2 Pedro 2:19 - Biblia Dc en Mixe de Quetzaltepec

¹⁹ Tukwinwa'anëtëp ja oypyë juukyajtën tyamts pokyjotm kë'ëm y'itë, jä'ä ko ëne'emy pawopy tyaj'itë mëti'ipë të tmëmëta'aktën.

Biblia Mixe de Quetzaltepec

¹⁹ Tukwinwa'anëtëp ja oypyë juukyajtën tyamts pokyjotm kë'ëm y'itë, jä'ä ko ëne'emy pawopy tyaj'itë mëti'ipë të tmëmëta'aktën.

2 Pedro 2:19 ပူးပေါင်းရင်းမြစ်များ

Juan 8:34

Tä ja Jesús y'ënëmaayëtë: Tëy miits nëëmëtë, ni'ëmukë mëti'ipë pokytyuuntëpën, jëtu'un ja poky yaj'itëtë ijxtëm jeexyë myëtuunpë'atën nitooky.

Gálatas 5:13

Mëku'uktëjkëty, miits të myajwootsowtë ets ëwaatsëtum m'itëty. E ka'ap yë'ëjëty ets miits xytyuntëty mëti'ipë mmaay mtajtëpën ko ënety ja ëwaatsëtumpë xypyaatë, yë'ëkyëjxm ets mnäpyutëkëtëty nixim niyam mëët ja tsojkën.

1 Pedro 2:16

Jëtu'un ja'ay'atë ijxtëm mëti'ipë ëwaatsëtum ijtëpën, je'eyëp ko ja ëwaatsëtum'ajtën ka'ap yë'ëjëty ma ja ëxëëkpë xytyuntëtyën. Yë'ë myajnikëxë'ëktëp ko ja Dios xymyëtuntë.

Gálatas 5:1

Tëë ja Kristë xymyo'oyëmë ja ëwaatsëtum'ajtën ets ëwa'atstuuy nyajpatmëty. Paaty tyam itë amëk jotmëk ma ëwaatsëtum myajpaatën ets këtii jatëkok m'ëk m'ëknäkyë'ëyajkënëtëty ma të myajpaatën ijxtëm jeexyë mnitooky'atën.

Tito 3:3

Tëëyëp näjyëtu'un ijty ntsuu'ajtëmë, ka'ap nmëmëto'owëm ja Dios, tëkoy ijty nyajpatëmë. Ja atsojkën ets mëti'ipë ni'ik ntukjotkëtakëmën yë'ë ijty xyaj'ijtëm ijxtëm ja mëtuunpën ëne'empyë y'ityën. Ëxëëk ijty nja'ay'ajtëmë, ntuk'ëxëëk'ijxëm ijty winë ja nmëku'uk'ajtëmë, ëxëëk ijty nyajpatëmë ets ëxëëk näy'ijxëmë xim yam.

2 Timoteo 2:26

Wä'än twijtë tkäjtë ets tkukä'äktëty ja ku'oypyë mëti'ipë yaj'ijtëtëpën tsumy matsy ets y'ëxëëktunëtë ijxtëm yë'ë tsokyën.

Jeremias 23:9

Ma yajnikajpxtën yë käjpxynyajxpëtëjk: Mëkës njawë, jëtu'unës näjyawëty aak tsëyuupyës yowë njot nnini'kx, jëtu'unës nyaj'ijxnë ëmu'ukyë ja'ayën, tä tu'uk yë ja'ayën mëti'ipë tsatym nyëë të t'uukyën mëti'ipë mukpën, ko yë Wintsën të kyäjpxy ets ko yë y'aaw y'ayuk wya'atsëty.

Isaías 28:1

Janty mon janty tuk yë Samaria kajpn yajpaaty, ja kajpn ma ja Efraín ja y'u'unk y'ok tsyëënëtën mëti'ipë ja amu'ukyëja'aytyëjk yajmëjnajxtëpën, mëti'ipë janty'oy näjya'awëyëpën ets jëtu'un ja jyuukyajtën tä pëjyën mëti'ipë të xyo'tsnën, jampë yajpaatyën naaxjotm ma winë y'ity wyintëyën. Janty mon janty tuk yajpaaty jä'ä ko yi'iyë yajmëjnajxyp ets amu'ukyë yajpaatëty.

2 Pedro 2:20

Mëti'ipë të tnijawëtën ja Wintsën Jesukristë Yajnitsokpë ets të tsyo'oktë ma ja ëxëëkpën, pën jam jatëkok nyäyajka'ajëtë pokyjotm, wäänë o'ktëy nëjkx jyatë këtiinëm ijxtëm ënety të y'itën.

Hechos 19:16

Ënet ja ja'ay mëti'ipë ja ku'oypyë myëët'ajtëpën ojts tyukpujtpätëtë ets yajkäkëtë wintsëtyut jëjptsëtyut, niwa'ats ëxwa'ats ets nine'pny kune'pny pyëtsëëmtë tëkoty.

2 Pedro 1:4

Ets mëët ja jëtu'unpë tëë xytyukwinwa'anëmë ja këjääpë ets tsowpë, yë'ëkyëjxm xypyata'antë ja Dios ja y'oyajtën, myëj'ajtën ets xykyukä'äktëty ja mëti'ipë këjxp najxpën, yääyëpë naaxwiinyëtën.