2 Crónicas 26:7 - Biblia Dc en Mixe de Quetzaltepec

⁷ Yë Wintsën yë'ë ojts pyutëkëty ets ka'ap tyajmëta'akëty yë filistejë ja'ayëty, Árabe ja'ayëty mëti'ipë jam tsënaaytyëpën Gur-baal ets Meunim ja'ayëty.

Biblia Mixe de Quetzaltepec

⁷ Yë Wintsën yë'ë ojts pyutëkëty ets ka'ap tyajmëta'akëty yë filistejë ja'ayëty, Árabe ja'ayëty mëti'ipë jam tsënaaytyëpën Gur-baal ets Meunim ja'ayëty.

2 Crónicas 26:7 ပူးပေါင်းရင်းမြစ်များ

2 Crónicas 21:16

Ënet ja Wintsën kë'ëm t'ëwatsy ets ja filistejë ja'ayëty ets ja Árabe ja'ayëty jampë tsyëënëtën Cus tukjoot'anpëktëty ja Joram;

1 Crónicas 5:20

ojts pyutëkëtë ja Dios, paaty ka'ap tyajmëtaktë ja Agar ja'ayëty ets ja mëti'ipë mëët të nyäpyëkëtën, yë'ëjëty ënätyë ja Dios ijty tmëkajpxtë jam tsipjotm ets pyutëkëtëty. Ojts pyutëkëtë jä'ä ko nän jam ja wyinma'any ets ja myëpëjkën tpëjktaktë.

Hechos 26:22

E tyampaatës ja Dios xypyutëkë, paatyës ja y'aaw y'ayuk ntuk'ëwaanë ja ja'ay mëj mutsk. Nijëna'ajës ja aaw ayuk wiinkëtypë të nkanikäjpxy, yi'iyës nnikäjpxyp wi'ix ja Dios ja kyäjpxynyajxpë ets ja Moisés y'ënantën ets tyunëtëty jyatëtëty,

Isaías 14:29

Këtii nëkoo mjotkujk'aty mijts filistejë kajpn, ko ja kepy të tyijy mëti'ipë myajtukwojpën; jä'ä ko tsa'any tu'uk pëtsëmaanp ma ja tsa'anytyaak y'ityën, tääpë tsa'any kääkë'ëkaanp yë'ë.

Salmos 18:29

Mëët mijts yë mputëjkën jyëkyäpëp nwinkuwa'akëtyës yë nmëtsip ets jotkujk naxëtyës ma ja potsyën mëti'ipë yë kyajpn nyapots'ajtypyën.

2 Crónicas 20:1

Tu'kxëëw tu'kjëmëjt ojts yë Moab ja'ayëty ets Amón ja'ayëty nyäpyëk nyämyatsëtë mëët yë Meunim ja'ayëty ets tukmujktë yë Josafat;

2 Crónicas 17:11

Ni'ikyënëm ja filistejë ja'ayëty tmëmiintë winë tä apëjk atu'unënyën, tä pu'ts pujxnën, poop pujxnën ets näynyamo'ojë. Näyjyëtu'un ja Árabe ja'ayëty ojts tmëmintë wëxtujk mil ja wëxtujk mëko'px yë kupixyny ets näjyëtu'un ja tsajppax.

2 Crónicas 14:11

Asá ojts ënätyë Wyintsën tmëkäjpxy mëti'ipë Tyios'ajtypyën ets t'ënëmaay: Mijts tu'knax ja'ay xypyutëkë oypyënëty, wä'än yë'ëjëty mëti'ipë ëmaay amutskën ets wä'än yë'ëjëty mëti'ipë amëk jotmëkën. Paaty yam mijts npëjktsoy etsës xypyutëkëtëty, ma mijts yë mxëëwën jamës mpëjkta'aktë ja njot nwinma'anyëty ets jëtu'un yam ya'atë nmëtsip ëëts nwinkuwa'akëja'antë. Mijts Wintsën, mëti'ipës nTios'ajtëpën, ka'ap mëpaat pën mjënaxyë.

1 Crónicas 12:18

Ënet ja Amasai, mëti'ipë nyiwintsën'ajtypyën ja nimajkpë ja ja'ayëty mëti'ipë nyiwintsën'ajtëpën ja tsiptuunpëja'aytyëjk, ojts mëk ja aaw ayuk tnajtsmatsë, ja Wintsën ja myëk'ajtën y'oyajtën ojts tyukja'tyë ets y'ënäny: Jotkujkajtën yam ntuknikejxyp mijts David, Jesé yë myaank. Ntuknikäjpxy ja jotkujk'ajtën ets xëmë yajpaatëty ma mijtsën. Xëmë yajpaatëty ja jotkujk'ajtën ma mijtsën ets ma ja mjëëky mëku'ukën mëti'ipë mëët mye'eyën mnaxyën, jä'ä ko mijts tii xytyuny oy, ja Dios xëmë mputëkëtëp. Ojts ja David tyuunkmo'ojëtë ma ja tsiptuunpë wintsënëtyën.

1 Crónicas 4:41

E jää ma yajkutujkyën ja Ezequías, Judá jyä'äy; jää ojts ya'atë ja'ay jam jya'të, mëti'ipë të yajnikajpxtën ets tyajkutëkootyääytyë winë, tääts yë'ë ojts tmëwë'ëmtë ja naax kam, jä'ä ko janty'oy t'ijxtë ja it naaxwiinyëtë, jyëkyejpy ja jëyujk jam tyänëtëty.

1 Crónicas 5:22

May ja mëtsip y'o'ktë jä'ä ko yë'ë Dios kë'ëm tim tsiptuun. Paatykyëjxm jam tsyënaaytyaknpëjktë mëti'ipë mëtaktën, koonëm ja wiink kajpn ojts ok myëmëta'ëkëtë.

2 Crónicas 14:10

Ënet ja Asá mëët ja jyä'äy tsyo'ontë tsiptuunpë, jam nyäpyëjktakëtë joyjotm ma txëëwatyën Sefata, winkon ma ja Maresá.

2 Crónicas 25:8

E mijts pën jëtu'un të xytyuknipëjktaakë ko yë'ë mëët tääpë ja'ay nëjkx ja tsip xywyinkuwa'akëja'any, kë'ëm oy xymyëmay xymyëtajëty jä'ä ko mijts ka'ap mëta'aka'any, yë Wintsën myëët'ajtyp yë mëk'ajtën ets xyajmëtakmëty ëkë xyatëko'oymyëty.