2 Pedro 1:19 - Biblia Dc en Mixe de Quetzaltepec

¹⁹ Yë'ë ya'atë aaw ayuk yajtëytyëjkëy mëti'ipë tëëyëp ja Dios ja kyäjpxynyajxpëtëjk nyikajpxtën ets tyam miitsëty të xymyëpëktë. Ya'atë aaw ayuk jëtu'un yë'ë tä tu'uk yë kutë'kxnën akootstuuy, koonëm xyiinyëty ets ja jaayxyëëw pyëtsëmëty mëti'ipë kyutë'kxëpën ja jot winma'any.

Biblia Mixe de Quetzaltepec

¹⁹ Yë'ë ya'atë aaw ayuk yajtëytyëjkëy mëti'ipë tëëyëp ja Tios ja kyäjpxynyajxpëtëjk nyikajpxtën ets tyam miitsëty të xymyëpëktë. Ya'atë aaw ayuk jëtu'un yë'ë tä tu'uk yë kutë'kxnën akootstuuy, koonëm xyiinyëty ets ja jaayxyëëw pyëtsëmëty mëti'ipë kyutë'kxëpën ja jot winma'any.

2 Pedro 1:19 ပူးပေါင်းရင်းမြစ်များ

Salmos 119:105

Yë m'aaw m'ayuk yë'ëjës xykyutë'kxp maas nnëëye'ey ntu'uye'eyën, ets jëtu'un yë'ë tä tu'uk yë jajën të'kxënën ntu'ujotyës.

Proverbios 6:23

Mëtëy yë'ë ko yë ënä'ämën tëyajtën ets ijxpëjkën xëmë tyi'kxy jyäjy. Ko tii nyajtukmëkajpxmëty ets ko nyaj'ëëwij nyajkajpxwijmëty, jëtu'un tä ntu'upatmëtyën ma juukyajtënën.

Isaías 14:12

Wi'ixën jam tsajpjotm të mkuka'anajxpë, mëj ijty mtë'kxy mjajy jopyëp. Jëtu'unyë naaxkëjxy të myajnajtsjëpipë, mijts mëti'ipë ijty ëxëëk ja naax kajpn mtuunpyën.

Isaías 41:26

¿Pën ojts tëëyëp tnikäjpxy, ma winë tsyo'ontäkyën ets yajnijawëty? ¿Pën ojts tëëyëp t'akäjpxy ets yajwinjawëty ko mëtëy ojts jya'ëna'any? Nitu'uk miitsëty ojts wi'ix mka'ëna'antë, nitii ayuk ojts pën tkamëtoy mëti'ipë mkajpxtën.

Isaías 8:20

Wä'än jëtää jëtu'un y'ëna'antëty, je'eyëp ko ja mëti'ipë ënety nyikajpxtëpën, aakjä'ä ka'apë tyunëtyën.

Isaías 9:2

Ja naax kajpn mëti'ipë ënety api'its akoots yajpatpën, tëë ja të'kxën jajën tpaaty; ja kupi'its kukootspë ënety yajpaatyën, tëë ja kyuxëëntyä'äky kyujajtä'äky.

Mateo 4:16

ja ja'ayëty mëti'ipë ënety kupi'its kukoots yajpatëpën, tëë ja të'kxën t'ixtë; tëë ja të'kxën t'ixtë mëti'ipë ënety juuky'ajtëpën tä jeexyë të y'o'knëtën.

Juan 5:35

Jëtu'un ja Juan ijty ijxtëm tu'uk ja jëën tyoyën ets kyutë'kxy, ets miitsëty ojts wäänë ja kyutë'kxn xytyukxontë.

Juan 5:39

M'ijxpëjktëp oy'ixyë ja Dios ja y'aaw y'ayuk këxja'aypyë, jä'ä ko jëtu'un mmaytyë mtajtë ko jap xypyaata'antë ja juukyajtën xëmëkyëjxmëpë.

