2 Crónicas 9:9 - Biblia Dc en Mixe de Quetzaltepec

⁹ Tä ojts tkë'ëmo'oy ja yajkutujkpë tëkëëk mil ja taxtujk mëko'px kilë aakyë'ë pu'ts pujxn ets may ja tsooy mëti'ipë pa'akxu'kpën ets ja tsaa oyjyätyëtypë. Nijëna'a ënety jëtu'un kyayaj'ixynyëm jam Israel ja maytsyooy mëti'ipë pa'akxu'kpën tä ja to'oxytyëjk jampë yajkutukyën Sabá tyuknimiinën ja Salomón.

Biblia Mixe de Quetzaltepec

⁹ Tä ojts tkë'ëmo'oy ja yajkutujkpë tëkëëk mil ja taxtujk mëko'px kilë aakyë'ë pu'ts pujxn ets may ja tsooy mëti'ipë pa'akxu'kpën ets ja tsaa oyjyätyëtypë. Nijëna'a ënäty jëtu'un kyayaj'ixynyëm jam Israel ja maytsyooy mëti'ipë pa'akxu'kpën tä ja to'oxytyëjk jampë yajkutukyën Sabá tyuknimiinën ja Salomón.

2 Crónicas 9:9 ပူးပေါင်းရင်းမြစ်များ

Salmos 72:15

Juuky'ajtp yë yajkutujkpë. Wä'än tyajmo'oy yë pu'ts pujxn mëti'ipë tso'onpën Sabá. Wä'än xëmë tyajninu'kxtä'äky ma Tiosën. Kënu'kxy y'itëty xëmëkyëjxm.

Salmos 72:10

Wä'än myëmi'inxëty yë ayajk ako'onën ets näynyamo'ojë yë yajkutujkpëtëjk mëti'ipë tso'ontëpën jam Tarsis ets ma naaxwiinyëtë y'ityën kuwitsë nëëjoty, ets näjyëtu'un yë yajkutujkpëtëjk mëti'ipë jam ijtëpën Sabá ets Seba.

2 Crónicas 9:24

Oynyapënëty ijty winjëmëjt tyukninëjkxyë ja näynyamo'ojë: Tä yë poop pujxnën, pu'ts pujxnën, wit tujkxy, nijän ets tujn pujxn, tsooyën, jëyujkën ets tsajpkaajën.

2 Crónicas 9:1

Ja to'oxytyëjk mëti'ipë yajkutujkpën jam Sabá ojts tnijawë ko ja Salomón mëj'äämpy ja ja'ay jyëkyepyë oymyaakajpnëty; paatykyëjxm ojts tninëjkxy jam Jerusalén ets t'ixmatsa'any mëët ja yajtë'ëwën tsipëtypë. Ko jyä'äjty jam, may ja ja'ay pyamiinë mëti'ipë jämyëët'ajtëpën ets may tyajmiiny jëyujk jëku'ux, tsooy mëti'ipë pa'akxu'kpën, pu'ts pujxn ets ja tsaa oyëtypë. Ko jam jyä'äjty ma ja Salomón yajpaatyën, tëkokyë tyajtëëwta'ay mëti'ipë ënety të tnimay të tnitajën,

1 Reyes 10:10

Tä tukë'ëtëjkëy ja yajkutujkpë tëkëëk mil ja taxtujk mëko'px tsim ja pu'ts pujxn, ëpëky ja ujts nëë mëti'ipë pa'akxu'kpën ets may ja tsaa oyjyätyëtypë mëti'ipë tsowëtyën. Nijëna'a ënety jëtu'un kyayaj'ixynyëm ja ujts nëë pa'akpë xyuukyën jëtu'un tä tyäjkyën ja to'oxytyëjk mëti'ipë yajkutujkpën jam Sabá ets tukë'ëtëjkëy ja Salomón.

1 Reyes 9:14

Ja Hiram jä'ä ënety ja Salomón të tuknikexy ja pu'ts pujxn tëkëëk mil ja taxtujk mëko'px ja tëkë'px mil xajpk.

Génesis 43:11

Ënet ja tyeety y'ëtsoowë: Tyam ka'apës tii winma'any nmëëtëty, tii ënät tëy mtuntëp, nikë yë'ë mënëjkxtë ma mxa'këtyën, mëti'ipë mnamo'otëpën yë ja'ay, ijxtëm mëti'ipë yaa yajmëët'ajtpën ets mëti'ipë yaa ijtp wintëëpën, ijxtëm yë onën, uuxpa'akën, pa'akxu'kpë ets mëti'ipë ja'ay nätyuku'tsëpën ets pya'akxuuky, ujts tëëmëty ets tu'uk ja ujts mëti'ipë xyëëwajtypyën almendrë.

Éxodo 30:34

Ënet yë Dios t'ënëmaay yë Moisés: Ijxta'a mëti'ipë pa'akxu'kpën ets tu'knax myäy'atëty: kepy'u'pky, nëë jëyujk pajk oypyë xyuuky jyokyën, poomway ets ja gálbano kepy oypyë xyuuky jyokyën,

2 Crónicas 9:8

Kënu'kxy ets mëjjawë yë mWintsën y'ity mëti'ipë mTios'ajtypyën; ko të mni''ijxkëtä'äkyë ets mijts m'ënä'ämëty ma ya'atë kutujktaknën. Mëët yë'ë ko oy ja mTios tsoky tjawë ja Israel ja'ayëty, paaty të mpëjktä'äkyë ets mijts myajkutukëty ma yë'ëjëtyën mëët ja tëyajtën ets ja oyajtën ma tu'ukyë y'itëtyën winë xëëw winë jëmëjt.

2 Crónicas 9:10

Ëpëky ja pu'ts pujxn ets oyjyätyëtypë ja tsaa mëti'ipë ënety të tmëmintën ja Hiram ja jyä'äy ets ja Salomón ja jyä'äy, jampë tyajtso'ontën Ofir, ma näjyëtu'un tyajtso'ontë ja oyëtypë kepy ets tsaa.