2 Crónicas 32:3 - Biblia Dc en Mixe de Quetzaltepec

³ ënät twoowmujky ja mëjja'aytyëjk ets ja wijytyëjk ets tmëmay tmëtajtëty pën oy'ajtp ko tyaj'atujkta'atëty ja nëëjut maajaty ja ja'ay nyëkontën ets tyajnëkutëëtsëja'antë ja mëtsip; ja ja'ayëty ojts tkupëktë, ka'ap wi'ix y'ënantë.

Biblia Mixe de Quetzaltepec

³ ënät twoowmujky ja mëjja'aytyëjk ets ja wijytyëjk ets tmëmay tmëtajtëty pën oy'ajtp ko tyaj'atujkta'atëty ja nëëjut maajaty ja ja'ay nyëkontën ets tyajnëkutëëtsëja'antë ja mëtsip; ja ja'ayëty ojts tkupëktë, ka'ap wi'ix y'ënantë.

2 Crónicas 32:3 ပူးပေါင်းရင်းမြစ်များ

Proverbios 24:6

Jëtu'un ko yë tsip yajniwinmayë, jëyëjp yë ja'ay yajxon tmëmay tmëtajy; e ko pën myëtä'äky jam tsipjotm, paatykyëjxm myëtä'äky jä'ä ko nyimay'atë mëti'ipë najts'ë'ëw najtskajpxëtëpën.

Proverbios 20:18

Ko tii yë ja'ay yajxon tuknipëjktaakë, ënät y'oyë pën tëë yajkajpxtë'ëy. Ko muum yë tsip y'ity, ënät ja'ay yajxon twinkuwa'akë pën tëë jëyëjp tmëmay tmëtajy wi'ix tsyiptuna'anyën.

Proverbios 15:22

Ko ka'ap ja'ay tii yajxon tnëtëy tyajtëy, ka'ap oytyuunk pyëtsimy, yë tuunk oy wyimpëtsëmy ko kanaak yë ëëwij kajpxwijpë.

Romanos 11:34

E ¿Pën y'ëknija'ap ja Dios ja wyinma'any? ¿Pën y'ëkkajpxwijëp?

Isaías 40:13

¿Pën jëtää të t'ëk tuk'ënëmääpyë yë Wintsën ma winë oy të tkatunyën ëkë të t'ëk tukni''ijxëpë wi'ix tii t'oytyunëtyën?

2 Crónicas 30:2

Ja yajkutujkpë ojts tuknija'awëtyä'äy ja mëjja'aytyëjk ets ja naax kajpn tnijawëtëty ko jää yajnixëëwtunëty ja ëmaayxyëëw ma ja mëmäjtskpo'opë y'änyën tääpë jëmëjtpë,

2 Reyes 20:20

Ja nyikäjpxy nyimëtyä'äky ja Ezequías ets tëkokyë mëti'ipë tyuunën kyajpxën, wi'ix ojts ja nëëtu'u tpëjktä'äkyën ets tyaja'tyën ja nëë kajpnjoty, jap myiinta'ay kuja'ay ma ja nokyën mëti'ipë jyä'ä'ajtëpën ja yajkutujkpëtëjk jampë ojts y'ënä'ämtën Judá.

2 Reyes 18:20

¿Ëkë jä'äjën m'ëna'any ko ja aaw ayuk oypyë yajmëtoyën näjyëtu'un yë tsyowpaaty tä ja jot winma'anyën mëti'ipë yajmëët'ajtpën ko ja jëën tsip yajniwinmayë? ¿Pën mtuk'ijxpejtyp ets ënät ka'ap mëj xy'ëk'ijxnëtyës?

2 Crónicas 32:2

Ko ja Ezequías t'ijxy ko tëë ja Senaquerib tuknipëjktaakë ko nyitëkëja'anyë,

2 Crónicas 32:4

Ënet ja ja'ay myäymyujktë ets tyaj'ëtujktaaytyë ja nëëjut, yë'ëpaat mëti'ipë muum mu'tpën ets mëti'ipë naaxpa'atye'epyën, këtiipë nyëëpaatëty ja Asiria ja'ayëty ko ënety jyamëwinkonëtë.

Nahúm 3:14

Kom yë nëë xyajnikoompätëty ets xymyëmëta'akëty yë jëën; may pëjkta'ak yë ja'ay mëti'ipë kuwa'anëpën. Jap mo'ontsjoty tëkë, tuktään yë mo'onts, këëyë'ëk yë kepy mëti'ipë yë muutsy mtukyajkojpyën.

2 Crónicas 32:30

Yë'ë yaj'atujktaay ja nëëjut mëti'ipë ënety jam kajpnpë'am yajpatëpën ets naaxjoty tyajnajxy jëtu'un tyajajty jam kajpnjotm, jam tyajtso'ony Guihón ets naaxpa'tkë'p tyajnajxy, tyajajty ma ja David ja kyajpnën. Jëtu'un ja Ezequías ojts tyuny, aak'oy winë tuuny ets oy ojts wyimpëtsë'ëmxëty wä'än tiijëty timnyipëjktakëy.