2 Crónicas 19:3 - Biblia Dc en Mixe de Quetzaltepec

³ Je'eyëp ko mijts tëë näjyëtu'un winë oy xytyuny, ko ojts xyajjëwa'kta'ay yë Aserá y'awinax mëti'ipë jää kajpnjoty may të yajpaatyën ets ja Wintsën jä'ä të xyajmëjnaxy.

Biblia Mixe de Quetzaltepec

³ Je'eyëp ko mijts tëë näjyëtu'un winë oy xytyuny, ko ojts xyajjëwa'kta'ay yë Aserá y'awinax mëti'ipë jää kajpnjoty may të yajpaatyën ets ja Wintsën jä'ä të xyajmëjnaxy.

2 Crónicas 19:3 ပူးပေါင်းရင်းမြစ်များ

2 Crónicas 12:12

Jëtu'un ja Wintsën ojts pyokymyä'kxëtë, mëët ko jyotwinpijtë ëmuumtu'ukjot ets ka'ap yajkutëkooyëtë. Oy ënety mëk të jyatëkoytyë ja Israel ja'ayëty, ojts oypyë ja winma'any tjaakmëët'atë jam Judá.

Esdras 7:10

Yë Esdras tëë ënety jyot wyinma'any tu'ukyë tpëjktä'äky ko t'ixpëka'any ets tpatuna'any ja Wintsën ja y'ënä'ämën tyiyajtën ets tukni''ixëja'any ja Israel ja'ayëty wi'ix ja Wintsën ja kyutujkën ets y'ënä'ämën tyajminyën.

1 Reyes 14:13

Tääts tëkokyë ja Israel ja'ayëty tyëkëtëty jëëpyë yaxpë mëët yë'ë ets xyajnaaxtëkëtëty; jä'ä ko yi'iyë ënety tu'uk oy naaxtëjkëp ma ja Jeroboam ja jyiiky myëku'ukën, y'u'unk y'ëna'kën. Jä'ä ko ma tëkokyë yë jyiiky myëku'ukën yi'iyë tu'uk ja Wintsën oyjyawëjanëyëp.

2 Crónicas 30:19

pokymyä'kx ya'atë ja'ayëty, oy jëtu'un tkapaatë ja näypyuj näjyä'ätsë tä ja ënä'ämën tëyajtën jyaminyën, japë tsajptëkoty y'ityën.

2 Crónicas 12:14

Ka'ap ojts oy winë tuny, jä'ä ko ka'ap ja Wintsën ojts ëmuumtu'ukjot ja pyutëjkën t'ijxtaayë.

Romanos 7:18

Nija'apës koos, maas të ntukmin të ntukja'tën ja ëxëëkpë, ka'ap ja oypyë yajpaaty; paaty ja ëxëëkpë yë'ë ntunyës oy ja oypyë njatuna'anyës.

Salmos 57:7

Yë njot nwinma'anyës a'ijxp jëjp'ijxp y'ity ma mijtsën Dios, mëti'ipës nTios'ajtypyën; yë njot nwinma'anyës a'ijxp jëjp'ijxp tyimyajpaaty ets t'ëwa'any tya'axa'any yë m'ëy myä'äxy.

1 Samuel 7:3

Paatykyëjxm ja Samuel t'ënëmaay tëkokyë ja naax kajpn: Pën miitsëty winë aaw winëjot yë Wintsën mnätyukë'ëtëkëtë ets pën mju'taaytyëp ja wiink tios ma mjëën mtëjkëtyën tä yë Astarté mëti'ipë wiink ja'ayëty y'ëwtajtëpën. Ets ja jyuukyajtën yë'ë Wintsën tmo'otëty ets yë'ë y'ëwtatëp. Yë Wintsën nëjkxëp myajtso'okëtë ma filistejë ja'ayëty tyam ëxëëk mtunëtën, pën mkumaaytyëp yë Wintsën ets pën mëjpëjktaktëp.

2 Crónicas 20:3

Josafat ojts tsë'ëkë tyuktëkëty ets tuk'ëwa'anëy ënätyë ja Wintsën, tääts tni'ënä'ämëy ets nitëkokyë ja'ayëty jam ayuu y'itëty,

2 Crónicas 20:33

Je'eyëp tëy ko ka'ap jyëwa'ktaay ja tsajptëjk ma ijty ja ja'ayëty t'ëwtatën winë mëti'ipë ka'ap ja Wintsën oy t'ixyën. Ja ja'ayëty ja y'aaw jyotëty ka'ap winë aaw winëjot tkë'ëyajktë ma ja Wintsënën mëti'ipë y'aptëjk y'ëwtajtën.

2 Crónicas 11:16

Ja ja'ayëty mëti'ipë ja Wintsën y'ijxtaaytyëpën, mëti'ipë y'ëwtajtëpën ja Israel ja Wyintsën, ojts tpanëkxtë ja Leví ja'ayëty ets ja teetytyëjkëty ets jam tyajktë ja wintsë'kën ma Wintsënën, mëti'ipë ja y'aptëjk y'ëwtajtën.

2 Crónicas 15:12

Ets ëmuumtu'ukjot tukkajpxpäjtë ja Wintsën ja xyëëw ets y'ënantë ko yë'ë xëmë tmëkajpxa'antë winë aaw winëjot, ja Wintsën mëti'ipë ja tyeety y'apëty y'ëwtajtën.

2 Crónicas 15:15

Tëkokyë ja Judá ja'ayëty akujk jotkujk nyäjya'awëyëtë mëët ya'atë ja aaw ayuk mëti'ipë ja Wintsën ojts tukwinwanëtën winë aaw winëjot, mëët ja tsojkën ja'awën ënety ja Wintsën të t'ixta'atë ets Wintsën tëë ënety jam yajpaaty mëët yë'ëjëty. Ojts tyaj'akujk'aty tyajjotkujk'aty ma mëët y'itën oy ja naax kajpn mëti'ipë mëët nyäwyinkon'atëtën.

2 Crónicas 22:9

Ënet ni'ënä'ämëy ets nëjkx tyajtsoontë ja Ocozías jam Samaria ma ënety jam të nyäyu'utsyën, jam tmajtstë ets tuknimiintë ja Jehú, tääts tyaj'o'ktë. Je'eyëp ko tyajnaaxtëjkëtyë jyä'ämyäjtstë ko jä'ä Josafat ja myaank, mëti'ipë ënety oy ja Wintsën të tmëtunyën. Jëtu'un'äämpy ojts ka'ap nitu'uk Ocozías jyä'äy wyi'imy mëti'ipë jeexyë jatëkok nyiwä'kpyën ja kutujktakn.

2 Crónicas 27:6

Mëj'äämpy yë Jotam nyäjxy oymyaajëty, jä'ä ko ojts ja Wintsën oy tmëmëtoy.