2 Crónicas 2:6 - Biblia Dc en Mixe de Quetzaltepec

⁶ Je'eyëp ko tyaajës jatëkok nmay ntajy, ¿pën jëtääjën ëkmayëtëp tnikojëty yë Wintsën, tyam ni yë'ë tsajp kyamëtä'äky ets jam y'itëty? ¿Ets ëjts ënät tiijës jëtää xy'ëkmayëp, koos ënät nëkoo njamay njatajy jeexyë ja tyëjk nkojë ets yi'iyë jap ja poom jok yajyakëty ets yë'ë yajtukwino'ok yajtukwinxamëty?

Biblia Mixe de Quetzaltepec

⁶ Je'eyëp ko tyaajës jatëkok nmay ntajy, ¿pën jëtääjën ëkmayëtëp tnikojëty yë Wintsën, tyam ni yë'ë tsajp kyamëtä'äky ets jam y'itëty? ¿Ets ëjts ënät tiijës jëtää xy'ëkmayëp, koos ënät nëkoo njamay njatajy jeexyë ja tyëjk nkojë ets yi'iyë jap ja poom jok yajyakëty ets yë'ë yajtukwino'ok yajtukwinxamëty?

2 Crónicas 2:6 ပူးပေါင်းရင်းမြစ်များ

Isaías 66:1

Jëtu'un yë Wintsën y'ënä'äny: Ëjts jamës nkutujktakn tsajpjotm, e naaxkëjxy ntekyës jää nyaj'ijtyp. ¿Maas yë njëën ntëjk xynyakojtëty? ¿Maas xynyayajpo'kxa'antë?

2 Crónicas 6:18

E kë'ëmtsës yam näyyajtëyë, ko yë Wintsën ¿wä'än jëtää tjëkyepy y'ijtmukëty mëët yë naaxwiinyëtë ja'ayë? Yajnija'ap ko tsajp ets poj yoots ka'ap myëtä'äky mëët yë'ë, e tyam ¿wä'än jëtääjën ënät jap m'ëk'itaanpëtyë ma tu'uk ja tëjkën mëti'ipë mijts të mjayajtuknikojënë?

1 Reyes 8:27

Je'eyëp ko ¿Wä'än jëtää tyiyëty ko yë Wintsën jyëkyejpy jyuuky'atëty naaxwiiny naaxkëjxyë? Ix yë tsajp, ix jënu'un myëjëty ets ka'ap myäyë nyikojta'ajëtëty. E ya'atë tsajptëjk mëti'ipës yam të nkojyën tim yi'inëm yë'ë.

2 Crónicas 1:10

E tyam, mijts yam n'amëtoopy npëjktsoopy xymyo'ojëtyës ja wijyajtën kujk'ajtën ets ja nija'awën wi'ix ntu'uwinye'eyëtyës ya'atë naax kajpn; ¿jä'ä ko, pën jëtää kë'ëmwinma'any ëkmayëtëp wi'ix ya'atë mëj kajpn tu'uwinye'eyëty?

1 Crónicas 29:14

jää ko ëjts ets nnaax nkajpnës nitiijës nkakëjxm'atë ets mijts tii nmo'o nkäxtëty mëjwiin këjää. Aakmijts winë mjä'ä'ajtääpy, mëti'ipës yam wäänë nyajktëpën yë'ë mëti'ipës mijts të xymyo'otën.

2 Samuel 7:18

Ënet ja yajkutujkpë David tyëjkëy jap tëkoty ets myëtya'aka'any mëët ja Wintsën ets t'ënëmaay: Wintsën, ¿jënu'unëmës jëtää ëjts tii n'ëktimtsyowëty ets näjyëtu'un ja n'u'unk n'ëna'kës, etsës mijts Yaapaat të xyajja'ty?

Éxodo 3:11

Ënet ja Moisés t'ënëmaay ja Dios: ¿E pënës ëjtspë etsës nëjkx n'ëkwinkuwa'akë yë yajkutujkpë etsës ënät ja Israel ja'ayëty njuutëty jap Egiptë?

