2 Crónicas 22:7 - Biblia Dc en Mixe de Quetzaltepec

⁷ Yë Wintsën tëë ënety tuknipëjktaakë ko tyaj'oka'any ja Ocozías ma jam tku'ixëja'anyën ja Joram. Tim je'eyë jam jyä'äjty, ënät mëët tsyo'ony yë Joram ets nëjkx nyäpyaata'anëtë mëët yë Jehú, Nimsi myaank. Yë Wintsën yë'ë ojts tuknipëky yë Jehú ets tyaj'o'kta'ajëty yë Ahab y'u'unk y'ëna'k, y'u'unk tyo'oxytyëjk.

Biblia Mixe de Quetzaltepec

⁷ Yë Wintsën tëë ënäty tuknipëjktaakë ko tyaj'oka'any ja Ocozías ma jam tku'ixëja'anyën ja Joram. Tim je'eyë jam jyä'äjty, ënät mëët tsyo'ony yë Joram ets nëjkx nyäpyaata'anëtë mëët yë Jehú, Nimsi myaank. Yë Wintsën yë'ë ojts tuknipëky yë Jehú ets tyaj'o'kta'ajëty yë Ahab y'u'unk y'ëna'k, y'u'unk tyo'oxytyëjk.

2 Crónicas 22:7 ပူးပေါင်းရင်းမြစ်များ

2 Crónicas 10:15

Jëtu'un'äämpy ja yajkutujkpë ka'ap ja naax kajpn tmëmëtooy, jä'ä ko Wintsënën ënety kë'ëm të tnipëjktaakë ets jëtu'un jyatëty kyëpätëty, jëtu'un'äämpy y'atëwëty ja Wintsën ja y'aaw y'ayuk mëti'ipë tyukwinwa'anëyën ja Jeroboam, Nabat yë myaank, mëët ja Ahías, jampë kyukajpnëtyën Siló.

2 Reyes 9:21

Ënet ja Joram ojts tuk'ëne'emy ja tyuunpëtëjk: Jamës yë npujxn wintëkäämpë xynyipëjktaakëtëty mëti'ipës nmëtsiptuunpyën. Ënet ojts ja pyujxnwintëkäämpë jyänty yajnipëjktaakë, tääts ja Joram, mëti'ipë jam yajkutujkpën Israel, mëët ja Ocozías tsyo'ony, aaktam yë pyujxn wintëkäämpëty ets nëjkx tjëjpkuwa'akëja'antë ja Jehú. Jam tpatë ma ja nyaaxjotmën ja Nabot, jampë kyukajpnëtyën Jezreel.

Malaquías 4:3

Jä'ä xëëw ma ënety tpaatyën mëti'ipës yam nipëjktakëpën, jëtu'unyë nëjkx xy'atään xytyuktääntë yë ëxëëkja'aytyëjkëty tä naaxwayën.

Oseas 14:9

Mëti'ipë ja'ay wijyën ets këpetyën wyinja'ap ya'atë aaw ayuk: Mëti'ipë yë Wintsën tyu'u'ajtypyën tëy yë'ë, yë wa'ats ja'aytyëjkëty yë'ë jëtu'unpë pyanëjkxtëp; e yë pokyjä'äytyëjkëty ko jää jyaye'eya'antë pojën y'anäpëtë.

Isaías 46:10

Tëëyëpës nikäjpxy mëti'ipë tunan jatanëpën, ojts nimëtyä'äkyës mëti'ipë ënety ka'ap jyätyënëm kyëpetynyëm; tëëjës n'ëna'any: Mëti'ipës të ntuknipëjktaakën kopkpëky ko tyuna'any jyata'anyë; ëjts ntuunta'ajäämpyës mëti'ipës nmääpy ntäjpyën.

Salmos 9:16

Yë Wintsën tëë kë'ëm nyänyikëxë'ëkyë ko të tuny ja nipaye'eyën. Ja ëxëëk ja'ay tsumy matsy të wyi'imy ma ja majtstaknën mëti'ipë kë'ëm të tyaj'oyën.

1 Reyes 22:20

Ënet ja Wintsën të tyajtëy pën nyinëjkxëp ja Ahab ets nëkoo je'eyë t'ëxëëkwinkajpxëty ets t'ënëëmëty ko mëët tsyiptunëty yë Ramot jampë Galaad y'itjotmën ets jam y'ookëty. Tëkatsyjyäty nixim niyam jyänty y'ëna'antë.

