2 Crónicas 9:1 - Biblia Dc en Mixe de Quetzaltepec

¹ Ja to'oxytyëjk mëti'ipë yajkutujkpën jam Sabá ojts tnijawë ko ja Salomón mëj'äämpy ja ja'ay jyëkyepyë oymyaakajpnëty; paatykyëjxm ojts tninëjkxy jam Jerusalén ets t'ixmatsa'any mëët ja yajtë'ëwën tsipëtypë. Ko jyä'äjty jam, may ja ja'ay pyamiinë mëti'ipë jämyëët'ajtëpën ets may tyajmiiny jëyujk jëku'ux, tsooy mëti'ipë pa'akxu'kpën, pu'ts pujxn ets ja tsaa oyëtypë. Ko jam jyä'äjty ma ja Salomón yajpaatyën, tëkokyë tyajtëëwta'ay mëti'ipë ënety të tnimay të tnitajën,

Biblia Mixe de Quetzaltepec

¹ Ja to'oxytyëjk mëti'ipë yajkutujkpën jam Sabá ojts tnijawë ko ja Salomón mëj'äämpy ja ja'ay jyëkyepyë oymyaakajpnëty; paatykyëjxm ojts tninëjkxy jam Jerusalén ets t'ixmatsa'any mëët ja yajtë'ëwën tsipëtypë. Ko jyä'äjty jam, may ja ja'ay pyamiinë mëti'ipë jämyëët'ajtëpën ets may tyajmiiny jëyujk jëku'ux, tsooy mëti'ipë pa'akxu'kpën, pu'ts pujxn ets ja tsaa oyëtypë. Ko jam jyä'äjty ma ja Salomón yajpaatyën, tëkokyë tyajtëëwta'ay mëti'ipë ënäty të tnimay të tnitajën,

2 Crónicas 9:1 ပူးပေါင်းရင်းမြစ်များ

Mateo 12:42

Näyjyëtu'un ko nëjkx ja naaxwiinyëtë ja'ay yajpaye'ey, tso'okaanp ja To'oxytyëjk yajkutujkpë jampë y'ëne'emyën ëpa'tkë'ëmtsow; jä'äkyëjxm ko jëkäm tsyo'ony ets ja Salomón tnimiiny ets tmëtoow'ita'any ja ëëwij kajpxwijën mëti'ipë wijy Salomón nyimëtyäkpyën ets mëti'ipë tyam yaa yajpatpën mëj'äämpy ni'ik këtiinëm jyëtu'unëty ja Salomón.

Lucas 11:31

Ko nëjkx ja naaxwiinyëtë ja'ay yajpaye'eytyë, minaanp ja yajkutujkpë to'oxytyëjkpë mëti'ipë ëpa'tkë'ëmtsow tsoonaanpën ets tëytyuna'any ja ja'ay, jëtu'un ijxtëm tëëyëp ojts ja Salomón nyiminyën ja to'oxytyëjk mëti'ipë jëkäm tso'onpën ets tmëtoow'ita'any ja Salomón ja wyijajtën; e mëti'ipë tyam yaa yajpatpën wäänë mëj'äämpy yë ni'ik këtiinëm ja Salomón.

2 Crónicas 9:9

Tä ojts tkë'ëmo'oy ja yajkutujkpë tëkëëk mil ja taxtujk mëko'px kilë aakyë'ë pu'ts pujxn ets may ja tsooy mëti'ipë pa'akxu'kpën ets ja tsaa oyjyätyëtypë. Nijëna'a ënety jëtu'un kyayaj'ixynyëm jam Israel ja maytsyooy mëti'ipë pa'akxu'kpën tä ja to'oxytyëjk jampë yajkutukyën Sabá tyuknimiinën ja Salomón.

Génesis 10:7

Ja y'u'unk y'ëna'k ja Cus jä'ä xyëëwajtë Sebá, Havilá, Sabtá, Raamá ets Sabtecá. Ets ja y'u'unk y'ëna'këty ja Raamá je'eyë ojts nimäjtsk y'itë, mëti'ipë xyëëwajtën Sebá ets Dedán.

Mateo 13:35

Paaty ya'atë tyuunë jyajtë ets y'atëwëty mëti'ipë Dios tyukkajpxnajxën ja kyäjpxynyajxpëtëjkëty: Mëëtës yë Ijxpät nmëtya'aka'any; nikajpxëpës mëti'ipë ka'anëm yajnijawën ko naaxwiinyëtë tsyo'ontäky ets tyampaat.

Mateo 13:11

Tääts ja Jesús y'ëtsoowëtë: Miitsëty tëë ja Dios mtuknijawëtë mëti'ipë yu'utsy myëët'ajtypyën jam ma tsajpjotmëpë kutujkënën, e yë ja'ayëty ka'ap tnijawëtë.

Mateo 12:34

Tsa'any miits mteety'ajt m'ap'ajtëp, ¿wi'ix tii oy xy'ëkkajpxtëty pën ëxëëk ja mjot mwinma'anyëty?, jä'ä ko aawjoty jootjoty ja ayuk pyëtsimy mëti'ipë yajkajpxpën.

