2 Crónicas 5:5 - Biblia Dc en Mixe de Quetzaltepec

⁵ tu'ukyë mëët tyajnëjkxtaaytyë ja nyiwittëjk ma ja näpyaatë y'ityën mëët yë Wintsën ets tëkokyë jënu'un ënety jap winë të tyunyën, tä ja apëjk atu'unën, tsim texy ets tëkokyë mëti'ipë ja Wintsën të yajtukmëyoxyën; yë'ë myënëkxtaaytyë ja teetytyëjkëty ets ja Leví ja'ayëty.

Biblia Mixe de Quetzaltepec

⁵ tu'ukyë mëët tyajnëjkxtaaytyë ja nyiwittëjk ma ja näpyaatë y'ityën mëët yë Wintsën ets tëkokyë jënu'un ënäty jap winë të tyunyën, tä ja apëjk atu'unën, tsim texy ets tëkokyë mëti'ipë ja Wintsën të yajtukmëyoxyën; yë'ë myënëkxtaaytyë ja teetytyëjkëty ets ja Leví ja'ayëty.

2 Crónicas 5:5 ပူးပေါင်းရင်းမြစ်များ

2 Crónicas 1:3

Ko jëtu'un nyiye'eypyäjtaaytyë ënät tsyo'ontë tu'ukmukyë ets nyëjkxtë jam Gabaón, ma yajpaatyën ja wit tëjk ma ja näpyaatë y'ityën mëët ja Wintsën, mëti'ipë ënety ja Wintsën ja myëtuunpë Moisés të t'oytyunyën jam të'ëts'itjotm.

1 Reyes 8:6

Tä ja teetytyëjkëty ojts jap tmëtëkëtë ja Wintsën ja kyaaxë tsajptëkoty, ma ja tëkot ja kënu'kxypyën, jap tkëxkëëytyë ma ja kyäknpa'tkën ja Wintsën ja kyukajpxpë,

1 Reyes 8:4

ets tyajtso'ontë mëët ja nyiwittëjk, ma Wintsën mëët ja näpyaatë y'ityën ets tëkokyë jënu'un jap winë tyunyën, tä ja apëjk atu'unënyën, ojts tmënëjkxta'atë ja Leví ja'ayëty ets ja teetytyëjkëty.

2 Crónicas 5:4

Ojts myiinta'atë ja mëjja'aytyëjk, ja Leví ja'ayëty yë'ë kyiiyë'ktë ja kaaxë

2 Crónicas 5:6

Ja yajkutujkpë Salomón ets ja Israel ja'ayëty mëti'ipë ënety të myuktën, aakjam yajpata'atë ma ja kaaxën, yë'ë jam yajktëp ja wintsë'kën may'äämpy; tä ja kupixynyën ets ja tsajpkaa yä'äyën.

2 Crónicas 23:18

Joiadá ojts tpëjktä'äky ijx'ijtpë këwent'ajtpë ma ja Wintsën ja tsyajptëjkën, yë'ë tyuknipëjk ja teetytyëjkëty ets ja Leví ja'ayëty, mëti'ipë ja David ënety tnikäjpxyën jam tyuntëty ma ja tsajptëjkën, tyaktëty ja wintsë'kën ja nino'oky nixämpyë Wintsën wyintuuy; jëtu'un y'ëwtëty ya'axtëty tä jap myinyën ma ja ënä'ämën tëyajtënën mëti'ipë ja Moisés jyääyën, mëti'ipë ja David tyuknipëjktakëyën.