2 Juan 1:10 - Biblia Dc en Mixe de Quetzaltepec

¹⁰ Pën jam pën mtukninëjkxëtë ja ijxpëjkën mëti'ipë ja Kristë ka'ap tjä'äjëtyën, këtii xyajtëkëtëty mtëkoty ets ni xykyakajpxpo'kxtëty.

Biblia Mixe de Quetzaltepec

¹⁰ Pën jam pën mtukninëjkxëtë ja ijxpëjkën mëti'ipë ja Kristë ka'ap tjä'äjëtyën, këtii xyajtëkëtëty mtëkoty ets ni xykyakajpxpo'kxtëty.

2 Juan 1:10 ပူးပေါင်းရင်းမြစ်များ

Génesis 24:12

Ënet ojts tyëkë kajpxtakpë ets y'ënäny: Wintsën mëti'ipë y'ëwtajtypyën yë nwintsënës Abraham. Mijts myajkutukëp ets oy wyimpëtsëm jyëjpëtsëmëty ya'atë amay jotmay tyampës nkujëtitën. Yaj'ixët yë m'oyajtën maas yë nwintsën Abrahamën.

1 Reyes 13:16

E ja käjpxynyajxpë jampë tsyoonyën Judá, tyaa y'ëtsooy: Ka'ap tjëkyepy nëjkxëtyës ma mtëjkën, nitu'k'aawënës mëpaat nkajawë kääky, ëkë uuky ma ya'atë itjotmën;

Salmos 129:8

Ja aay ujts mëti'ipë ka'ap ni pën nyimëtya'akëtëty ets ka'ap pën y'ëna'anëty: Dios mëj këjää të kyënu'kxyë ya'atë aay ujts.

Hechos 15:23

Yë'ëts ojts ja noky tmënëjkxtë mëti'ipë ënaanpën: Ëëts, ijxpëjkpëtëjkëty ets ja mëjja'aytyëjk, miits yë mmëku'uktëjkëty. Nkajpxpo'kxtë miitsëty mëti'ipë ka'ap jyutiisëty, mëti'ipë tsënaaytyëpën jam Antioquía, Sirië ets Cilicia.

1 Corintios 16:22

Pën jää jënaakën ka'apë tsokyën ja Wintsën Jesukristë, wä'än t'ity kajpxpoky. Min tsojk Wintsën Jesukristë.

1 Corintios 5:11

Yë'ës ntijpy, ko ka'ap miits mëët m'ëk ye'eymyujknëtëty ja ja'ay mëti'ipë nätyijëpën ko tmëpëky ja Kristë ets tyam ja ëxëëk winma'any tpaaty; ets ameeny, wyintsë'këp ja tsaatsetsy, kepy tsyetsy; pi'tskajpxk, je'eyë y'uuky myu'ukyë ets mä'tsp. Ni xykyamëëtkaytyëty ja jëtu'unpë ja ja'ay.

2 Tesalonicenses 3:14

Pën jam pën ka'ap tmëjpëjktä'äky mëti'ipës nnikajpxtëpën jap nokyjoty, m'ixtëp pën ënety ets këtii mëët mye'eymyuk mnajxmuktëty, wä'än tsëtyu'unpaaty.

2 Tesalonicenses 3:6

Mëku'uktëjkëty, Wintsën Jesukristë xyëëwkyëjxm miits ntuk'ënä'ämtë ets ka'ap mëët mye'eymyuk mnaxmuktëty ja ja'ay mëti'ipë ënantëpën ko Jesukristë tmëpëktë e ka'ap tii tuna'antë ets ka'ap tpatuntë ja tëyajtën mëti'ipës ojts njatuk'ëwaanëtën.

Tito 3:10

Pën jam pën tyajnäwya'kxa'anyë ja mëpëjkpëtëjk, wiinkukajpxë tëkok ëkë mäjtsk ok; pën ka'ap mmëmëtoyë, tim käjxpëtsëm ma ja mëpëjkpëtëjkëtyën.

2 Juan 1:11

Pën kyajpxpo'kxyp yë'ë ënety mëët yajpaaty.

3 Juan 1:10

Paaty koos ënety ëjts nnëjkxy ntukmatsäämpyës wi'ixës xynyimëtyä'äkyën ets ka'ap yi'iyëty, näjyëtu'un ko ka'ap tkupëky ets tyajjajta'akëty ja nmëku'uk'ajtëmë ets nän y'akajpxtujkpy ko ja nmëku'uk'ajtëm jëtu'un tuntë ets tyim'ëxwojpy tyim'ixkejxyp ma ye'eymyuktën.