2 Crónicas 5:12 - Biblia Dc en Mixe de Quetzaltepec

¹² Tëkokyë ja Leví ja'ayëty mëti'ipë ëëwtëpën, tä ja Asaf, Hemán ets ja Jedutún, mëët ja y'u'unk y'ëna'k ets ja jyiikytyëjk myëku'uktëjk, aakjam wya'ak o'oyëtyääytyë ma ja wintsë'këntyaknën aak xoxyëty mëët ja oywyit. Aaktam tmëët'atë ja xyuxnëty, kyä'tsnëty, y'akëty ets pyujxnëty mëti'ipë yaj'ënantëpën. Nimëko'px ja i'px ënety jam näjyëtu'un ëpëky ja teetytyëjkëty mëti'ipë ja pujxnxuxn yaj'ënantëpën.

Biblia Mixe de Quetzaltepec

¹² Tëkokyë ja Leví ja'ayëty mëti'ipë ëëwtëpën, tä ja Asaf, Hemán ets ja Jedutún, mëët ja y'u'unk y'ëna'k ets ja jyiikytyëjk myëku'uktëjk, aakjam wya'ak o'oyëtyääytyë ma ja wintsë'këntyaknën aak xoxyëty mëët ja oywyit. Aaktam tmëët'atë ja xyuxnëty, kyä'tsnëty, y'akëty ets pyujxnëty mëti'ipë yaj'ënantëpën. Nimëko'px ja i'px ënäty jam näjyëtu'un ëpëky ja teetytyëjkëty mëti'ipë ja pujxnxuxn yaj'ënantëpën.

2 Crónicas 5:12 ပူးပေါင်းရင်းမြစ်များ

1 Crónicas 15:24

E ja teetytyëjkëty Sebanías, Josafat, Natanael, Amasai, Zacarías, Benaías ets Eliézer, jä'ä nëjkxtëp jëjp'am xuxpë mëët ja pyujxn xuxnëty, ma jam yajmëye'eyën ja Wintsën ja kyaaxë. Yë Ebed-edom ets Jehías yë'ë y'ijx'ijtëp ja kaaxë.

Salmos 68:25

Mëti'ipë ëëwtëpën jëyëjp nyëjkxtë, e mëti'ipë xuxtëpën koowtëpën ix'am ye'eytyë, itkujky yë'ë nëjkxtëp yë to'oxy'ëna'këty mëti'ipë yaj'ënantëpën yë xijtn.

2 Crónicas 29:25

Ezequías ojts Leví ja'ayëty tuknipëky ets jap tsajptëkoty xyu'uxtëty wyoptëty, mëët ja kyowëty, y'akwojpnëty, pyujxn'akojxmujknëty, jëtu'un tä ënety ja David, Gad ets Natán ja ënä'ämën të tyajwë'ëmtën. Ya'atë ënä'ämën Wintsën ojts jëtu'un tpëjktä'äky.

2 Crónicas 7:6

Ja teetytyëjkëty aaktam ënety yajpata'atë ets ja Leví ja'ayëty aakmëët ja xyuxnëty kyowëty, mëti'ipë ënety ja yajkutujkpë të tyaj'oyën ets tukpa'ëna'antë ja ëy mëti'ipë ënaanpën: Jä'ä ko yë tsyojkën jya'awën xëmëkyëjxm yë y'ity, ko ja David ijty mëët y'ëwtë. Ets ja teetytyëjkëty tim xux tim koowtëp jamëty, tyam ja mayjyä'äy jyänty ëwtë.

1 Crónicas 23:5

Nimajktaxk mil mëti'ipë kyëwent'atëpën ja tëjk'aaw ets wiinkpë ja nimajktaxk mil mëti'ipë xëmë ja Wintsën wyin'ëw wyinya'axtëpën, tyaj'ëna'antëty ja xyuxnëty y'akëty tukwinxu'ux tukwinwoptëty ja Wintsën.

1 Crónicas 6:39

Jäätsow ma Hemán y'a'oykyë'ëjën, yë'ë pa'atënaayëp yë Asaf, yë myëku'uk; yë'ë tyeety'ajt Berequías, e Berequías yë'ë tyeety'ajt Simea,

1 Crónicas 6:33

Ja mëti'ipë jam yajpatëpën mëët ja y'u'unk y'ëna'k yë'ë ënety jam'ajtëp ja Quehat y'u'unk y'ok. Yë Hemán, yë'ë tyeety'ajt Joel; e yë Joel, yë'ë tyeety'ajt Samuel,

Apocalipsis 19:8

Dios tëë tyajkutuky ets ja jyä'äy nyäxyoxëtëty mëët ja oywyit poopë mëti'ipë ajajp atë'kxpën. Ja oypyë poop wit, yë'ë jëtu'un yajtijp mëti'ipë tyuuntëpën ja Dios ja nyaax kyajpn.

Apocalipsis 15:6

Japts pyëtsëëmtë niwëxtujk ja tsajpjotmëtë kukäjpxy mëti'ipë myëmiintën wëxtujkpëky ja ëyo'on. Janty aak'oy ja wyitëty, aak wa'ats xyoxy'atë ets aak ajajtëp aak atsëmaamtëp wyitëty, aak pu'ts pujxn wëën kyätsywyëën'ajtëp.

Salmos 149:3

Mmëjpëjkta'aktë yë xyëëw mëët yë ety tëki'ixy, ëwtë ya'axtë yë ëy, tukpa'ëna'antë yë xijn ets kow,

Salmos 92:3

mëët yë kow xuxn.

Salmos 88:1

Wintsën mëti'ipës nWintsën'ajtypyën ets mëti'ipës xyajnitsokpën, jopy ux mijts n'amëtoy npëjktsoy yë putëjk pupäjtën,

Salmos 62:1

Jämyë ma Tiosën npaatyës yë jotkujk'ajtën; ets nitsokënës jam tsyoony ma yë'ëjën.

Salmos 50:1

Yë Wintsën mëti'ipë Tios'ajtpën ma wiinkëtypë tiosën, tëë kyäjpxy; tëë tmëkäjpxy tëkokyë ja'ayëty jënu'un tsyëënëtën naaxwiiny naaxkëjxy anajnytsyowpë, a'oytsyowpë.

1 Crónicas 23:30

Tyaapë ja'ayëty xëmë jap yajpaatëty tsajptëkoty jopy, ux ets tyajnaxtëty ja kukkajpxën ja'awëkyëtakkën, twin'ëw twinya'axtëty ja Wintsën,

1 Crónicas 15:27

David yë'ë ënety wyit'ajtyp ookwyit ets aakjëtu'un ja wyitëty ja Leví ja'ayëty mëti'ipë ja kaaxë pyakëëytyëpën, ja ëëpëty ets ja Quenaías mëti'ipë tu'uwinye'eypyën ma ja Wintsën ja kyaaxë yajmënëjkxyën; ëpëky ja David tniyä'äp'aty tu'uk ja mëjwit ookwyit.

1 Crónicas 13:8

E ja David mëët ja Israel ja'ayëty jëyëjp nyëjkxtë ëëpë yaxpë ets äjtspë Dios wintum, tukxoonta'aktë ja Dios ja xyëëw ëmuumtu'ukjot, mëët ja xuxpë wojpë ets ëëpë koowpë.

2 Crónicas 29:26

Yë Leví ja'ayëty jä'ä yajtuuntëp ja xuxn mëti'ipë ja David ijty yajtuumpyën, e ja teetytyëjkëty jä'ä ja xuxn myëët'ajtëp.