2 Crónicas 2:16 - Biblia Dc en Mixe de Quetzaltepec

¹⁶ Ëëtsëty tyam ja kepy mpuxtëtyës jam Líbano jënu'un xytyimyajmëyätyën ets nëëjoty ëëts nyajnëjkxa'antë kepykyijxy, jya'tëty jam Jope. Jamts xy'ëxajëty ets mijts mnija'ap wi'ix jam xyjyaak yajja'ty Jerusalén.

Biblia Mixe de Quetzaltepec

¹⁶ Ëëtsëty tyam ja kepy mpuxtëtyës jam Líbano jënu'un xytyimyajmëyätyën ets nëëjoty ëëts nyajnëjkxa'antë kepykyijxy, jya'tëty jam Jope. Jamts xy'ëxajëty ets mijts mnija'ap wi'ix jam xyjyaak yajja'ty Jerusalén.

2 Crónicas 2:16 ပူးပေါင်းရင်းမြစ်များ

Josue 19:46

Mejarcón ets ja Racón mëët ja it naaxwiinyëtë mëti'ipë mëët nyäwyinku'ixëtyën ja Jope.

Hechos 10:32

Käx yë mkukäjpxy ets nyëjkxëty jam Jope. Wä'än nëjkx twoy ja Simón, mëti'ipë yajtijpën Pedro. Tam jya'ajtä'äky ma ja yajpo'otëtspë ja tyëjkën, mëti'ipë näjyëtu'un xyëëwajtypyën Simón. Mejypyë'aay tsyëënë.

Hechos 9:36

Jam ma ja Jope kajpnën, jam ijty tu'uk ja to'oxytyëjk mëpëjkpë tsyëënë, Tabita''ajtp. Dorcas yajtijy griego ayuk. Ya'atë to'oxytyëjk xëmë ijty tuny mëti'ipë oy ets pyutëjkëp ja ëyoopëja'ay.

Juan 1:3

Yë'ë mëët ja Dios ojts tyajkojta'ay winë; ka'ap ojts tii kyojy pën ka'ap ënety yë'ë jam.

Esdras 3:7

Tääts tkë'ëmooytyääytyë ja wit meeny ja pojtspë ets ja tsäjtspë ets tmooytyääytyë ja kyä'äyënëty y'ukënëty ja ja'ayëty mëti'ipë jam kukajpnajtëpën Tirë ets Sidón ets nëjkx jam Líbano ja kepy tyajtsoontë, mejyjoty tmëmintëty ets tmëja'tëty jam Jope, aakyë'ë ajë kepy, mëët ja mëk'ajtën mëti'ipë ënety ja yajkutujkpë të myo'ojëtën, jampë y'ëne'emyën Persië, mëti'ipë txëëwajtpën Ciro.

Hechos 9:38

Winkon ja Lida kajpn ënety wyi'im. Ko ja mëpëjkpëtëjk tnija'awëtyë ko ja Pedro jam Lida, ënät nimäjtsk ja kukäjpxy tkäjxtë ets ja Pedro tuk'ëwa'anëtyë ets myinëty jotëkoy ma ja Dorcas të y'ookyën.

Hechos 9:42

Ni'ëmukë tnija'awëtyë ja ja'ay mëti'ipë tsënaaytyëpën jam Jope. Jëtu'un ja Wintsën nimay tmëpëjktë.

Hechos 9:43

Kanaak xëëw ja Pedro jam pyoxy ma ja Simón yajpo'otëtspë tyëjkën.

Jonás 1:3

E yë Jonás, kyäjpxykyumëtoownajx yë Wintsën ets ni'ikyë tkukeky, jam ojts nyijkxy Jope ma kepy nëëwinye'epyë tsyoontën jya'tën. Tam ënety tu'uk yë kepy nëëwinye'epyë tyimtsona'any mëti'ipë nëjkxpën Tarsis ko jam jyä'äjty, jä'ä tyuktëjkëy, jëyëjp t'ajuuytyujky ja y'ënyääytyakn ets ojts nyijkxy jam Tarsis.

Josue 9:27

Yë'ë ojts tuknipëky ets tuunk'atëty yë nija'axk, nëëkoonk nëëwijtsk ets tyuntëty maa ja naax kajpnën ets ma ja wintsë'këntyaknën jam ma ënety ja Wintsën të twin'ixyën. Tyampaat yë Gabaón ja'ayëty yë'ë jëtu'unpë tyuunk'ajtëp.

1 Crónicas 22:2

Ënet ja David tyajtu'ukmujktaay ja jaaypyaat jaaypyo'kxy ets ojts tuk'ëne'emy tsyaawoptëty, mëti'ipë tunëpën ma ja Dios ja tsyajptëjk kyojja'anyën.

2 Crónicas 8:7

E ja Hit ja'ayëty, Amor ja'ayëty, Heve ja'ayëty, Ferez ja'ayëty ets Jebús ja'ayëty, mëti'ipë të wyë'ëmtën ka'apë y'Israel ja'ay'atën,

2 Crónicas 8:8

ja y'u'unk y'okëty mëti'ipë ojts jyaakwë'ëmtën, ja y'aptëjk ojts y'o'ktaaynyëtën, Salomón ojts ja mëkëtypë ja tuunk tmo'oy ets tyampaat je'eyëm myëtuntë ets mëkëty ja tuunk mëti'ipë tyuunk'ajtëpën.

2 Crónicas 30:25

Ja mayjyä'äy akujk jotkujk nyäjya'awëtë ets näjyëtu'un ja teetytyëjkëty, Leví ja'ayëty ets nitëkokyë ja Israel ja'ayëty mëti'ipë ënety të myintën, wä'än jaaypyaat jaaypyo'kxyëty ets wä'än tkukajpnëty.