2 Crónicas 5:2 - Biblia Dc en Mixe de Quetzaltepec

² Ënet ja Salomón tyajmujktaay jam Jerusalén ja mëjja'aytyëjk ja kopktëjkëty ets ja yujkyä'kpëtëjkëty mëti'ipë ijtëpën jam ma Israel ja'ayëtyën ets tyajtsoona'antë ja Wintsën ja kyaaxë jam Sión, tmënëjkxa'antë ma ja David ja kyajpnën.

Biblia Mixe de Quetzaltepec

² Ënät ja Salomón tyajmujktaay jam Jerusalén ja mëjja'aytyëjk ja kopktëjkëty ets ja yujkyä'kpëtëjkëty mëti'ipë ijtëpën jam ma Israel ja'ayëtyën ets tyajtsoona'antë ja Wintsën ja kyaaxë jam Sión, tmënëjkxa'antë ma ja David ja kyajpnën.

2 Crónicas 5:2 ပူးပေါင်းရင်းမြစ်များ

2 Samuel 6:12

Ko ja David yajtukmëmëtyäky wi'ix ënety ja Obed-edom mëj këjää jam ja näkyënu'kxë tpaatyën ma jyëën tyëjkën ets ma yë'ëjën, ënät ojts nyijkxy akujk jotkujk ets jam tmëtsoona'any ja kaaxë ets tyajnëjkxa'any jam Jerusalén.

2 Crónicas 1:4

Yë David tëë ënety tmëtsoony yë Wintsën yë kyaaxë jam Quiriat-jearim ets ënety të tmënëjkxy jam Jerusalén ma tu'uk ja wit tëjkën mëti'ipë të tukni'oytyunën.

Salmos 87:2

Yë Wintsën janty'oy ni'ik tsoky tjawë ja tsajptëjk ja nyitëjk'aaw këtiinëm yë Jacob yë jyëën tyëjk.

Salmos 2:6

Tëës nkënu'kxy mëti'ipës nyaj'ënä'ämäämpyën ma Sión kajpnën, ma Sión kopkën wa'atspë.

2 Crónicas 5:12

Tëkokyë ja Leví ja'ayëty mëti'ipë ëëwtëpën, tä ja Asaf, Hemán ets ja Jedutún, mëët ja y'u'unk y'ëna'k ets ja jyiikytyëjk myëku'uktëjk, aakjam wya'ak o'oyëtyääytyë ma ja wintsë'këntyaknën aak xoxyëty mëët ja oywyit. Aaktam tmëët'atë ja xyuxnëty, kyä'tsnëty, y'akëty ets pyujxnëty mëti'ipë yaj'ënantëpën. Nimëko'px ja i'px ënety jam näjyëtu'un ëpëky ja teetytyëjkëty mëti'ipë ja pujxnxuxn yaj'ënantëpën.

2 Crónicas 5:1

Ko kyojtaay tëkokyë winë mëti'ipë ënety ja Salomón të tni'ënä'ämën kyojëty ets ja Wintsën jä'ä yajtukmëyoxëty, Salomón ojts jap tsajptëkoty tmënëjkxta'ay winë; ja apëjk atu'unën mëti'ipë aak pu'ts pujxn mëët y'oytyunyëtyën, mëti'ipë ënety ja tyeety David të tukmëyoxyën ja Wintsën ets jap tpëjktaktaay ma ja Wintsën ja jyëën tyëjkën ma jap winë nyipetyën.

1 Crónicas 28:1

David ojts tyajmujkta'ay jam Jerusalén tëkokyë ja kutuunktëjkëty, kopktëjkëty ets mëti'ipë kyutënaaytyëpën ja myëku'uktëjk; mëti'ipë tsiptuunpë wintsën'ajtëpën ma yajkutujkpën, mëti'ipë wyintënaaytyëpën ja tsiptuunpëty; mëti'ipë tu'kpëkyjyäty wyintënaaytyëpën ja tsiptuunpëtëjkëty, mëti'ipë ja naax kam yajtuknipëjktën tniwintsën'atëty ets ja jëyujk tsajpkaa ets ja y'u'unk y'ëna'këty ets ja ja'ayëty mëti'ipë ijtëpën naaxjoty kajpnjoty ets tëkokyë ja tsiptuunpëtëjkëty.

