2 Pedro 1:10 - Biblia Dc en Mixe de Quetzaltepec

¹⁰ Mëku'uktëjkëty, yë'ëkyëjxm ko ja Dios të mtsokëtë ets të mwin'ixëtë, yajkopkpëktë ja oypyë winma'any këtiipë ja poky xy'ëktuunëtëty.

Biblia Mixe de Quetzaltepec

¹⁰ Mëku'uktëjkëty, yë'ëkyëjxm ko ja Tios të mtsokëtë ets të mwin'ixëtë, yajkopkpëktë ja oypyë winma'any këtiipë ja poky xy'ëktuunëtëty.

2 Pedro 1:10 ပူးပေါင်းရင်းမြစ်များ

2 Pedro 3:17

Paaty mëku'uktëjkëty, tëë miits xy'ixtë xynyijawëtë wi'ix ya'atë y'ixëtyën, näkyëwent'atëtë këtiipë ja ëxëëk ja'ay mwin'ëën mwinxajëtëty ma ja mëpëjkën xymyëët'atën.

Hebreos 6:11

Ntsojktëpës ets miits nitu'ukjaty xyaj'ixëtëty ja mëpëjkënëty mëët ja xoontakën, koonëm ja oyajtën xypyaatëty mëti'ipë mjëjp'ijxtëpën.

Salmos 121:3

Yë'ë ka'ap t'ëwa'atsa'any ets muum mkëtaw mkëpipëty. Ka'ap nijëna'a myä'äy mëti'ipë mkëwent'ajtëpën.

Miqueas 7:8

Naax kajpn mëti'ipës mëët nämyëtsip'atyën, këtii xytyukxoontä'äkyës koos o'ktëy njatëty, jä'ä ko tëëjës nkëtay je'eyëp ko pëtë'ëkaanpës jatëkok; oyës yë kootsajtën xyajnatuky, yë Wintsën yë'ëjës nkutë'kxën'ajtyp.

Salmos 112:6

jëtu'unpë ja'ay ka'ap wi'ix jyata'any. Yë wa'ats ja'ay xëmë ja'amyetsy y'ita'any.

2 Pedro 1:5

E paaty ja mëpëjkënëty yë'ë mëët xyajka'pxtëty ko tii oy xytyuntëty; ko tii oy xytyuntëty yë'ë mëët xyajka'pxtëty ja ja'aykyujkën;

2 Timoteo 2:19

E Dios tëë tu'uk ja potsy ëjx tpëjktä'äky ta'tspëkpyë, ma kyëxja'ayëtyën: Wa'ats ja Dios t'ixy'äty mëti'ipë jyä'ä'ajtypyën, ets Ni'ëmukë mëti'ipë kyajpxpatëpën ja Wintsën ja xyëëw, näjyëpëkëtëp ma ja ëxëëkpën.

Salmos 62:2

Yë'ë tu'kpajk xyajnitsokpës ets xykyuwaanpës Nijënu'un tkajëkyepy xymyëmëta'aktëtyës yë nmëtsiptëjkës jä'ä ko yë'ëjës ntsoktakn'ajtyp.

Apocalipsis 22:14

Akujk jotkujk mëti'ipë ja jyot wyinma'any yajwa'ats'ijtëpën, yë'ë tëkëjantëp ma ja jempyë Jerusalén kajpnën ets ja tëyajtën tmëët'atëty ets tjë'kxtëty ja ujtstëëm mëti'ipë yajjuuky'ajtpën xëmëkyëjxm.

1 Pedro 1:5

Jä'ä ko xymyëpëktë ja Dios, paaty mkëwent'atëtë mëët ja myëk'ajtën ets xypyaatëty ja nitsokën mëti'ipë jap yaj'ëwxijtypyën ets jää yajnijawëty ko ënety ja naaxwiinyëtë kyixy.

1 Pedro 1:2

mëti'ipëjaty ja Dios Teety ojts wyinwitsëtën tëëyëp ijxtëm yë'ë të tuknipëjktaakën. Ja Dios ja myëk'ajtën miits të mwinma'anymyo'ojëtë ets xymyëmëtowtëty ja Jesukristë ets wa'ats mwë'ëmtëty mëët ja nye'pyny. Wä'än ja Dios ni'ik mmo'ojëtë ja kënu'kxën ets ja jotkujk'ajtën.