Mateo 2:11

Ko tyëjkëtyë tëkoty, japts tpatë ja mëxu'unk Jesús mëët ja tyaak Maria. Tääts twinkuxtënaaytyë ets twintsë'këtë ja mëxu'unk. Ënet tyaj'ëwatstë ja y'apëjkënëty ets tmooytyë ja wyintsë'kën: ja pu'ts pujxn, poom ets ja pa'akxu'kpë nëë mëti'ipë mirra xyëëwajtypyën.

Isaías 60:6

Yajxon xy'ixëty nimay myintë ja jëyujk jëku'uxëty mëti'ipë tso'ontëpën Madián ets Efá; miinta'ajantëpë Sabá ja'ayëty, myëminantëp yë pu'ts pujxn ets poom, ets tmëjjawëja'antë yë myëj'ajt y'oyajtën yë Wintsën.

Proverbios 1:6

ets yajja'akyukëty ja käjpxy mëtyä'äky, jot winma'any ets ja aaw ayuk mëti'ipë kyajpxtëpën ja wijyjyä'äytyëjkëty.

Salmos 142:2

Ma yë'ëjën jamës nnikäjpxy mëti'ipës nka'oyjya'apën, ma yë'ëjën jamës näjyëtu'un npëjktä'äky yë nmonyë ntukyës

Salmos 78:2

Yë'ëjës yam nkajpxäämpy nmëtya'akäämpy yë winma'any tsipë etsës yam nikajpxa'any tëkokyë mëti'ipë yu'utsy'ijtpën, mëti'ipë ka'ap pën të tnijawën tëëyëp ets tyampaat.

Salmos 72:15

Juuky'ajtp yë yajkutujkpë. Wä'än tyajmo'oy yë pu'ts pujxn mëti'ipë tso'onpën Sabá. Wä'än xëmë tyajninu'kxtä'äky ma Tiosën. Kënu'kxy y'itëty xëmëkyëjxm.

Salmos 72:10

Wä'än myëmi'inxëty yë ayajk ako'onën ets näynyamo'ojë yë yajkutujkpëtëjk mëti'ipë tso'ontëpën jam Tarsis ets ma naaxwiinyëtë y'ityën kuwitsë nëëjoty, ets näjyëtu'un yë yajkutujkpëtëjk mëti'ipë jam ijtëpën Sabá ets Seba.

Salmos 49:4

Tyamës nikajpxa'any tëkokyë yë aaw ayuk mëti'ipë tsipëtyën, etsës nimëtya'aka'any mëti'ipës yu'utsy nmëët'ajtypyën jëtu'un tä yë kow y'ënä'änyën.

2 Crónicas 1:12

tyam nmo'ojëty ja wijyajtën kujk'ajtën ets nija'awën ets nmo'ojäämpy ëpëky ja kuwit'ajtk, kumeeny'ajtk ets ja mëj'ajtën; ni'ik yam mijts winë nmo'oja'any këtiinëm jyëtu'unëty ja yajkutujkpëtëjk mëti'ipë të tyuntën ets mëti'ipë tunantëpnëm, ko mijts mpëtsëmëty.

2 Crónicas 1:1

Ja Salomón, mëti'ipë ja David myaank'ajtypyën, ojts tyajmëj tyajkëjääjë ja y'ënä'ämën kyutujkën, mëëtkyëjxm ko ja Wintsën pyutëjkëyë mëjwiin këjää ets ojts kyëjääjë ja myëk'ajtën.

1 Reyes 4:31

Ni'ik wijy ojts y'ity këtiinëm jyëtu'unëty ja ja'ayëty mëti'ipë xyëëwajtën: Etán, ja Sera ja y'u'unk y'ok; Hemán, Calcol ets Dardá, ja y'u'unk y'ëna'këty ja Mahol. Akäjpxy ojts y'ity oymyaajëty.

1 Samuel 1:15

Wintsën ka'ap yë'ëkyëjxmëty. Jëtu'un y'ëtsooy yë Aná. Ëjts ka'apës nitii nëë të n'uuky mëti'ipë mëkën, jä'ä tëy mon tukës näjyawëty paatyës yaa të nminy jëëpyë yaxpë Dios wintuuy.

Génesis 25:3

Yë Jocsán jä'ä y'u'unk xyëëwajtë Sebá ets Dedán. Ja Dedán yë'ë ojts ja y'ok'u'unk y'ok'ëna'k yajtijtë Asur ja'ayëty, letusejë ja'ayëty ets leumejë ja'ayëty.

Génesis 10:28

Yë'ë y'u'unk txëëwajt Obal, Abimael ets Sebá,

2 Crónicas 9:2

e yë Salomón wa'ats ni'ëtsoowtaay ja yajtë'ëwën, nitu'uk ojts jëtu'unyë ja yajtë'ëwën kyawë'ëmy.