2 Crónicas 7:13 - Biblia Dc en Mixe de Quetzaltepec

¹³ Paaty ko ënety ëjts jëna'a ja naaxwiinyëtë nyajtëëtsë'ëkyës ets ka'ap maa ja nëë tuu y'ëkyaj'ijxnë, ëkë ja pujtpë ënety ja pëjktä'äky të tyajwintëkooytyä'äy, ëkë ja pa'am ëyo'on nkäxëtyës ma ja nnaax nkajpnënës,

Biblia Mixe de Quetzaltepec

¹³ Paaty ko ënäty ëjts jëna'a ja naaxwiinyëtë nyajtëëtsë'ëkyës ets ka'ap maa ja nëë tuu y'ëkyaj'ijxnë, ëkë ja pujtpë ënäty ja pëjktä'äky të tyajwintëkooytyä'äy, ëkë ja pa'am ëyo'on nkäxëtyës ma ja nnaax nkajpnënës,

2 Crónicas 7:13 ပူးပေါင်းရင်းမြစ်များ

Deuteronomio 11:17

Jä'ä ko jëtu'unpë ja winma'any xypyaatëty, yë Wintsën nëjkxëp mëk mtukjoot'anpëkëtë ets ka'ap nëjkx yë nëë tuu t'ëkkäjxnë ma ja kam tu'ujën, jëtu'un'äämpy nëjkx mjë'kx kyutëëtsëtë ets ka'ap xy'ëkmëët'ajnëtëty tii mkaytyëp m'uuktëp ets m'o'kta'a mtëkooytya'atëty ma ya'atë oynyaax oykyamën, mëti'ipë ja Wintsën mo'ojanëtëpën.

Apocalipsis 11:6

Ja nimäjtskpë mëti'ipë ja tëyajtën yajktëpën myëët'ajtëp ja mëk'ajtën ets ka'ap tyu'ujëty kanaak xëëw ma ja Dios ja jyä'ä tkajpxwa'kxëtën, ets nän myëët'ajtëp ja mëk'ajtën ets ja nëë tyajne'pynyëtya'atëty ets tyaj'ëyowtëty ja naaxwiinyëtë ja'ay mëët kanaaknax ja ëyo'on jotmay ijxtëm kë'ëm timtsyoktën.

Apocalipsis 3:7

Nnijayë yë tsajpjotmëtë kukäjpxy jampë yajpaatyën Filadelfia: Jëtu'un y'ënä'äny mëti'ipë wa'atsën, mëtëyën, mëti'ipë myëët'ajtypyën ja David ja y'ëwatsn; ka'apë pën mëpaat tyaj'ëtukyën mëti'ipë yë'ë yaj'ëwatsypyën ets mëti'ipë yë'ë yaj'ëtujkpyën ka'ap mëpaat pën tyaj'ëwa'atsy:

Joel 2:25

Ëjts mkëpäjta'ajäämpy yë mpëjktä'äkyëty mëti'ipë të tyëkoyën ma ka'ap winë të y'ity të wyintëyën ko ja mu'u të tyuuntëkoy, tääpë tuuntëkoopyë mëti'ipë ojts ntuknikäxtën.

Job 12:14

Mëti'ipë Dios të tyajkutëkoyën, ka'ap tjëkyepy pën jatëkok t'akojëty; mëti'ipë Dios të tyajku'ëtukyën, ka'ap tjëkyepy pën tyajniku'ëwa'atsëty.

Lucas 4:25

Tëyës n'ëna'any ko tää ënety may ja to'oxytyëjk ja ku'ookpyë yaa Israel ko ja Dios ja kyäjpxynyajxpë Elías jyuuky'äjty, ko ojts kä'äp tyu'uy tëkëëk jëmëjt ja kujkm, ënät ja yuu y'ijty oymyakajpnëty.

Salmos 107:34

yaj'awinpijtyp yë naax kaanmëxëpinëpë ma ënety winë të y'ity të wyintëyën, ko ja naaxwiinyëtë ja'ay ka'ap tukjaty wi'ix jyä'äy'atëtyën;

Salmos 105:34

Je'eyë ojts yë Dios kyäjpxy ets myiintë yë maymyu'u, nimay ënety yajxonëty ka'ap t'ëkjëkyäjpnë yajmëtyowëty.

Job 11:10

Pën miimp yë Dios ets tsumy tmatsy yë ja'ay ets tukumëtowa'any ja tyëko'oyën, ¿pën y'ëkjëjpkuwa'akëp?

Amós 4:7

Ojtsës näjyëtu'un nyaj'ëmaaytyä'äky yë nëë tuu ma miitsëtyën, tëkëëk po'o ënety tkapaatynyëm ma xyajpëtë'ëktëtyën yë mpëjktä'äkyëty. Muumëty ojts nyajtu'uyës ets muumëty ka'ap;