2 Pedro 1:8 - Biblia Dc en Mixe de Quetzaltepec

⁸ Ko jëtu'un ya'atë tu'kë'ëyë xyajmëjtëkëtëty, ënät ja mjuukyajtën nëjkx wyinkëxë'ëktë ko ka'ap nyëkoopëty xynyijawëtë ja Wintsën Jesukristë.

Biblia Mixe de Quetzaltepec

⁸ Ko jëtu'un ya'atë tu'kë'ëyë xyajmëjtëkëtëty, ënät ja mjuukyajtën nëjkx wyinkëxë'ëktë ko ka'ap nyëkoopëty xynyijawëtë ja Wintsën Jesukristë.

2 Pedro 1:8 ပူးပေါင်းရင်းမြစ်များ

Tito 3:14

Wä'än näjyëtu'un ja nmëku'uk'ajtëmë tjatë ja oyajtën wi'ix ja myëku'uktëjk tputëkëtëty mëti'ipë tii yajmëyajtëpën ets ja jyuukyajtën tyajtuntëty.

Colosenses 3:16

Wä'än xëmë t'ity mjootjoty mwinma'anyjyotyëty ja Kristë ja y'aaw y'ayuk. Neykajpxwijëtë ets näjyotmëkwinkajpxëtë nixim niyam mëët tu'kë'ëyë ja mwijy'ajtënëty mkejy'ajtënëty ets kuuy'ëwtë ja Dios, mmëjjaw jaantyjyawëtë.

Juan 15:2

Ko tu'uk ja tsatym xe'enty ka'ap tyëëmyäky, tääts tkatspuxy; e ko tyëëmyäky ni'ikyë twinpëky twintuny ets nëpuxy nëpooty mëti'ipë atsijpën tääts yajxon tyëëm'atëty.

Hebreos 6:12

Ka'apës ntsoktë ets miits ni'ikyë nuux m'awinpijnëtëty, yë'ëjës ntsojktëp ets xynyi''ijxtu'utëty ja oyjyuuky'ajtën mëti'ipë yajpatpën ma ja ja'ayëtyën tëëpë t'ëxajëtën ja kuma'ayën mëti'ipë ja Dios të tyukwinwanëtën.

Filipenses 1:9

N'amëtoopy npëjktsoopyës ja Dios ets wäänëni'ik ja m'oyjot m'oywyinma'anyëty jyaaktimkyëjääjëty ets ja Dios ni'ik mjaaktimmyo'ojëtëty ja wijy'ajt ets ja'aykyujkën,

1 Tesalonicenses 4:1

Mëku'uktëjkëty, yë'ë miits ntuk'ënëmaaytyëp wi'ix mjuuky'attëty ijxtëm ja Dios tukjotkëtä'äkyën, ets tam jëtu'un xytyuntë. Tyam miits njaaktuknipëktë ets nmënu'kxta'aktë ma Wintsën Jesús yë xyëëwën ets jëtu'un mjuuky'atëty.

1 Corintios 15:58

Paaty, mëku'uktëjkëty mëti'ipës ni'ik ntsojktëpën, tu'ukyë ja mwinma'any xyaj'itëty; tuun'ëtë'ëtstë mëti'ipë ja Wintsën tsyojkpyën; jä'ä ko mnija'awëtëp miits ko ka'ap nyama'ata'any ja tuunk mëti'ipë mtuuntëpën mëët ja Wintsën.

2 Pedro 1:2

Ëxajëtë mëjwiin këjää ja kënu'kxën ets ja jotkujk'ajtën jä'äkyëjxm ko xynyijawëtë ja Dios ets ja nWintsën'ajtëm Jesús.

Filemón 1:6

N'amëtoopyës ja Dios ets mëët ja mmëpëjkën mtuknijawëtëty yajxon wi'ix tjëkyepyën tii oy ntu'unmëty ko yajmëët'aty ja tsojkën ja'awën ma ja Kristë Jesusën.

2 Tesalonicenses 1:3

Mëku'uktëjkëty, xëmës ja Dios nkukajpxëtë mëët miitskyëjxmëty, ijxtëm xypyaatës ntuntëty; jä'ä ko winpäjt'ëtëtsp ja mmëpëjkën ets nitsokën mëti'ipë mmëët'ajtëpën nixim niyam.

Filipenses 2:5

Näyjyëtu'un ja winma'any xymyëët'atëty ijxtëm ja Kristë Jesús tmëët'atyën.

2 Corintios 13:5

Nämyëmay nämyëtajëtë miits kë'ëm ets xy'ixtëty xynyijawëtëty pën mjantymyëpëjktëp ja Jesukristë. Näwyinma'any'ixëtë miits kë'ëm. ¿Këtii xynyijawëtë ko ja Jesukristë yajpaaty mëët miitsëtyë? ¿Ëkë nëkoo miits mnanyikajpxëtë ko Kristë xymyëpëktë?

Colosenses 2:7

Ijxtëm tu'uk ja kepy tyikts në'p yajpaatyën, jëtu'un miits mëk yajpaatë tu'ukyë mëët ja Jesukristë. Jëtu'un ijxtëm myajtukni''ijxëtën ets xëmë ja Dios xykyukajpxëtëty.

2 Corintios 9:14

Ets ëpëky myajkënu'kxa'antë mëët ja tsojkën ja'awën, ko t'ixtëty ko ja Dios miits mkënu'kxëtë.

