yë'ës npanëjkxyp mëti'ipë yajtijpën Në'ë Tu'u Jempyë, mëti'ipë yë'ë tyijtëpën ijxpëjkën ka'apë myëtëyëtyën ets nmëpëjkpyës ja Moisés ja y'ënä'ämën ets mëti'ipë ja Dios ja kyäjpxynyajxpë ojts tnikajpxtën.

Romanos 2:24

Paaty mëtëyën ijxtëm ja Dios ja y'aaw y'ayuk kyëxja'ayëtyën: Miits ja poky mmëët'ajtëp ko ja'ay tyajjoot'anpëktë yë Dios mëti'ipë ka'ap jyutiis'atën.

1 Timoteo 5:14

Paatyës nëëmëtë ja ku'ooky tyo'oxytyëjkëty ëna'këtypë ets ënätyë pyëktëty, wä'än tmëët'atë y'u'unk y'ëna'këty, wä'än jyëënjoty tyëkoty tuntë, këtiipë nëkoo tëkatsy ja mëtsip nyikajpx nyimëtya'akëtëty.

Tito 2:5

wijjyä'äy'atëty, wa'ats, ets pätë'ëky ja'axë'ëky ja jyëën tyëjk tyaj'itëty, oy ja jyot wyinma'any tmëët'atëty; këtiipë pën ja Dios ja y'aaw y'ayuk ëxëëk tnimëtyakëty.

Tito 2:8

Oy ets wa'ats mkajpxëty mmëtya'akëty, këtiipë pën y'ëna'anëty ko ka'ap jyëtu'unëty. Jëtu'un tsyëtyu'unpaatëty mëti'ipë mmëtsip'ajtëpën, jëtu'un ka'ap tjëkyäptëty wi'ix ëxëëk xynyimëtyakmëtyën.

1 Pedro 2:12

Mëët'atë ja oyjyot oywyinma'any mëët ja ja'ay mëti'ipë ja Dios ka'ap tnijawëtën. Oy ëxëëkjaty mtijëtë ijxtëm jeexyë miits m'ëxëëkja'ay'atën, nëjkxëp jëna'a t'ixtë tnijawëtë ko ënety miits oy winë xytyuntë ets nëjkxëp tmëjjawëtë ja Dios ko ënety ja paye'eyën tuny.

2 Pedro 2:12

Yë jëtu'unpë ja'ayëty Dios yajwintsë'këntëkooytyëp ko ka'ap tii tja'akyyukëtë. Jëtu'un nyäpyëjkta'akëtë jëyujkën, nitii ja'aykyujkën tkamëët'atë ets näjyëtu'un y'ooka'antë jëyujkën mëti'ipë të t'amin t'akä'äxëtën ja o'kën tëko'oyën.

2 Pedro 2:15

Tëkoy y'ijnëtëp yë'ëjëty, jä'ä ko ja oypyë ja në'ë tu'u të t'ëxmatstë ets ja Balaam wyinma'any të tpanëjkxtë, ja Beor myaank mëti'ipë meeny jyajëpëkanën mëët ja ëxëëk winma'any.

2 Pedro 2:18

Amëj akëjxm tii tkajpxtë mëti'ipë ka'ap tyunyën, wyin'ë'ëntëp ja ja'ay ko y'ëna'antë ko ka'ap pyokyëty ko ja'ay kyë'ëm winma'any tyajtuny. Jëtu'un ja ja'ay tyajpokytyuntë tyam ënety jemnyëm t'ëxmatstë ja ëxëëk juukyajtën.

2 Pedro 2:21

Nikë oy ko jeexyë ka'ap të timnyijawëtë ja në'ë tu'u oypyë, jä'ä ko tëë tjanijawëtë ets ok të t'ëxmatstë ja Dios ja y'ënä'ämën mëti'ipë të jyayajmo'otën.

2 Pedro 2:7

Dios yaj'ëwaatspëtsëëm ja Lot, mëti'ipë oyjyä'äyën ets ka'ap akujk jotkujk y'ijty mëët ja ëxëëk ja'ay ja jyuuky'ajtënëty.

Judas 1:10

E tääpë ja'ayëty ëxëëkjaty nimëtya'aktë mëti'ipë ka'ap nijawëtën. Jëtu'un yë'ëjëty ijxtëm ja jëyujkën, ka'apë jyä'äkyukëtën, jëtu'unts ëxëëktum nyäyajka'ajëtë.

Judas 1:15

ets tpaye'eyä'äny ja naaxwiinyëtë ja'ay, tëytyuna'any ja ëxëëkja'aytyëjk mëti'ipë të tyuuntëkoytyën ko të twinkajpxpätë ja Dios.

Judas 1:4

Jä'ä ko tëë ja ja'ay jya'të mëët ja näwyin'ë'ënën mëti'ipë ja Dios ojts tëëyëp tnikäjpxyën ko nyëjkxa'antë ëyo'ontum. Ëxëëk ja'ay yë'ëjëty, je'eyë nëkoo ja Dios ja y'aaw y'ayuk tyajnaxtë kajpxpäjn ma ëxëëkajtën tuntën. Ka'ap tmëjpëjkta'aktë ja Dios ja y'oyajtën, ni'ikyënëm t'ixtijtë ja Dios ja myëj'ajtën ets ja Jesukristë ja kyutujkën.

Judas 1:7

Ijxtëm ja anklëstëjk ja Dios tkamëmëtoowtën, tim näjyëtu'un ojts y'ëtëtstë ja Sodomë ets ja Gomorra ja'ayëty ets ja wiink kajpn mëti'ipë winkon yajpatën. Ni'ikyë këjää pyokytyuuntë, paatykyëjxm ja Dios yajkutëkooyëtë mëët ja jëën. Jëtu'unts ja Dios ja nija'awën të xymyo'oyëmë.

Apocalipsis 12:9

Jëtu'un yaj'ixkejxy ya'atë mëj tsa'any, mëti'ipë yajtijpën mëjku'u ets Satanás, mëti'ipë wyin'ë'ëmpyën ni'ëmukë ja naaxwiinyëtë ja'ay. Yë'ëts ojts naaxwiinyëtë yajkujëpijpnaxy mëët ja ëxëëkpë ja anklëstëjk.

Apocalipsis 13:14

Jëtu'un'äämpy ja ja'ay twin'ëëny twinxajy ko ja myëk'ajtën tyaj'ixyë. Tääts twin'ë'ëny ja naaxwiinyëtë ja'ay ets t'ënëmaay ets t'oytyuntëty tu'uk ja awinax ijxtëm ja mëjëwyiinpë ja mëj jëyujkën mëti'ipë ka'ap të y'ookyën, oy të jyayajpuxy.

Apocalipsis 13:8

Ja naaxwiinyëtë ja'ayëty wyintsë'ëkëjantëp ja mëj jëyujk, mëti'ipë ja xyëëw ka'ap jap myintën kuja'ay ma ja nokyën mëti'ipë myë'ijtypyën ja Kupixyny U'unk ja jyuukyajtën, mëti'ipë ja ja'ay yajkruuts päjtën.