2 Crónicas 7:12 - Biblia Dc en Mixe de Quetzaltepec

¹² ënät ja Wintsën koots nyänyikëxë'kë ma yë'ëjën ets y'ënëmaayë: Tëës nmëtoy mjëëytyak mnu'kxtakën, e tëëtsës nwin'ixy ko yaa ma ya'atë itjotmën yaa ja nwintsë'kënës yajyakëty.

Biblia Mixe de Quetzaltepec

¹² ënät ja Wintsën koots nyänyikëxë'kë ma yë'ëjën ets y'ënëmaayë: Tëës nmëtoy mjëëytyak mnu'kxtakën, e tëëtsës nwin'ixy ko yaa ma ya'atë itjotmën yaa ja nwintsë'kënës yajyakëty.

2 Crónicas 7:12 ပူးပေါင်းရင်းမြစ်များ

2 Crónicas 1:7

Jä'ä tsu'um ja Wintsën nyänyikëxë'kë ma yë'ëjën kuma'ayjoty ets y'ënëmaayë: Amëtoowkës tii mtimtsyojkpy, tyam nmo'ojëty.

1 Reyes 9:2

ënät ja Wintsën ojts nyänyikëxë'ëkyë ma yë'ëjën jëtu'un tä ënety jam të y'ëknänyikëxë'këpën Gabaón ma yë'ëjën,

Génesis 17:1

Ko ënety yë Abram yë jyëmëjnë majkta'px majkmokx majktaxk, ënety yë Wintsën nyänyikëxë'kë ma yë'ëjën ets y'ënëmaayë: Ëjts jëtu'un Tios'ajtp. Ëjts nmëët'ajtypyës yë mëk'ajtën ets mjuuky'atëty wa'ats, m'itëty oy tsuj ëjts nwintum.

2 Crónicas 7:16

jä'ä ko tëëjës kë'ëm ya'atë it naaxwiinyëtë nwin'ixy, tëëjës kë'ëm nkënu'kxy ya'atë njëën ntëjkës, ma y'itëtyën ja'amyetsy winë xëëw winë jëmëjt ja nxëëwës. Xëmës nmëët'ata'any, nkëwent'ata'any winë xëëw winë jëmëjt.

Deuteronomio 12:11

Ja it naaxwiinyëtën mëti'ipë ënety ja Wintsën të twin'ixyën ets jam yajpaata'any, nëjkxëp ja wyintsë'kën xymyo'otë mëti'ipës yam të nikäjpxyën. Nëjkxëp xytyukwintsë'ëkëtë ja jëyujk mëti'ipë myaj'ooktëpën ets xynyino'oktëty. Nëjkxëp näjyëtu'un xymyo'otë yë ayajk ako'onën ets tu'kpëkpyë yajëpëkyën ma ja majk pëkpyën ets ayajk ako'onën mëti'ipë të xytyukwinwanëtën ets xymyo'oja'antë.

Hechos 10:31

Ënätës xynyëmaay: Cornelio, tëë ja Dios ja m'aaw m'ayuk tmëtoy, y'ijxyp nyija'ap ko të xyjyä'äymyetsy ets wi'ix ja mëyajtën xytyunyën ma ja ja'ayëtyën xypyutëkën.

Lucas 1:13

Tääts ja tsajpjotmëtë kukäjpxy y'ënëmaayë: Zacarías, këtii mtsë'ëkë, tëë ja Dios tmëtoy ko xyjyä'äymyetsy, pyatäämpy ja mto'oxytyëjk Isabel tu'uk ja y'u'unk mëti'ipë mtukxëëwatëpën Juan.

Salmos 66:19

e yë'ë, tëë tmëtoy ets tëë tja'akyukë yë ntsajpkäjpxyës.

Salmos 10:17

Wintsën, mijts mëtoow'ijtyp yë ja'ay ko mëkäjpxyë mëti'ipë näypyutëkë yajmëyäjtypyën, ets xyajjotkujktä'äky ets xypyutëkë.

2 Reyes 20:5

Wimpit ets ënëëmë yë Ezequías, mëti'ipë nyiwintsën'ajtypyën yë nnaaxës nkajpnës: Yë Wintsën, mëti'ipë m'apteety David y'ëwtajtën, jëtu'un y'ënä'äny: Tëës nmëtoow'ity ja mjëëytyak mnu'kxtakën ets mjë'ëyën myaxën. Oy'atëp, tyam nyajtso'okëty, ko jyatëkëëk xëëw'atëty jyëkyäpëp mnëjkxëty ma tsajptëjkën.

2 Reyes 2:6

Tä Elías y'ënëmaayë: Yaa wë'ëm, jä'ä ko jamës yë Wintsën të xykyexy ma Jordán mëjnëëjën. E ja Elisejë, tyaa y'ëtsoowë: Ëjts tyamës yajxon ntimnyikäjpxy mëët yë Wintsën yë xyëëw ets mëët mijts mxëëw näjyëtu'un, ko ka'ap nijëna'a n'ëxmatsëty nätyu'uk. Ënet nimäjtsk tsyo'ontë.

2 Reyes 21:7

Pyëjktak jap ja Aserá ja y'awinax ma ja Wintsën ja jyëën tyëjkën, mëti'ipë ënety ja Wintsën të tnikäjpxyën ma ja David ets Salomón: Ya'atë tsajptëjk, mëti'ipë yaajën Jerusalén, mëti'ipës kë'ëm të nwin'ixyën ma ja Israel ja'ayëtyën, yaa xëmë yajmëjjaw yajaantyjyawëty yë nxëëwës.

Malaquías 3:4

Ja Dios nëjkxëp tukxoontä'äky ja y'ayajk y'ako'onën ja Judá ja'ayëty ets ja Jerusalén ja'ayëty, jëtu'un tä ijty tëëyëp tukxoontä'äkyën.