2 Crónicas 32:4 - Biblia Dc en Mixe de Quetzaltepec

⁴ Ënet ja ja'ay myäymyujktë ets tyaj'ëtujktaaytyë ja nëëjut, yë'ëpaat mëti'ipë muum mu'tpën ets mëti'ipë naaxpa'atye'epyën, këtiipë nyëëpaatëty ja Asiria ja'ayëty ko ënety jyamëwinkonëtë.

Biblia Mixe de Quetzaltepec

⁴ Ënät ja ja'ay myäymyujktë ets tyaj'ëtujktaaytyë ja nëëjut, yë'ëpaat mëti'ipë muum mu'tpën ets mëti'ipë naaxpa'atye'epyën, këtiipë nyëëpaatëty ja Asiria ja'ayëty ko ënäty jyamëwinkonëtë.

2 Crónicas 32:4 ပူးပေါင်းရင်းမြစ်များ

2 Crónicas 32:30

Yë'ë yaj'atujktaay ja nëëjut mëti'ipë ënety jam kajpnpë'am yajpatëpën ets naaxjoty tyajnajxy jëtu'un tyajajty jam kajpnjotm, jam tyajtso'ony Guihón ets naaxpa'tkë'p tyajnajxy, tyajajty ma ja David ja kyajpnën. Jëtu'un ja Ezequías ojts tyuny, aak'oy winë tuuny ets oy ojts wyimpëtsë'ëmxëty wä'än tiijëty timnyipëjktakëy.

Isaías 10:8

Yë'ë tyaa y'ënä'äny: Tëkokyë yë yajkutujkpëtëjk aak'ëjts yë xymyëtuuntëpës.

2 Crónicas 32:1

Ko jëtu'un nyäjxy ma ja Ezequías tyajnikëxë'kyën wi'ix ja Wintsën oy tmëmëtoyën ets wi'ix tmëjpëjktä'äkyën, ënät ja Senaquerib, Asiria ja'ay yajnatujkë ets tyajnatujktaay ja naax kajpn mëti'ipë nyiwa'anäämpyën.

2 Crónicas 30:14

Wa'ats tjëpëjktaaytyë ja wintsë'këntyakn ets maajaty ja poom tyajtoytyën mëti'ipë jam Jerusalén yajpatpën. Jap tkujëpijpnajxtaaytyë wokjoty.

2 Reyes 20:20

Ja nyikäjpxy nyimëtyä'äky ja Ezequías ets tëkokyë mëti'ipë tyuunën kyajpxën, wi'ix ojts ja nëëtu'u tpëjktä'äkyën ets tyaja'tyën ja nëë kajpnjoty, jap myiinta'ay kuja'ay ma ja nokyën mëti'ipë jyä'ä'ajtëpën ja yajkutujkpëtëjk jampë ojts y'ënä'ämtën Judá.

2 Reyes 19:17

Wintsën, tyam ntuk'ëwaanë, ijxtëm y'ënä'änyën ko yë yajkutujkpë mëti'ipë jam të tyuntën ma Asiria ja'ayëtyën tëë kanaak yë naax kajpn tyajkutëkoytyë ets mëët ja kyam tyu'ujëty, janty tëy yë'ë,

2 Reyes 18:13

Ma ënety majkmajkts jëmëjt yajkutukyën yë Ezequías, jää ojts yë Senaquerib, Asiria yajkutujkpë, tukja'ty yë Judá nyaax kyajpn mëti'ipë yaj'ijtëpën ta'tspëky ets këwent'aty ets tjä'äpëjktaay.

2 Reyes 18:9

Ma ënety mëmajktaxk jëmëjt yajkutukyën yë Ezequías, ja mëwëxtujkpë ja yajkutujkpë, ma ja Oseas yajkutujktsoonyën, yë myaank yë Elá, mëti'ipë jam yajkutujkën Israel; jää ojts yë Salmanasar, ja Asiria yajkutujkpë tyajnatuky yë Samaria kajpn ets tnitëjkëy,

1 Reyes 19:21

Tä ja Elisejë ojts tpuwa'ktu'uty ja Elías ets ojts nyijkxy, ojts mäjtsk tsajpkaa tyaj'ooky ets jëën tyajmëjjëy mëët ja kepy mëti'ipë ënety yajtuumpyën ma ja tsajpkaa tyajyu'uyën; jamts tsaay ja tsu'utsy, tä tyajkaay tyaj'uky ja mayjyä'äy. Ko jëtu'un tyajkaaytyääy tyaj'uktaay ja ja'ay tä ojts tpanëjkxy ja Elías ets yë'ë tmëtuna'any.

1 Reyes 3:9

E yë'ëtsës yam n'amëtoopy, xymyo'ojëtyës tu'uk ja jot winma'any oypyë, mëtëypyë etsës njatëty nijawëty wi'ix ja mnaax mkajpn n'ënä'ämëtyës; ¿jä'ä ko pën jëtää ëkmayëtëp ya'atë mëj naax mëj kajpn janty'oy t'ëktu'uwinwowëty?

2 Crónicas 32:3

ënät twoowmujky ja mëjja'aytyëjk ets ja wijytyëjk ets tmëmay tmëtajtëty pën oy'ajtp ko tyaj'atujkta'atëty ja nëëjut maajaty ja ja'ay nyëkontën ets tyajnëkutëëtsëja'antë ja mëtsip; ja ja'ayëty ojts tkupëktë, ka'ap wi'ix y'ënantë.

Isaías 22:11

Poty itkujky ojts xypyotstë ja nëë apëjkën ma xyajnipäta'antën ja nëë, je'eyëp ko ka'ap ojts xynyijawëtë pën ënety jëtu'un tëëyëp të tuknipëjktaakë.

Nahúm 3:14

Kom yë nëë xyajnikoompätëty ets xymyëmëta'akëty yë jëën; may pëjkta'ak yë ja'ay mëti'ipë kuwa'anëpën. Jap mo'ontsjoty tëkë, tuktään yë mo'onts, këëyë'ëk yë kepy mëti'ipë yë muutsy mtukyajkojpyën.

Isaías 22:9

ets xy'ijxpatë ko jam ma ja David ja kyajpnën ko tam ja patu'u jyätyë ets jam ojts xyu'utstë ja mnëëjëty;