2 Crónicas 7:8 - Biblia Dc en Mixe de Quetzaltepec

⁸ Jä'ä xëëw jä'ä po'o ojts näjyëtu'un tnixëëwtuntë ja tëjkxo'omy, tëë ënety myäymyintë ja ja'ay mëti'ipë tso'ontëpën Hamat ets jampaat ma ja wokjotmën mëti'ipë Egiptë nyitënääpyën.

Biblia Mixe de Quetzaltepec

⁸ Jä'ä xëëw jä'ä po'o ojts näjyëtu'un tnixëëwtuntë ja tëjkxo'omy, tëë ënäty myäymyintë ja ja'ay mëti'ipë tso'ontëpën Hamat ets jampaat ma ja wokjotmën mëti'ipë Egiptë nyitënääpyën.

2 Crónicas 7:8 ပူးပေါင်းရင်းမြစ်များ

Génesis 15:18

Jä'ä xëëw ojts ja Dios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

1 Reyes 8:65

Näy jä'ä xëëw ja Salomón ojts tnixëëwtuny ja tëjk xo'ompyë mëët tëkokyë ja may Israel ja'ayëty. Mayjyä'äy ënety jam yajpatp, ojts myiinta'atë ja mëti'ipë jam tsënaaytyëpën Hamat ets jampaatpë tsyëënëtën ma ja Egiptënaax mëët nyäpyaatëtën. Wëxtujk xëëw wëxtujk tsu'um xyëëwtuuntë, ëpëky ojts kyä'pxy majkmajkts xëëw.

Juan 7:2

E jä'ä ko tyimpatyp ënety ja ujts aaytyëjk xëëw, tu'uk ja xëëw mëti'ipë ja jutiis ja'ayëty xyëëwtuuntëpën,

Amós 6:14

E mëmay mëtajtë yajxon, miitsëty Israel ja'ayëty; yë Wintsën, Dios mëti'ipë maaytyääyëpën winë, jëtu'un y'ënä'äny: Nkäxäämpyës tu'uk yë naax kajpn mëti'ipë nëjkx ëxëëk mtunëtën ets nëjkx mëktuunk mtuktunëtë, jampaat anëkëxmtsow ets ëpa'tkë'ëmtsow.

2 Crónicas 30:13

Ënet ja mayjyä'äy myujky jam Jerusalén ma myäjtsk po'opetyën tääpë jëmëjt ets tmëjjawëja'antë ja ëmaayxyëëw ma ja tsajpkääky tkaytyën ka'apë tsyooymyëëtëtyën.

1 Reyes 8:2

E jä'ä xëëw ma ënety yajxon yajnixëëwtunyën ja tëjkxo'omy, ma Etanim po'o y'änyën, wa'ats myujktaaytyë ja Israel ja'ayëty mëët ja Salomón.

2 Crónicas 5:3

Ma ja mëj xëëw ënety y'apaatën, ma wyëxtujk po'opetyën jajëmëjt, tä tyu'ukmujktaaytyë tëkokyë ja Israel ja'ayëty mëët ja yajkutujkpë Salomón.

2 Crónicas 30:26

Ja ja'ayëty mëj ixy ojts t'ixtë jä'ä ko ka'ap ënety nijëna'a jëtu'un y'ëkyajtuunë ja xëëw, jää ojts jëtu'unpë jyaak yajxëëwtuny ma jyuuky'äjtyën ja David ets ja Salomón.

Ezequiel 45:25

Näyjyëtu'un ma yajnixëëwtunyën yë tëjkxo'omy, ma myajkmokx anyën yë wëxtujk po'opë, yë yajkutujkpë wëxtujk xëëw mëpaat yë wintsë'kën tyäky, mëti'ipë nëë poky tyukunaxëpën, näjyëtu'un yë jëyujk ets aaypyajk ujtspajk tyakëty tä jëyëjp të yajnikäjpxyën.

Ezequiel 47:20

E xëëwkëtä'äky tsyowpë ja tsëpa'an, jam nëjkx nyäxy ma Mejyën Naax'akujkpyë y'itjotmën, tsyo'onta'akëty jam ma mëët yë Egiptë tyu'kmëtsëpa'anëtyën ets jya'tëty jampaat ma mejypya'ajën ma tsyo'ontaknën yë Hamat y'itjot.