2 Crónicas 26:9 - Biblia Dc en Mixe de Quetzaltepec

⁹ Ojts mëjpotsy tkojy jam Jerusalén, ma ja tëjk'aawën jampë ma potsy tyäkën, ma ja tëjk'aawën jampë joyjotmën ets maajaty ja potsy tyäkën jëtu'un këwent'aty xëmë y'itëty.

Biblia Mixe de Quetzaltepec

⁹ Ojts mëjpotsy tkojy jam Jerusalén, ma ja tëjk'aawën jampë ma potsy tyäkën, ma ja tëjk'aawën jampë joyjotmën ets maajaty ja potsy tyäkën jëtu'un këwent'aty xëmë y'itëty.

2 Crónicas 26:9 ပူးပေါင်းရင်းမြစ်များ

Nehemías 3:13

Hanún ets mëët ja ja'ayëty mëti'ipë jam tso'ontëpën Zanóah yu'ë ojts t'äkojëtya'atë ja tëjk'aaw mëti'ipë jamën joyjyotm; ojts yajxon ja nyitëjk'aaw tyajkojëtë mëët ja nyipujxn nyikepy mëti'ipë mëët y'ëtukëtyën, ojts näjyëtu'un ja mëjpotsy tpojts'oyëtë mäjtsk mëko'px ja wëxtyikxy majk xajpkën, jampaat tyajja'ajtë ma ja pu'uxm tko'owtën.

2 Crónicas 25:23

Tääts ja Joás ojts tsuumnë ja Amasías jam Bet-semes, mëti'ipë ënety jam Judá yajkutujkpën ets ojts tyajnëjkxy jam Jerusalén, jam t'ajijtuty ja Jerusalén kajpn ja nyapots, jä'ä myëjwiinëty tu'kmëko'px xajpk; jam tsyo'ontä'äky ma ja Efraín ja tyëjk yajnitëkën ets jyä'ty ma ja mëjpotsy nyuxën.

2 Reyes 14:13

Ja Joás, mëti'ipë jam yajkutujkpën Israel, ojts tmatsy ajuukyë ja Amasías jam Bet-semes, ja Judá yajkutujkpë ets ojts nyijkxy jam Jerusalén, ma tyaj'ëwatsyën ja mëjpotsy mëti'ipë ja naax kajpn nyapots'ajtypyën, jä'ä myëjwiinëty mëko'px xajpk, këjääpaat ja potsy tjijty, jampaat tsyo'ontä'äky ma ja tyëjk'aawën ja Efraín ets jyä'ty maapaat ja kajpnnuxën.

Zacarías 14:10

Joyjyot nëjkx yë naax kajpn y'awinpity. Tsyo'onta'akëty jam Gueba ets tyimja'tëty jam rimón ëpa'tkë'ëytsyow ma Jerusalén kajpn wyi'imyën. Këjxm nëjkx yë Jerusalén kajpn yajpaaty. Jam yë ja'ay nëjkx tsyëënëtë. Jam ma ja potsyën mëti'ipë kajpn nyapots'ajtypyën jam tsyo'onta'akëty ja tëjk'aaw mëti'ipë xyëëwajtypyën Benjamín ets tyimja'tëty jam ma Tëjk'aawën ma jam Y'ëwtityën, jam nyajxë'ëkëty ma ja potsyën mëti'ipë kujkyë tënääpyën ma txëëwatyën Hananel ets jya'tëty ma ja olivë on yajwinma'atsyën mëti'ipë ja yajkutujkpë jyä'ä'ajtypyën.

Jeremias 31:38

Jëtu'un yë Wintsën y'ënä'äny: Pyatäämpy ja xëëw maas ja nkajpn nëjkx yajkoj'oyën jatëkok, nëjkxëp yajkoj'oyë ja Hananel ja kyëjxmpotsy ets tyimja'tëty jampaat ma ja Tëjkëtyaknën ets jampaat ma y'ëwtijtë'ëkyën.

Nehemías 3:32

Yë poop pujxn oytyuunpëty ets ajuupy ato'kpëty ojts näjyëtu'un tyaj'oyëtë ja potsy, jam tyajtso'ontaktë ma ja potsy tyäkën ma y'ijx'it kyëwent'atën ets tim yajjajtë jëtu'un jam ma ja nyitëjk'aawën ja kupixynyëty.

Nehemías 3:24

Jam tjëjpwa'këy yë Binuy, yë Henadad yë myaank, tpatso'ontäky jam ma Azarías tyëjkën ets tyajajty jampaat ma jam ja y'ok jyä'tyën.

Nehemías 2:15

Kootsnëm ënety koos jam jatëkok najxë'ky ma ja wokjotmën, koos n'ijxtaay jëtu'un ja kajpnapotsy, tääjës jatëkok nwinpijty ma ja tëjk'aawën mëti'ipë jamtsow nëjkxpën joyjyotm.

Nehemías 2:13

Jä'ä tsu'um ntso'onyës, jamës najxy matsow ja tëjk'aawën mëti'ipë nëjkxpën jam joyjyotm, ma ja nëëwooky yajtijyën Dragón etsës najxy ma ja nyitëjk'aawën pu'uxm ko'owtakn yajko'oyën, tääjës n'ijxtaay wa'ats wi'ixjaty ja naax kajpn ënety yajpaatyën, maajaty ënety potsy të jyity ets mëti'ipëjaty ënety ja tëjk'aaw të tyoy.