2 Crónicas 9:4 - Biblia Dc en Mixe de Quetzaltepec

⁴ ko oyëty, ja jë'kxy pëky, ka'ayën ukën jampë yajpaatyën ma kyääytyaknën, ja tëjk ma ja tyuunpëtëjk y'itën, ja wyit tyujkxy mëti'ipë yajtuuntëpën ja tyuunpëtëjkëty, ja uukytyäämpëty, ja tojkx'apëjkëpëty ets ma jap pya'tëkën ja tsajptëjk, janty mëj ixy ojts timjyawë;

Biblia Mixe de Quetzaltepec

⁴ ko oyëty, ja jë'kxy pëky, ka'ayën ukën jampë yajpaatyën ma kyääytyaknën, ja tëjk ma ja tyuunpëtëjk y'itën, ja wyit tyujkxy mëti'ipë yajtuuntëpën ja tyuunpëtëjkëty, ja uukytyäämpëty, ja tojkx'apëjkëpëty ets ma jap pya'tëkën ja tsajptëjk, janty mëj ixy ojts timjyawë;

2 Crónicas 9:4 ပူးပေါင်းရင်းမြစ်များ

Apocalipsis 3:20

Ixtë, ëjts yamp tëjk pijkxp; pën xyyo'kmëtoopës ets tyaj'ëwa'atsy ja tëjk'aaw, tëkäjaanpës jap ma tyëjkën ets mëët n'a'ux'ata'anyës.

Apocalipsis 1:17

Koos jëtu'un n'ijxy ënätës n'o'ktsoky ets nkëtaayës ma ënety jam tyänën. Ënet ja y'a'oykyë'ë mëët xymyäjtyës ets xynyëmaayës: Këtii mtsë'ëkë. Ëjts winë nyajtso'ontakës ets ëjts näjyëtu'un nyajjëjpkëxäämpyës.

Lucas 12:37

Akujk jotkujk yajpaatë ja tuunpëtëjk mëti'ipë wijy kejy yajpatëpën ko ja wyintsën jyä'ty. Tëy miits nëëmëtë ko kë'ëm ja wintsën nëëmëja'any ja tyuunpëtëjk ets nyaaxwäätstëty ma kaaytyaknën ets ja wintsën kë'ëm ja ka'ayën ukën t'apëkëja'any.

Daniel 10:17

¿Wi'ix ënät nnamëëtmëtya'akëty, ëjts ka'apës näjyawëty nmëkëty, tëëjës nxejykyukëxë?

Ezequiel 46:2

Yë yajkutujkpë jam tyëkëty ma ja tëjkëtyaknën mëjtëja'ptsowpë ets jam nyaaxwa'akëty ma tu'uk yë xenyën mëti'ipë jam ma tëjk'akajën. E yë teetytyëjkëty yë'ë nyino'oktëp ja jëyujk ooky mëti'ipë wintsë'kën'ajtpën ets yë'ë näjyëtu'un kyë'ëyaktëp ja wintsë'kën mëti'ipë ënety ja yajkutujkpë të tmëminyën ma ja nay'ëëw'oy näykyajpx'oyë tuna'anyën, jam kyoxtänëty ets wyinta'ak nyaaxkowëty ma ja tëjk'apu'uyën ets jatëkok pyëtsëmëty, ya'atë tëjkëtyakn ka'ap nëjkx y'ëtuky tu'kxëëw koonëm kyootsëty.

Ezequiel 44:3

Yi'iyë mëpaat jam tyëkë yë yajkutujkpë ets tkayëty tsu'utsëty ja jë'kxy pëky kënu'kxypyë jam Wintsën wyintum. Jamtsow nëjkx tyëkë ma ja tëja'awën tëkotytsyowpë ets nän jamtsow pyëtsëmëty.

Cantares 5:8

Miitsëty to'oxytyëjktëjkëty Jerusalén ja'ayëty, pën jam muum xypyaatë yë ye'etyëjk mëti'ipës ntsojkpy nja'apën jam xy'ënëëmëtëty ko o'kpës yam mëët yë tsojkën ja'awën ma yë'ëjën.

Proverbios 9:5

Min kaytyë ja ntsajpkääkyës ets min uuktë ja nëë mëti'ipës të nyaj'oyën.