Isaías 56:2

Jotkujk ja'ay yajpaaty mëti'ipë pyanëjkxypyën ya'atë tëyajtën ets mëti'ipë kyuuytyuunpyën tëy tëtä'äky, mëti'ipë po'kxpën po'kxënxëëwëtë ets ka'ap jää tii ëxëëk tuny tkäjpxy.

Salmos 62:6

Yë'ë tu'kpajk xyajnitsokpës ets xykyuwaanpës. Nijënu'un tkajëkyepy xymyëmëta'aktëtyës yë nmëtsiptëjkës jä'ä ko yë'ëjës ntsoktakn'ajtyp.

Salmos 37:24

wä'än jëtää kyunäpëty, je'eyëp ko ka'ap kyëtawa'any, jä'ä ko Wintsën yë'ë majts'ijtëp kyë'ëkëjxm.

Hebreos 6:19

Ya'atë ëwxijt mä'kxtujkën yë'ë mëk yaj'ijtyp ja njoot'ajt nwinma'any'ajtëm, jëtu'un ijxtëm ja pujxnën nëëjotypë two'on'ityën ja kepy nëëwinye'epyë. Yë'ë ja ëwxijt mä'kxtujkën mëti'ipë të tuknaxyën ja wit'atëëytyuk japë tsajptëkoty yajpaatyën mëti'ipë tsajpjotm ijtpën,

Salmos 15:5

mëti'ipë ja myëku'uk tyuknu'kxtsoopyën ja wit meeny, ets ka'ap t'amëtoy jënu'un tyaj'u'unk'aty, mëti'ipë ka'ap yë myëku'uk tnimeenykyonën; mëti'ipë jëtu'un juukyajtpën, ka'ap nijëna'a pokyjotm kya'aja'any.

Mateo 22:14

Jä'ä ko nimay ja ja'ay jyayajyaxtsowtë, wäänë wyinkëtä'äky mëti'ipë win'ixëtyën.

Romanos 11:29

Ka'ap ja Dios wyinma'any tyëkatsy ko pën tii tmo'oy mëti'ipë të twin'ixyën.

Santiago 2:10

Ko ja ja'ay tpatuunta'ay ja ënä'ämën ets tu'uk ja ënä'ämën tkapatuny, pokyjotm wyi'im; jëtu'un ja nyäxy ijxtëm jeexyë nitu'uk ja ënä'ämën tkapatunyën.

2 Pedro 1:3

Mëët ja Dios ja myëk'ajtën, tëë xymyo'oyëmë tëkokyë mëti'ipë nyajmëyajtëmën ets ntukjuuky'ajtmëty ijxtëm tsokyën, ets n'ixy'ajtmëty ja mëti'ipë të xymyëkajpxëmën mëët ja myëj'ajtën kyutujkën ko winë të tyaj'ixyë.

2 Pedro 3:14

Paaty, mëku'uktëjkëty, tsojk njëjp'ijxëmë ko jëtu'un jyata'any; tuntë ja Dios ja tyuunk mapaat ja tiempo jyaak jää'atyën ets ja Dios mpaatëtëty akujk jotkujk; nitii poky nitii ëxëëkajtën xykyamëët'atëty ko ënety myiny.

Judas 1:24

Ja tu'kpajkpë ja Dios, mëti'ipë të xyajnitsokëmën, myëët'ajtyp yë mëk'ajtën ets mkëwent'atëtëty këtiipë mka'atëty pokytyum, ets myaja'tëtëty ma ja xyoontakënën, ma yë'ë yajpaatyën tsuj xoontä'äky. Yë'ë patëp ja mëj'ajt oyajtën, ja kuttujkën, ja ënä'ämën, mëët ko ja nWintsën'ajtëm Jesukristë të nmëpëjkëm, tëëyëp, tyam ets xëmëkyëjxm. Jëtu'un y'itëty.

Josue 7:3

E ko wyimpijnëtë tä t'ënëmaaytyë ja Josué: ka'ap kyopkpëkyëty nyëjkxta'atëty yë ja'ay tsiptuunpë ets Aí kajpn yajnitëkëty. Jyëkyejpy je'eyë nyëjkxtëty mäjtsk mil ëkë tëkëëk mil, këtii ja'ay xykyäjxta'ajëty, jä'ä ko mëti'ipë kyuwantëpën yë kajpn niwäänë jam yajpaatë.