1 Reyes 19:16

e yë Jehú, yë y'o'k u'unk yë Nimsi ets yë'ë jam y'ënä'ämëty Israel; e yë Elisejë yë myaank, yë myaank yë Safat, jampë kyukajpnëtyën Abel-meholá, yë'ë kënu'kx ets yë'ë xymyëtunëtyës tä mijts tyam xymyëtunyënës.

1 Reyes 12:15

Ja yajkutujkpë ka'ap ojts timmyëj'ixy ja naax kajpn, jä'ä ko ja Wintsën ënety jëtu'un të tuknipëjktaakë ets y'atëwëty ja aaw ayuk mëti'ipë ja Wintsën të tukwinmëtoyën ja Jeroboam, yë myaank yë Nabat, ko myëëtmëtyakë ja Ahías, jampë tsyoonyën Siló.

Jueces 14:4

Ja tyeety tyaakëty ka'ap ënety tnijawëtë pën Tiostëm ënety jëtu'un të tuknipëjktaakë ets ja Sansón jëtu'un myäyëty tsyajëty ets ja winma'any jëtu'un tpaatëty, t'ixta'ay wi'ix ja filistejë ja'ay t'ëknipëtë'ëkëtyën mëti'ipë ënä'ämtëpën ma Israel ja'ayëtyën.

Deuteronomio 32:35

Jääjës yë ntuknipëjktaakë nyajpëtsëma'any, koos ënety ntuunwinpity, mëët wi'ixës ja y'ëxëëkjot y'ëxëëk winma'any të xytyuk'ixtën, ets ko ënety o'ktëy jyajnëtë kyëpäjnëtë. E timwinkoonp ma ënät kyutëkooytya'atëtyën, tyimpatyp ja xëëw po'o.

2 Reyes 9:27

Ko ja Ocozías jëtu'un t'ijxy, mëti'ipë jam yajkutujkpën Judá, tä näjyëtu'un kyeky jamtsow Bet-hagan. E ja Jehú ënätyë pyatso'onë ets ni'ënä'ämëy: Yaj'ooktë näjyëtu'un tääpë. Tääts tyaj'o'ktë jap pyujxnwintëkäämpëjoty jam ma Gur kopkën, winkon ma näjyëtu'un txëëwatyën ja itjot Ibleam, Ojts jyajaakke'eky jampaat ma txëëwatyën Meguido. Jam ojts y'o'knë.

2 Crónicas 22:6

tä ënätyë wyimpijty ets ojts nyijkxy jam Jezreel, jam tyajtsooypyäta'any ja tsyëtyut, jä'ä ko tëë ënety tsyëtyuty jam tsipjotm ma mëët të tsyiptunyën yë Hazael, Sirië yajkutujkpë. E jä'ä ko ja Joram pëjkëp ënety, paatykyëjxm ja Ocozías ojts nyinëjkxyë jam Jezreel ets kyu'ixëja'anyë.

Josue 11:20

Wintsën ojts kë'ëm tuknipëjktaakë ets tääpë ja'ayëty kujuun nyäpyëjkta'akëtëty ets tmëmayëtëty ja Israel kajpn, tääts yë'ë yajkutëkooyëtë ets yajkëjxtaayëtë. Nimaa ja pa'ëyo'owën tkamëët'ajtë mëët yë'ëjëty, jëtu'un tä ja Wintsën ënety të tuk'ëne'emyën ja Moisés.

1 Reyes 12:24

ko ëjts yam jëtu'un ni'ënä'ämëp ko këtii yë myëku'uk nëkoo mëët tsyiptuntëty, yë Israel ja'ayëty. Nikë wä'än timwyimpijta'atë ma tyëjkëtyën jä'ä ko jëtu'unës të ntuknipëjktaakë. Ko jëtu'un tmëtoowtë, ënätyë ojts jyänty wyimpijta'atë, jëtu'un tä ja Wintsën ënety të tni'ënä'ämën.

2 Reyes 10:11

E yë Jehú yë'ë ojts tjaakyaj'o'kta'ay ja Ahab ja jyiiky myëku'uk, ja tyuunpëtëjk mëti'ipë mëët oy ojts nyämyäyën ets ja mëti'ipë yajteety'ajtën jam Jezreel. Ni pën ojts tkayajwë'ëmy juuky.

Proverbios 16:9

Yë naaxwiinyëtë ja'ay yë'ë jëtu'un patëp winë tuknipëjktaakëty, e ma winë tyu'uwitsanën, yë Dios jää patënëp.