2 Crónicas 9:8 - Biblia Dc en Mixe de Quetzaltepec

⁸ Kënu'kxy ets mëjjawë yë mWintsën y'ity mëti'ipë mTios'ajtypyën; ko të mni''ijxkëtä'äkyë ets mijts m'ënä'ämëty ma ya'atë kutujktaknën. Mëët yë'ë ko oy ja mTios tsoky tjawë ja Israel ja'ayëty, paaty të mpëjktä'äkyë ets mijts myajkutukëty ma yë'ëjëtyën mëët ja tëyajtën ets ja oyajtën ma tu'ukyë y'itëtyën winë xëëw winë jëmëjt.

Biblia Mixe de Quetzaltepec

⁸ Kënu'kxy ets mëjjawë yë mWintsën y'ity mëti'ipë mTios'ajtypyën; ko të mni''ijxkëtä'äkyë ets mijts m'ënä'ämëty ma ya'atë kutujktaknën. Mëët yë'ë ko oy ja mTios tsoky tjawë ja Israel ja'ayëty, paaty të mpëjktä'äkyë ets mijts myajkutukëty ma yë'ëjëtyën mëët ja tëyajtën ets ja oyajtën ma tu'ukyë y'itëtyën winë xëëw winë jëmëjt.

2 Crónicas 9:8 ပူးပေါင်းရင်းမြစ်များ

2 Crónicas 2:11

Ënet ja Hiram, ojts tu'uk ja noky tkäjxwinpity, ma t'ënëmaayën ja Salomón: Yë Wintsën, yë'ë të mpëjktä'äkyë ets m'ënä'äm myajkutukëty ma ja Israel kajpnën, mëët jä'äkyëjxm ko mëk tsoky tjawë ja nyaax kyajpn.

1 Crónicas 29:23

Ja Salomón ojts tmëwë'ëmy ja kutujktakn, mëti'ipë ja Wintsën jyä'ä'ajtypyën, tkutëjkënë ja tyeety David, oy tyuuntso'ony ets ojts wyimpäjtkojy ma ja kyutujkënën. Aak mëmëtoowëp ijty ja Israel ja'ay.

Deuteronomio 7:8

E yë Wintsën tëë jap myajpëtsëmëtë Egiptë ma ënety mëtun m'ëyowtën, ko jap myajpëtsëëmëtë mëj këjää yë myëj'ajtën tyaj'ijxë ma yajkutujkpën, jä'ä ko mëk ënety mtsokëtë mjawëtë ets niwa'aka'any ja y'ayuk mëti'ipë tyukwinwa'anëyën ja m'ap m'okëty.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Proverbios 21:3

Tun ja nipaye'eyën oypyë ets mëtëypyë, yë'ë jëtu'un yë Dios ni'ik tyukjotkëtäkpy këtiinëm yë wintsë'kën.

Salmos 99:4

Mijts jëtu'un tu'uk yajkutujkpë mëti'ipë maaytyääyëpën winë, m'oy'ijxyp ko jyää'aty ja mëtëypyë nipaye'eyën; mijts ojts xyajnaaxkëtä'äky ets jyää'atëty ja tu'knaxajtën, yë Jacob y'u'unk y'ëna'k janty'oy të xymyëët'aty ets tëë xynyipaye'ey yajxon tëy tëtä'äky.

Salmos 72:2

jëtu'un mëtëy ja naax kajpn t'ënä'ämëty ets oy tii tnipaye'eyëty ma ëyoopëja'aytyëjkën.

Salmos 22:8

ets y'ëna'antë: Ya'atë ja'ay yë'ë ijty yë Wintsën xëmë tyuk'ijxpejtyp, wä'än yë'ë yajtso'okyë. Yë'ë ni'ik tsyojkën'ajtyp, wä'än yë'ë yajjotkujktä'äkyë.

Salmos 18:19

Tëës ëwaatsëtum xypyëjktä'äky, tëës xyajtso'oky jä'äs ko xytsyoky xyjyawë.

1 Crónicas 29:20

Ok ja David ojts wiinkpë ja aaw ayuk t'ëxmatsy ma ja mayjyä'äy jam yajpaatën ets t'ënëmaay: Tyam win'ëw winya'axtë ja mWintsën Tiosëty. Ënet ja mayjyä'äy tu'ukmukyë tyëjkëtyë ëëpë xoontakpë ma ja Wintsënën, mëti'ipë ja y'aptëjk y'ëwtajtën, jëtu'un nyäkyoxtënaaytyakëtë ma ja Wintsënën ets ma ja yajkutujkpën.

1 Crónicas 29:10

Ënet ja David ojts tkënu'kxy ja Wintsën ja xyëëw, ma ënety ja mayjyä'äy jam yajpaatën ni'amukë ets y'ënäny: Mëjwiin këjää xëmë nyaxëty ja Wintsën ja myëjxëëw, ja Dios mëti'ipë y'ëwtajtën ja n'ap'ajtëmë Israel.

1 Crónicas 28:5

E maas ja n'u'unk n'ëna'kën, ijxtëm yajnijawën ko nimay oyëty mëti'ipës yë Wintsën të xymyo'oyën. Yë Wintsën yë'ë të twin'ixy yë nmaankës Salomón ets yë'ë t'ëxajëty ja kutujktakn, ma ja Wintsën ja ënä'ämën kuttujkën tyaj'ityën ma ja Israel ja'ayëtyën.

