2 Crónicas 32:1 - Biblia Dc en Mixe de Quetzaltepec

¹ Ko jëtu'un nyäjxy ma ja Ezequías tyajnikëxë'kyën wi'ix ja Wintsën oy tmëmëtoyën ets wi'ix tmëjpëjktä'äkyën, ënät ja Senaquerib, Asiria ja'ay yajnatujkë ets tyajnatujktaay ja naax kajpn mëti'ipë nyiwa'anäämpyën.

Biblia Mixe de Quetzaltepec

¹ Ko jëtu'un nyäjxy ma ja Ezequías tyajnikëxë'kyën wi'ix ja Wintsën oy tmëmëtoyën ets wi'ix tmëjpëjktä'äkyën, ënät ja Senaquerib, Asiria ja'ay yajnatujkë ets tyajnatujktaay ja naax kajpn mëti'ipë nyiwa'anäämpyën.

2 Crónicas 32:1 ပူးပေါင်းရင်းမြစ်များ

Miqueas 2:13

Yë Dios yë'ë yaj'ëwa'atsäämpy yë tu'u ets yë'ë tpanëjkxtëty ets jam pyëtsëmtëty ma ja naax kajpn ja nyitëjk'aawën. Yë Wintsën mëti'ipë kyutujkpë'ajtëpën yë'ë nëjkx jëjp'am ye'ey ma yë'ëjëtyën.

Oseas 11:5

e yë'ëjëty ka'apës të xynyimina'antë. Paatykyëjxm jatëkok jap Egiptë wyimpita'antë ets Asiria ja'ay ënä'ämanëtëp.

Isaías 36:1

Majkmajkts jëmëjt ënety y'apety ma ja Ezequías tyëjkëyën yajkutujkpë, jää jëmëjt ojts yë Senaquerib, mëti'ipë jam Sirië yajkutujkpën tnitëkë tëkokyë ja naax kajpn mëti'ipëjaty ja Judá nyitënääpyën ets jä'ä tkajpnniwaantaay.

2 Reyes 18:11

Ja Asiria yajkutujkpë ojts tyajnëjkxta'ay ja Israel ja'ayëty jam ma kyajpnën ets jam tpëjktaktaay ma ja it naaxjot txëëwatyën Halah; ma ja Habor y'itjotmën, jam ma Gozán mëjnëëjën, ma ja ja'ayëty tsyëënëtën mëti'ipë yajtijtëpën medos.

2 Reyes 17:6

E ma tyaxtujk jëmëjtpäjtnën ma ja Oseas yajkutukyën, ja Asiria yajkutujkpë jää ojts tmëmëtaknë ja Samaria ja'ay ets ja Israel ja'ayëty ets tyajnëjkxtaay ni'ëmukë jam Halah, ma ja Habor ja y'itjotmën, jam Gozán ma ja mëjnëë jyënäkyën, mëti'ipë nyiwantëpën ja Medos ja'ayëty.

2 Reyes 15:19

Jä'ä xëëw jä'ä jëmëjt, yë Pul, jampë yajkutukyën Sirië, tnija'ajty yë kajpn ets tyajnatujky, e yë Menahem jä'ä ojts tmo'oy yë poop pujxn i'px majktëkëëk kilë, yë'ë nätyukputëkëtëp ets ja kyutujkën tyajmëkta'akëty.

2 Crónicas 32:2

Ko ja Ezequías t'ijxy ko tëë ja Senaquerib tuknipëjktaakë ko nyitëkëja'anyë,

2 Reyes 19:19

E tyam mijts myaj'amëtoy myajpëjktsoy Wintsën, ma mijts myaj'ëwtatyën, koos xynyiwaantu'utëty ets ëwaatsëtuuy xyajwë'ëmtëtyës këtiipës tääpë ja'ayëty ëxëëk xytyuntëty, jëtu'un tëkokyë ja naax kajpn tnijawëtëty ko mijts tu'uk mWintsën, mëti'ipë mëpaat yë naaxwiinyëtë ja'ay t'ëwtatyën.

2 Crónicas 35:20

Ok ma ënety ja Josías të tkoj oyën ja tsajptëjk, jää ojts yë Necao, Egiptë yajkutujkpë myiny; jamtsow myiiny Éufratestsow ets tsyiptuna'any jam Carquemis. E ja Josías ojts nyitsoonyë ets jam jyëjpkuwa'këyë;

Isaías 10:32

Ya'atë xëëw jam ja mëtsip të wya'akwë'ëmy Nob; tëë y'ënä'äny ko yajnitëkëty ja Sión kajpn, jam tunkëjxm ma ja Jerusalén kajpn yajpaatyën.

Isaías 37:37

Ënätyë ja yajkutujkpë Senaquerib y'ënäny ets tsyo'onta'atëty ja tsiptuunpëtëjk ets nyëjkxtëty jatëkok Nínive.