2 Crónicas 26:2 - Biblia Dc en Mixe de Quetzaltepec

² ko ojts tyëkë yajkutujkpë. Tëë ënety ja tyeety y'o'knë ko ojts t'koj'oyë ja naax kajpn mëti'ipë yajtijpën Elád ets jä'ä tukë'ëtëjkëy ja Judá ja'ayëty.

Biblia Mixe de Quetzaltepec

² ko ojts tyëkë yajkutujkpë. Tëë ënäty ja tyeety y'o'knë ko ojts t'koj'oyë ja naax kajpn mëti'ipë yajtijpën Elád ets jä'ä tukë'ëtëjkëy ja Judá ja'ayëty.

2 Crónicas 26:2 ပူးပေါင်းရင်းမြစ်များ

2 Crónicas 25:28

Tääts tmëtso'ontë ooky, kwaaykyijxy tkëxjëpijptë ets jam tyajnaaxtëjkëtyë ma ja y'ap y'okën, ma ja David ja kyajpnën.

2 Crónicas 25:23

Tääts ja Joás ojts tsuumnë ja Amasías jam Bet-semes, mëti'ipë ënety jam Judá yajkutujkpën ets ojts tyajnëjkxy jam Jerusalén, jam t'ajijtuty ja Jerusalén kajpn ja nyapots, jä'ä myëjwiinëty tu'kmëko'px xajpk; jam tsyo'ontä'äky ma ja Efraín ja tyëjk yajnitëkën ets jyä'ty ma ja mëjpotsy nyuxën.

2 Crónicas 8:17

Ënet ja Salomón tsyo'ony ets ojts nyijkxy jam Ezión-géber ets jam Elád, winkon ma ja mejypya'ajën mëti'ipë Edom nyitënääpyën.

2 Reyes 16:6

Ënet ja yajkutujkpë mëti'ipë jam Edom ënä'ämpën jatëkok tjä'äpëjky ja Elád ets Edom jatëkok tjä'ä'atëty; tä ja Edom ja'ayëty jam myiintë ets t'ëxwojptaaytyë ja Judá ja'ayëty jampë ënety tsyëënëtën ets ja Edom ja'ayëty jä'ä jam tsyënaaytyaknpëjktë Elád, tyampaat yë'ë jam tsënaaytyëp.

2 Reyes 14:22

yë'ë ojts tkoj'oyë jatëkok ja kajpn mëti'ipë yajtijpën Elád, mëti'ipë ja Judá jyä'ä'ajtypyën.

2 Crónicas 26:1

Ënet ja naax kajpn ojts tnikajpxpety ja Uzías ets yë'ë yajkutukëty, jä'ä ko ja tyeety Amasías tëë ënety y'o'knë. Uzías jä'ä ënety jyëmëjt majkmokx tu'uk,

2 Crónicas 26:3

Uzías jä'ä ënety jyëmëjt majkmokx tu'uk ko tyëkë yajkutujkpë ets jä'ä ojts jam Jerusalén yajkutuky wëxtyikxy majkmokx mäjtsk jëmëjt. Jecolías ja tyaak ijty xyëëwajtyp ets Jerusalén kyukajpnëty.