1 Crónicas 17:22

jä'ä ko mijts yë Israel kajpn të xyjyä'äniwa'any xëmëkyëjxm ets mijts mWintsën'atëty.

1 Reyes 10:9

Kënu'kxy mëjjawë yë mWintsën y'ity, ko të mo'oyë ja oyajtën ets ja kutujktakn ma ja Israel ja'ayëtyën. Mëëtkyëjxm ko ja Wintsën oy tsoky tjawë yë nyaax kyajpn. Paaty mijts të mpëjktä'äkyë yajkutujkpë ets xytyu'uwinwowëty mëët ja tëyajtën jaanty'ajtën.

1 Reyes 3:28

Ojts ja ja'ay tnijawëtë wi'ix ënety ja Salomón të tyaj'oyën ja jotmay ets wi'ix ënety ja wyijy'ajtën të tyajwinkëxë'ëkyën, tëkokyë ja ja'ayëty jam ma ja Israel kajpnën mëk twinkutsë'këtyë ja Salomón ets tmëmëtoowtë, mëët ko ënety ja Wintsën të myo'oyë ja ixpëkyajtën wi'ix tu'uwinye'eyëtyën ja naax kajpn mëtëy.

2 Samuel 23:3

Yë Wintsën, mëti'ipë yë Israel ja'ayëty y'ëwtajtëpën; mëti'ipë kyuwäämpy nyixäjpyën ja Israel kajpn, jëtu'unës të xy'ënëëmë: Mëti'ipë tyu'uwinye'epyën ja ja'ayëty mëët ja tëyajtën, mëti'ipë winë tyuunpyën mëët ja Wintsën ja wyinkutsë'kën,

2 Samuel 8:15

Yë David oy ojts y'ëne'emy ets yajkutuky, jä'ä ko aak mëtëy winë tuuny jam ma Israel kajpnën.

Isaías 62:4

Ka'ap nëjkx m'ëk yajtijnë Tëë yaj'ëxmatsy ets ka'ap nëjkx mnaax mkam y'ëkyajtijnë Tëë kyutëkoy, yë mxëëw jä'ä nëjkx yajtijy Ëjts Ntsojkën, ets mnaax mkajpn jä'ä nëjkx yajtijy Ëjts Nto'oxytyëjk, jä'ä ko mijts yë Wintsën ni'ik mtsojkën'ajtëp, ets yë'ë jëtu'un itaanp tä mniye'etyëjkën ma mnaax mkajpnën.

Isaías 42:1

Tyaajës ja ntuunpë mëti'ipës mëk n'ijx'ijty nkëwent'ajtypyën, mëti'ipës të nwin'ixyën ets mëti'ipës ntukxoontäkpyën. Tëës nmo'oy yë nmëk'ajtën ets tunëty ja nipaye'eyën tëy tëtä'äky ma ja naax kajpnën.

2 Crónicas 9:7

Wi'ixpëm jëtää yë nkujëën mkutëjk janty jotkujk nyäyjyawëtë ets wi'ixpëm jëtää yë mtuunpëtëjk tsuj xoontä'äky yajpaatë ma mijtsën, ko xëmë tmëtoow'itë ja m'aaw m'ayuk mëti'ipë mëët ja wijyajtën mkajpxpëtsëëmpyën.

2 Crónicas 9:9

Tä ojts tkë'ëmo'oy ja yajkutujkpë tëkëëk mil ja taxtujk mëko'px kilë aakyë'ë pu'ts pujxn ets may ja tsooy mëti'ipë pa'akxu'kpën ets ja tsaa oyjyätyëtypë. Nijëna'a ënety jëtu'un kyayaj'ixynyëm jam Israel ja maytsyooy mëti'ipë pa'akxu'kpën tä ja to'oxytyëjk jampë yajkutukyën Sabá tyuknimiinën ja Salomón.

Proverbios 29:4

Yë yajkutujkpë mëti'ipë yajxon nipaye'eyë tyuunpyën; yajmëktäkpy yë kyajpn; e mëti'ipë je'eyë yajtsoowpäjtääpyën winë, ëxëëk yë nyaax kyajpn tyajjaty tyajkëpety.

2 Crónicas 2:10

E mijts yë'ëts mnijawëp, koos ntukniyakëjäämpyës mtuunpëtëjk mëti'ipë ja'axy pyujxtëp ets kepypyujxtëp, ëjts yë'ëjës nyakäämpy taxk millon ja taxk mëko'px mil mëjtsim yë tsajpmok, näjyëtu'un mutsk mok ets taxk mëko'px ja wëxtyikxy myëjtsim yë uuky ets näjyëtu'un yë on.

2 Crónicas 13:8

E tyam ënät miitsëty, ka'ap yowë ninu'un xytyimmëj'ixa'antë ya'atë kutujktakn mëti'ipë Wintsën jyä'ä'ajtypyën, mëti'ipë David y'u'unk y'ok tyuunk'ajtëpën, yë'ë nyätyijyë mtukmëta'akantëp mëët ko mnimay'atë ets ko xymyëët'atë ja awinax mëti'ipë mëët y'oytyunyëtyën yë pu'ts pujxn, jëtu'unpë kyëxë'ëkyën tsajpkaa u'unkën, mëti'ipë yë Jeroboam mtukni'oytyu'unëtën ets xy'ëwtatëty.