1 Crónicas 26:26

Selomit ets myëku'uktëjk yë'ë ojts yajtuknipëktë t'ijx'itëty ma winë pëjkë'ëky y'ityën mëti'ipë yajktën David, tsiptuunpë wintsënëty, mëjja'aytyëjk ets wintsëntëjkëty, mëti'ipë tyukwintsë'këtyën Wintsën.

1 Crónicas 24:31

Näyjyëtu'un yë'ëjëty ojts nyäyyajwa'kxëtë, aak ijxpëtsëmy ojts nyikääkëtë ja tuunk, ëpëky ja mëj ëna'ktëjkëty ets ëpëky ja mutsk ëna'ktëjkëty, jëtu'un tä myëku'ukëtyën ja Aarón ja y'u'unk y'ok, ko ojts nyäyyajwa'kxëtë nän tam'ajtëp ënety ja yajkutujkpë David, teety Sadoc, teety Ahimélec ets ja mëti'ipë ja jyiiky myëku'uk nyikopk'ajtëpën, ja jyëën tyëjkëty ets ja Leví ja'ayëty.

1 Crónicas 24:6

Ja Semaías, mëti'ipë nokyjyääpyën ets tu'uk yë Leví ja'ay, ojts tyajnokpyäjta'ay ja ja'ayxyëëw, ma ënety jam yajpaatën ja yajkutujkpë, ja wintsëntëjkëty, ja teetyëty mëti'ipë txëëwajtëpën Sadoc ets Ahimélec, Abiatar myaank, ets ja myëku'uktëjkëty ja ja'ayëty mëti'ipë nyikopk'ajtëpën ja jyiiky myëku'ukëty, y'u'unk y'ëna'këty ets ja teetytyëjkëty mëti'ipë Leví ja'ayëtyën. Tii xëëw ja tuunk tyuka'aja'anëtën, aak ijxpëtsëmy ma ja nija'awënën ojts tpëktën. Nimäjtskpëky ja Eleazar ja jyä'äy ojts tyuka'ajëtë, e ja Itamar tu'kpëkyjyäty.

1 Crónicas 16:1

Ja kaaxë ojts ja yajmënëjkxy ets ojts yajpëjktä'äky ma tu'uk ja wit tëjkën mëti'ipë ënety David të tnipëjktaakën. Ko jëtu'un y'ëkwintu'upëjktaay, tä ja wintsë'kën ojts tyaktë mëti'ipë nino'oky nixämyën ets mëti'ipë yajyajkpën ko ja nay'ëëw'oy näykyajpx'oyë y'ity mëët ja Dios,

1 Crónicas 15:25

Ënet ja David, mëët ja mëjja'aytyëjk ets ja wintsëntëjkëty, mëti'ipë ja tsiptuunpëtëjk y'ënä'ämtëpën, ojts nyëjkxtë jam ma ja Obed-edom ja tyëjkën, ma ja Wintsën ja kyaaxë yajpaatyën ets tmëtsoona'antë mëët ja akujk'ajt jotkujk'ajtën,

1 Crónicas 15:12

tä t'ënëmaay: Miitsëty mëku'uktëjkëty ma xynyikopk'atën ja mnaax mkajpnëty, myajpëjktsowtë ets mnäpyuj mnäjyä'ätsëtëty, näjyëtu'un ja mjëëky mëku'ukëty ets tjëkyäpëty wi'ix ja Wintsën ja kyaaxë xyajtsoonëtëtyën ets yajmënëjkxëty ma të yajni''ixën;

2 Samuel 5:7

David ka'ap tii mëj tja'awëy, ojts ja kajpn tnitëkë mëti'ipë ënety yajtijpën Sión, mëti'ipë tyam ja David kyajpn'ajtypyën.

1 Crónicas 15:1

David ojts tni'ënä'ämë ets tkojtëty ja tëjk ma ja David ja myëjkajpnën, ojts näjyëtu'un tni'ënä'ämë ets tkojtëty tu'uk ja wit tëjk ma ja Dios ja kyaaxë y'itëtyën.

1 Crónicas 15:3

Tä tyajtu'ukmujktaay ja Israel ja'ayëty jam Jerusalén ets tyajtsoona'antë ja Wintsën ja kyaaxë, tmënëjkxa'antë jam ma ënety të tnipëjktaakëtën.