2 Crónicas 2:4 - Biblia Dc en Mixe de Quetzaltepec

⁴ E ëjts, yë'ëtsës njaniwinma'ayëp nkoja'anyës tu'uk ja tsajptëjk, ma ëëts yë nWintsën y'itëtyën mëti'ipës nTios'ajtëpën ets yë'ë yajtuknikënu'kxëty, japts yajmo'ojëty ja aay ujts mëti'ipë pa'akxu'kpën mëti'ipë yajyajkpën no'oky xämy, ja tsajpkääky mëti'ipë yajkëxma'kxpën kaaypyäjnkëjxy, ets yajtukwintsë'ëkëty yë jëyujk ooky nino'oky nixämpyë jopy tsuu, ma po'kxënxëëwën ets ma po'o y'aanë'ëkyën ets maajaty ja xëëw tpaatyën mëti'ipë yë Israel ja'ayëty nyixëëwtuuntëpën.

Biblia Mixe de Quetzaltepec

⁴ E ëjts, yë'ëtsës njaniwinma'ayëp nkoja'anyës tu'uk ja tsajptëjk, ma ëëts yë nWintsën y'itëtyën mëti'ipës nTios'ajtëpën ets yë'ë yajtuknikënu'kxëty, japts yajmo'ojëty ja aay ujts mëti'ipë pa'akxu'kpën mëti'ipë yajyajkpën no'oky xämy, ja tsajpkääky mëti'ipë yajkëxma'kxpën kaaypyäjnkëjxy, ets yajtukwintsë'ëkëty yë jëyujk ooky nino'oky nixämpyë jopy tsuu, ma po'kxënxëëwën ets ma po'o y'aanë'ëkyën ets maajaty ja xëëw tpaatyën mëti'ipë yë Israel ja'ayëty nyixëëwtuuntëpën.

2 Crónicas 2:4 ပူးပေါင်းရင်းမြစ်များ

Éxodo 30:7

Xëmë winjopy yë Aarón tpëjkta'akëty yë poom ets yë'ë jap pa'akxuukëp, jää xëëw tpëjkta'akëty ma ja kutë'kxn tyaj'oyëtën.

Éxodo 25:30

Xëmë jam xypyëjkta'akëty ma kaaypyäjnën yë tsajpkääky ëjts nwintuuyës, mëti'ipës të nyajtuknipëjktaakën.

2 Crónicas 2:1

Salomón ojts tuknipëjktaakë ets tkoja'any tu'uk ja tsajptëjk mëti'ipë ja Wintsën tyëjk'atëpën ets ojts tuknipëjktaakë tkoja'any ja kyutujkëntëjk.

1 Reyes 8:63

Salomón jä'ä Wintsën tukwintsë'këy i'px mäjtsk mil ja tsajpkaa ets mëko'px ja i'px mil ja kupixyny, tyaktë jëtu'un ja wintsë'kën mëët ko yajtuny ja nay'ëëw'oy näykyajpx'oyë. Tääts ja yajkutujkpë ets ja Israel ja'ayëty tkënu'kxtaaytyë ja tsajptëjk mëti'ipë ënety të kyoj'apaatën.

1 Reyes 8:18

Je'eyëp ko yë Wintsën jëtu'un t'ënëmaay: Ka'ap tääpë wyi'ixëty ko mja'ëna'any tu'uk yë ntsajptëjkës xykyojanë,

1 Reyes 5:5

Paatyës tu'uk ntuknipëjktaakë nkoja'any yë tsajptëjk ma yajpaatëtyën yë Wintsën, mëti'ipës n'ëwtajtypyën, jëtu'un yajniwa'akëty ko ja Wintsën kë'ëm t'ënëmaay ja nteetyës David ko yë myaank mëti'ipë ënety kutëjkëyëpën ënä'ämpë yë'ë nëjkx tkojy tu'uk ja tsajptëjk, ma yajmëjjawëtyën ja Wintsën.

2 Crónicas 13:11

Yë'ëjëty jop tsuu yë Wintsën wyintsë'kën tmo'otë mëti'ipë nino'oky yajyajkpën ets poom. Xëmë tyaktë tsajpkääky winjëpom mëti'ipë kënu'kxyën, jam tkëxpëktë ma kaaypyäjnën ëmaaypyë; yë'ë yajmëjjëtyëp xëmë jënäkyxyëëw yë kutë'kxn mëti'ipë oytyunyën mëët yë pu'ts pujxn. Jä'ä ko ëëtsëty je'eyëmës npatuntë ja Wintsën ja y'ënä'ämën kyutujkën e miitsëty ni'ikyë të xy'ëxmajtsnëtë.

Nehemías 10:33

ets yajtukjuyëty yë tsajpkääky xëmëpë yajyäkyën mëti'ipë yajmo'ojëpën yë nTeety'ajt nKoonk, ja aaypyajk ujtspajk, ja wintsë'kën ja nino'okpyë ets ja wintsë'kën mëti'ipë yajyajkpën ko jyää'aty po'kxënxëëw, ma po'o pyi'k'atyën ets ja wiinkëtypë ja xëëw; ets tëkokyë mëti'ipë yajyajkpën, ja wintsë'kën ma ja pokyma'kxën yaj'amëtoyën ets yajnimä'kxtëty ja Israel ja'ayëty ets näjyëtu'un ma ja nätyu'ukmukë y'ityën jap ma ja Wintsën ja tsyajptëjkën.

1 Crónicas 22:5

David tyaa ënety myäy tyäjy: Yë nmaankës Salomón mutsknëm oy, e ja tsajptëjk mëti'ipë yajkojaanpën, mëj mëpaat yajkojy, jëtu'un oy kyëxë'ëkëty ets y'itëty mëj'äämpy ets akäjpxy y'itëty oymyaajëty. Paaty ja David jëjp'ixy winë tyajwë'ëmtaay ma ënety ka'ap y'ookynyëmën.

Salmos 86:8

Ka'ap ma wiinkpë tios jëtu'unpë tä mijtsën, Wintsën. Ka'ap ma wiinkpë mëti'ipë jëtu'un winë tyuunpyën tä mijtsën.

Salmos 96:4

Yë Wintsën mëj yë'ë ets patëp yajmëjpëjkta'akëty. Ni'ik yë kyutsë'ëkëty këtiinëm wiinkëtypë tios.

Proverbios 7:20

Tu'k xuumy ja meeny të tmënëjkxy, ka'ap tsojk wyimpita'any, jäänëm wyimpitëty ko ënety ja po'o pyi'k'aty.