Juan 8:12

Ko ja Jesús ojts jatëkok tmëkäjpxy ja mayjyä'äy, ënät y'ënëmaayëtë: Ëjts kujajp kutë'kxp ma ja naaxwiinyëtën; pën xypyamiinpës, pyaatëp ja të'kxën jajën mëti'ipë yajjuuky'ajtpën ets ka'ap nijëna'a y'ëkyajpatnëty akootstuuy.

Hechos 15:29

ka'ap ja jëyujk xytsyu'utstëty mëti'ipë tsaamëxan të yajtukwintsë'ëkën, ka'ap ja ne'pyny xyjyë'kxtëty, ka'ap ja jëyujk xytsyu'utstëty mëti'ipë ka'anëm wyintaxynyëmën, ets ka'ap mëpaat xytyuunk'atë ja pëjkën ukën ka'apë myëtëyëtyën, ma ja wiink ye'etyëjk ëkë ja wiink to'oxytyëjk xymyëët'ajnëtën. Pën mpatuuntëp ya'atë, oypyë ënety mtuuntëp. Dios mkënu'kxëtëp.

Hechos 17:11

Ja Jutiis ja'ayëty mëti'ipë jamëtyën Berea, oy ja winma'any tyajkëxë'ktë këtiinëm jyëtu'un'atë ja ja'ayëty mëti'ipë jamën Tesalónica. Ojts t'ëxajëtë ja Pablo, ets tmëtoow'ijtë ja oy aaw oy ayuk. Jëpom jëpom ja Dios ja y'aaw y'ayuk ijty t'ixpëjkëtë ets nijawëja'antë pën janty tëy mëti'ipë yajtukmëmëtyaktëpën.

Hebreos 2:2

Ja ënä'ämën mëti'ipë ja Dios tëëyëp yajkën mëët ja y'anklës, myëët'ajtyp ijty ja mëk'ajtën ets yajpatunëty; mëti'ipë pokytyuuntën ets ka'ap tpatuuntë, ojts yajtsaatsytyuntë ijxtëm pyaat'atyën.

Santiago 2:8

Oy ënety xytyuntë ko ja Dios ja kyutujkën xypyatuunëtëty ijxtëm ja y'aaw y'ayuk y'ënä'änyën: Tsok ja mmëku'uk ijxtëm kë'ëm mnätsyokyën.

1 Pedro 1:10

Tëëyëp ja Dios ja kyäjpxynyajxpëtëjk ojts tpamay tpatajtë ya'atë nitsokën ets ojts nikajpxtë mëti'ipë ënety ja Dios mmo'ojanëtëpën ko tmëët'aty ja oyjyot oywyinma'any.

1 Juan 5:10

Pën myëpëjkpy ja Dios U'unk, jyotjoy wyinma'anyjoty ja y'ity ko ja Jesús Tyios y'U'unk'atyë. Pën ka'ap tmëpëky, jëtu'un ja Dios tyajnaxy ijxtëm jeexyë wyin'ëënyën; jä'ä ko ka'ap ja y'aaw y'ayuk tmëpëjkë ijxtëm ja y'U'unk tnimëtyä'äkyën.

3 Juan 1:6

Tëë tnimëtya'aktë ko mijts oy tsuj mja'ay'äty. Jëtu'un xyjyaaktunëty ja mëyajtën, jaaktukputëkë winë tii yajmëyajtëpën ets oy tyu'uye'eytyëty, jëtu'un ijxtëm ja Dios tukxoontä'äkyën.

Apocalipsis 22:16

Ëjts, Jesús, tëëjës ja n'anklës nkexy ets ya'atë tu'kë'ëyë tuk'ix tuknijawëtëty ja niwëxtujk pëkpyë mëpëjkpëtëjk ma ye'eymyuktën. Ëjts ja David xy'u'unk'ajtp xy'ok'ajtp. Ëjts jëtu'un të'kxp ijxtëm ja jaayxyëëwën mëti'ipë jopyëp yaj'ijxpën.