2 Corintios 8:2

Oy wi'ix të jyat të kyëpätë, akujk jotkujk yajpaatë; oy ja wit meeny mëj këjää të tkamëët'atë, jëtu'un ja putëjkën tyaktë ijxtëm jeexyë kyumeeny'atën.

1 Timoteo 5:13

Näy tää ja'ay jyëtitë winjëën wintëjk mëti'ipë nuuxëtyën ets ka'ap je'eyë nyuux'atë, nän pi'itskajpxtëp, xii yaa muum nyakuye'ey nyakunaxëtë ets wi'ix kawi'ixëty y'ëna'antë.

1 Tesalonicenses 3:12

Wä'än ja Wintsën tjaakyajyeeky ja mtsojkënëty ets ni'ik mnätsyokëtëty nixim niyam, mëët ja wiinkëtypë mmëku'uktëjkëty, ijxtëm ëëts miits të ntsoktën.

2 Corintios 8:7

Jä'ä ko miitsëty këjxm ni'ik mnëjkxtë ma ja mëpëjkënën, ma aaw ayukën, ma winma'anyën, ma tuunkën, ma tsojkën ja'awënën mëti'ipë të xyjyatën ma ëëtsëtyën. Näyjyëtu'un mëpaat miits mwinpätë ets xyaktëty ja ayajk ako'onën.

Romanos 12:11

Tuk'o'kpätë ja oypyë tuunk. Ka'ap mnuuxta'aktëty. Mëtuntë Dios ëmuumtu'ukjot.

Juan 5:42

Ets näjyëtu'un nija'apës wi'ix miits mja'ay'atën ets ko ka'ap xymyëët'atë ja Dios ja tsyojkën jya'awën.

Mateo 25:26

Tääts ja wyintsën y'ëtsoowë: Mijts, ka'ap oy mmëtuunpëty, nëkoo m'ëk nuux'ajnë. Pën mnija'ap koos ja pëjktä'äky nyajpëtë'ëky ma ka'ap ni'ipy nkojyënës ets nyajpëtë'kpyës ma ka'ap tii ni'ipyënës,

Mateo 20:6

Tim tsu'ujënëp ënätynyë ko nyëjkxkojnëpë maayjotm ets tpaty ja ja'ayëty mëti'ipë ka'ap tii ja tyuunkëtyën ets tyajtëëy: ¿Tii ko miits yaa mtänëtë xëënaxy ets nitii xykyatuntë?

Mateo 20:3

Tääts ojts tsyo'onkojnëpë mëj petyxyëëw. Ënet t'ijxpaty ja ja'ay jam tyänëtë maayjotm mëti'ipë ka'ap tii tyuunkëtyën

Mateo 13:22

Ja tëëmt mëti'ipë ojts kyä'äyën äpny akujk, jëtu'un jä'ä ijxtëm ja ja'ay Dios y'aaw y'ayuk t'amëtoow'ijtëtën, je'eyëp ko yë'ë myëmaay myëtajtëp ja ajuuy ato'k ets mëk tsojkën'atë ja wit meeny ets yë'ë nyätyukwin'ëënëtë. Tu'kë'ëyë ya'atë, yë'ë yajkumo'onëtyääpy ja Dios ja y'aaw y'ayuk mëti'ipë të tjamëtoow'ityën ets ka'ap maa wyinkëxë'ëky.

Proverbios 19:15

Yë nuux'at je'eyë ma'ayë tyukpaaty; e yë ja'ay mëti'ipë nuuxën, kë'ëm nyäyaj'ayuu'atyë.

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.

Filipenses 3:8

Ni tiis tyam jëtu'un nka'ixy tsyowpaaty ijxtëm ja oyajtënën mëti'ipë yajmëët'ajtpën ko ja Kristë Jesús të yajnijawë, mëti'ipës nWintsën'ajtypyën. Mëët koos ja Kristë të nmëpëky tëëjës winë nyajtëkooytyä'äy, aak pu'uxmën tu'kë'ëyë winë njawës koos ja Kristë npaata'any,

Colosenses 1:10

Yë'ë miits ntukni'amëto'owëtëp ets mjuuky'attëty ijxtëm pyaat'atyën mëti'ipë myëpëjktëpën ja Wintsën; yë'ë mtuntëp mëti'ipë yë'ë tyukjotkëtäkpyën, mëti'ipë oy tsuj winpëtsëëmpën ets ja Dios oy xynyijawëtëty.

2 Pedro 1:3

Mëët ja Dios ja myëk'ajtën, tëë xymyo'oyëmë tëkokyë mëti'ipë nyajmëyajtëmën ets ntukjuuky'ajtmëty ijxtëm tsokyën, ets n'ixy'ajtmëty ja mëti'ipë të xymyëkajpxëmën mëët ja myëj'ajtën kyutujkën ko winë të tyaj'ixyë.

2 Pedro 2:20

Mëti'ipë të tnijawëtën ja Wintsën Jesukristë Yajnitsokpë ets të tsyo'oktë ma ja ëxëëkpën, pën jam jatëkok nyäyajka'ajëtë pokyjotm, wäänë o'ktëy nëjkx jyatë këtiinëm ijxtëm ënety të y'itën.

2 Pedro 3:18

Yë'ë ni'ik nijawëtë ja Wintsën, ja yajnitsokpë Jesukristë, ets wäänëni'ik yääktë pätë ma ja tsojkën ja'awën. Nmëjja'aw nkënu'kxyjya'awëm tyam ets xëmëkyëjxm. Jëtu'un y'itëty.