Salmos 143:7

Wintsën, ëtsoowinpijtkës pojën, ëjts xejykyukëjxëpës. Këtiis yë mputëjkën xytyukwintuk'ookëty këtiipës n'ookëty ntëkoyëty.

Salmos 119:81

Janty jëtu'unës n'ëwxijnë etsës mijts xyajtso'okëty; jamës tu'ukyë të npëjktä'äky yë nwinma'any ma m'aaw m'ayukën.

Nehemías 1:11

Paaty mijts Wintsën yam nmënu'kxtä'äky ets xymyëtoow'itëty ya'atë ja jëëytyak nu'kxtakën tyampë ntunyënës maas mijts xytyuunpë'atyën, maas yi'iyë nmëmay nmëtajyën wi'ix ntukxoonta'akëtyën ets wi'ix ntukjotkujk'atëtyën. Tyam näjyëtu'un n'amëtoy npëjktsoy ets xymyo'ojëtyës ja jot winma'any wi'ixës ja yajkutujkpë nyajjotukëtyën ets oy ja winma'any wyimpëtsëm jyëjpëtsëmëty.

2 Crónicas 23:13

Ets t'ijxy ko tamtëm tyänë ja yajkutujkpë potsywinm, ma ja tëjkëtyaknën. Jam pyë'am tam yajpaatë ja tsiptuunpë wintsëntëjkëty, xuxpëtëjkëty ets ja mayjyä'äy mëti'ipë xoontaktëpën mëët ja xuxpë wojpë, ëëpë yaxpë ets koopë. Ënet ja Atalía tkë'tstëëy ja wyit ets mëk yujk'ënany: pën të xykyë'ëyäkyës.

1 Crónicas 9:18

tyampaat yë'ë tëjk'aaw kyëwent'ajtëp ma ja yajkutujkpë ja jyëën tyëjkën, jamtsowpë xëëwpëtsëmy yajpaatyën. Ya'atë jëtu'un ijtë tëjk'aaw këwent'ajtpë ma ja Leví ja'ayëty ja y'ijtaknëtyën.

2 Reyes 16:18

Ets jä'ä ko ja Asiria yajkutujkpë mëët oy nyäjyawëja'anyë, ojts jam tyajpëtsëmy ma ja Wintsën ja tsyajptëjkën ja tënaaytyakn mëti'ipë ojts yajkoyën ets jää tyunëty ko ja po'kxënxëëw tpaatëty; jëtu'un wyë'ëmëty ja tëjk'aaw ëwaatsë ko ja yajkutujkpë ënety myiny.

1 Reyes 10:5

Ets t'ijxtaay ja kyä'äyën y'ukën, ja jyëën tyëjk maajaty ja tyuunpëtëjk y'ityën, ja wyit tyujkxy, ja tyuunpëtëjk, wä'än yë'ëjëty mëti'ipë tojkx apëjkëtyëpën uuky apëjkëtyëpën ets wi'ix ja wintsë'kën tyäkyën mëjwiin këjää ma Wintsënën mëj'äämpy ojts t'ixy.

Mateo 6:29

Jëtu'un miits n'ënëëmëtë ko oy ja yajkutujkpë Salomón ni'ik ja mëj'ajtën jaanty'ajtën tjamëët'ajty, ka'ap nyäxyojxë tsuj ijxtëm yë pëjy kyëxë'ëkyën.

2 Crónicas 9:3

Ko ja to'oxytyëjk t'ijxy, ja Sabá yajkutujkpë; ko ja Salomón wijy yajxon ets t'ijxy ja jëën tëjk,

2 Crónicas 9:5

tä kë'ëm t'ënëmaay ja yajkutujkpë: Mëti'ipës të tmëtoy'ätyën maas yë nkajpnën, mëti'ipë të xytyuny të xykyäjpxyën ets ja mwijyajtën, mëtëy yë'ë ets njantymyëpëjkpyës ënät tyam;

1 Reyes 5:2

Ënet ja Salomón ojts tuknikexy ja ayuk yë Hiram, jëtu'un t'ënëmaay:

1 Reyes 5:3

Mijts wa'ats xynyijawë ko yë nteetyës ka'ap myëtäky ets tkojëty yë tsajptëjk, ja Wintsën ja jyä'ä, mëti'ipë yë'ë y'ëwtajtën, jä'äkyëjxm ko mëk tsyippaty, oknëm ojts tmëmëtaktaaynyë ja myëtsip.