Efesios 3:8

Oyës ëjts ni'ik naxym nyajpaaty ma ja Dios ja nyaax kyajpnën wa'atspë; e tëëjës xytyuknipëky etsës nkajpxwa'kxëty ja aaw ayuk mëti'ipë ka'ap tjëkyepyën wi'ix nkajpxtë'kxmëty, etsës n'ëwaanëtëty ja ja'ay mëti'ipë ka'ap jyutiis'atën wi'ix ja Kristë myëjëtyën.

2 Corintios 2:16

Pën ja Kristë ja y'aaw y'ayuk kyamëjpëjktakëtëp, jëtu'un tjawëtë ya'atë pa'akxu'kpë ijxtëm yë tok xyuukyën; e mëti'ipë ja Kristë ja y'aaw y'ayuk myëjpëjktaktëpën, jëtu'un tjawëtë ijxtëm ja pa'akxu'kpë nëëjën ma jyuuky'ajtënëtyën. ¿Pën mëta'akëp ets tunëty ya'atë Dios ja jyä'ä?

Deuteronomio 12:26

E pën tëë xytyuknipëjktaakëtë ets m'ayajk m'ako'onën xyaka'antë, ëkë tëë tii yë Wintsën xytyukwinwanëtë, jam nëjkx xyaktë ma ënety ja it naaxwiinyëtë të twin'ixyën.

Deuteronomio 12:14

Ko tii yë Wintsën xytyukwintsë'ëkëja'antëty, jam xymyo'otëty ma ënety yë'ë kë'ëm të twin'ixyën. Jam nëjkx xytyuntë tëkokyë ya'atë mëti'ipë yam të ntuk'ëwaanëtën.

Deuteronomio 12:11

Ja it naaxwiinyëtën mëti'ipë ënety ja Wintsën të twin'ixyën ets jam yajpaata'any, nëjkxëp ja wyintsë'kën xymyo'otë mëti'ipës yam të nikäjpxyën. Nëjkxëp xytyukwintsë'ëkëtë ja jëyujk mëti'ipë myaj'ooktëpën ets xynyino'oktëty. Nëjkxëp näjyëtu'un xymyo'otë yë ayajk ako'onën ets tu'kpëkpyë yajëpëkyën ma ja majk pëkpyën ets ayajk ako'onën mëti'ipë të xytyukwinwanëtën ets xymyo'oja'antë.

Jeremias 23:24

¿Pën ëkmayëtëp nyäyu'utsëtëty maajës winë n'ixyën? Ëjts tamës nyajpaaty tsajpkëjxm ets naaxwiiny. Ëjts Wintsën, ëjts ënaanp.

Éxodo 31:5

Wi'ix yë tsaa oy tmo'ojëtyën yë ijxën ets wi'ix yajxon y'atë'kx y'ajajëtyën, wi'ix näjyëtu'un yë kepy oy yë y'ijxën tmo'ojëtyën, oy tyimtiituunkëty aak'oy yaj'ixy tyaj'oyë.

1 Reyes 7:13

Yë yajkutujkpë Salomón ojts yë Hiram jam tyajtsoony Tirë,

1 Reyes 7:14

yë Hiram, yë'ë myaank tu'uk yë ku'ookytyo'oxy, Neftalí jyä'äy, mëët ojts tsyëënë tu'uk ja'ay jampë kyukajpnëtyën Tirë, tyukjajtyp ijty yajxon wi'ix yë tsuxkpujxn tuunk'atëtyën. Hiram janty wijy ijty ets nyija'ap oy ja tyuunk ma ja tsuxkpujxn tuunk'atyën; ënät jam nyäwya'këxë'kë ma ja yajkutujkpën Salomón ets ojts t'oytyuunë winë mëti'ipë ja Salomón tsyojkpyën.

1 Crónicas 22:15

Mijts tam xymyëëtëty mayjyä'äy mëti'ipë nëjkx pyotstën, tsyaawoptën, kyepyjyëëtën ets mëti'ipë kanaakjëjp ja tuunk yajtu'uye'eytyëpën ma pu'ts pujxn, poop pujxn, tsaptspujxn, tsuxkpujxn yajtuunk'atyën. E paaty ënät mijts, tuuntëkë ets Wintsën yë'ë mputëkëtëp.