2 Crónicas 18:2 - Biblia Dc en Mixe de Quetzaltepec

² Tëkok ojts nyijkxy yë Josafat jam Samaria ets tku'ixëja'any ja Ahab, Ahab ënätyë tu'uk xëëw tnipëjktakëy ets twintsë'ëkëja'any ja Josafat mëët ja mëti'ipë mëët myinyën, may ja tsajppax ja kupixyny ets tsajpkaa tyaj'o'ky ets tukmëmëtyäky ko tnitëkëja'antë ja Ramot kajpn ets Galaad kajpn.

Biblia Mixe de Quetzaltepec

² Tëkok ojts nyijkxy yë Josafat jam Samaria ets tku'ixëja'any ja Ahab, Ahab ënätyë tu'uk xëëw tnipëjktakëy ets twintsë'ëkëja'any ja Josafat mëët ja mëti'ipë mëët myinyën, may ja tsajppax ja kupixyny ets tsajpkaa tyaj'o'ky ets tukmëmëtyäky ko tnitëkëja'antë ja Ramot kajpn ets Galaad kajpn.

2 Crónicas 18:2 ပူးပေါင်းရင်းမြစ်များ

2 Crónicas 19:2

E yë Jehú, Hananí myaank, jam jyëjpaatë'kë tu'u'am ets yajtëëwë: ¿Wi'ix ko të xypyutëkë ja'ay mëti'ipë ëxëëk ja'ay'ajtpën ets mijts të mnäypyëjktä'äkyë tä jeexyë Wintsën xymyëtsip'atyën? Mëët ko jëtu'un të m'ëtë'ëtsy tëë Wintsën mtukjoot'anpëkyë.

2 Reyes 9:1

Ja käjpxynyajxpë Elisejë, ojts tmëkäjpxy tu'uk ja myëku'uk mëti'ipë jam yajpatëpën ma të ye'eymyuktën ets t'ënëmaay: Näjyëjp'ixët ets mtsoonëty. Tyaa ya'atë on kon ets mnëjkxëty jam Galaad ma Ramot y'itjotmën;

1 Reyes 1:9

Jä'ä xëëw yë Adonías ojts tu'uk yë ka'ayën ukën tnipëjktaakë jam winkon ma ja tsaatun txëëwatyën Zohelet, winkon ma ja nëëwookyën Roguel. Ojts tyaj'ooky yë tsajppax, tsajpkaayä'äy ets tsajpkaa ëna'k ni'kxëtypë, tääts twoowtaay kääpyë ja jyiiky myëku'uk ets tëkokyë ja myëkä'äxtëjk, ja y'ëna'k ja yajkutujkpë ets tu'kë'ëyë ja Judá ja'ayëty mëti'ipë mëët tyuunmuktën ja yajkutujkpë;

Nehemías 13:6

Ko jëtu'un tyuunë jyajtë ëjts ka'apës ënety jam Jerusalén, jä'ä ko jamës ënety të nëjkx ma ja yajkutujkpë Artajerjes yajpaatyën, ma y'ipxmajk jëmëjtpetyën ma yë'ë yajkutukyën jam Babilonyë; okës ojts jatëkok n'ënëëmë ja yajkutujkpë, etsës xy'ëwatsëtyës ja ntu'u,

1 Reyes 17:7

Je'eyëp ko ja nëë ojts näjyëtu'un tyëtsnë, jä'ä ko ka'ap tsojk y'ëktuunë.

1 Reyes 4:13

Ben-guéber, jam ojts t'atänë Ramot mëti'ipë Galaad nyitënääpyën, yë'ë ojts timy'awintumjaty ja kajpn mutskjatyëtypë jam Galaad y'itjotm, mëti'ipë nyiwantëpën ja Jair ja'ayëty jampë tsyëënën ma ja Manasés ja y'itjotmën ets nän jëtu'un ma ja itjot yajtijyën Argob, jampë yajpaatyën Basán, ma ënety nitëkë'px ja mëj kajpnën napotsypë ets ku'ëtuky ta'tspëky mëët yë pujxn;

Josue 20:8

Ets näjyëtu'un jamtsow nëë'awinaxy ma ja Jordán mëjnëë jyënäkyën, ma ja nijoyën jampë wyi'imyën të'ëts'itjotm, a'oytsyow wyi'imy ma ja Jericó kajpnën. Yë'ë ojts twin'ixtë Béser mëti'ipë nyitënääpyën ja Rubén ja jyä'äy; e jam ma ja Galaad itjotmën yë'ë ojts twin'ixtë ja Ramot mëti'ipë ja Gad ja jyä'äy nyitënaaytyëpën, e ma ja Basán itjotmën yë'ë ojts twin'ixtë ja Golán mëti'ipë nyitënaaytyëpën ja Manasés ja jyä'äy.

Deuteronomio 4:43

E ya'atë ojts kyajpn'atë, mëti'ipë ojts wyä'änyën tsoktakn: Béser ja jampë joyjotmën të'ëts'itum, mëti'ipë jyä'ä'ajtëpën ja Rubén ja'ayëty ets ja wiinkpë ja kajpn jä'ä txëëwaty Ramot, jam yajpaaty Galaad nyaaxjotm mëti'ipë ja Gad ja jyä'äy jyä'ä'ajtëpën ets ja wiinkpë Golán txëëwaty, jam yajpaaty ma Basán nyaaxjotmën mëti'ipë jyä'ä'ajtëpën ja Manasés ja jyä'äy nikujkwä'kxy.

2 Crónicas 18:3

Ja Ahab mëti'ipë jam Israel yajkutujkpën, ojts tyajtëy jëyëjp ja Josafat, ja Judá yajkutujkpë: ¿Wi'ix oyës xyjyämyëët'atëtyë, ja'am Ramot kajpn ets Galaad kajpn nitëjkëmë? Tä Josafat y'ëtsooy: Ëjts nmëëtës yë ntuunpëtëjk, tyam ëëtsëty, oy nja'amëty.