2 Crónicas 17:9 - Biblia Dc en Mixe de Quetzaltepec

⁹ Tä tukmëkäjxëy ja noky ma ja Wintsën ja y'ënä'ämën tyiyajtën myinyën këxja'ay ets ja ja'ay tuk'ijxpëktëty mëti'ipë jam tsënaaytyëpën Judá ets ma tëkokyë Judá kajpnën. Ojts jëtu'un tjantytyuntë ojts t'aye'eytya'atë ja naax kajpn.

Biblia Mixe de Quetzaltepec

⁹ Tä tukmëkäjxëy ja noky ma ja Wintsën ja y'ënä'ämën tyiyajtën myinyën këxja'ay ets ja ja'ay tuk'ijxpëktëty mëti'ipë jam tsënaaytyëpën Judá ets ma tëkokyë Judá kajpnën. Ojts jëtu'un tjantytyuntë ojts t'aye'eytya'atë ja naax kajpn.

2 Crónicas 17:9 ပူးပေါင်းရင်းမြစ်များ

Juan 5:46

Ko jeexyë mëpëktë ijxtëm ja Moisés y'ënänyën, näjyëtu'un jeexyë ëjts xymyëpëktës, jä'ä koos ja Moisés xynyimëtyakp ma këxja'ay ojts tyajwë'ëmyën ja y'ayuk.

Romanos 3:2

Tuunp mëk ets kanaakpëky. Mëtu'kpëky ko jam ojts ja Dios ja y'aaw y'ayuk najtskäxë ma jutiis ja'ayëtyën.

1 Pedro 4:11

Pën jää pën kyäjpxy myëtyä'äky, jëtu'un kyajpxëty ijxtëm ja Dios ja y'aaw y'ayuk y'ënä'änyën. Pën jää pën myëku'uk tii tukputëkëja'any, yajtunëp ja myëjaaw mëti'ipë ja Dios mooyëpën. Tu'kë'ëyë tiijaty mtuuntëp mkajpxtëp, tuntë winë ijxtëm mëpaat ja Dios yajmëjjaw yajjaantyjawën ma ja Jesukristë ja xyëëwën, mëti'ipë ijta'ayxyëyëp ja mëj'ajt oyajtën. Jëtu'un y'itëty.

Hechos 28:23

Ënet tkäjpxy'ajtë jëna'a jatëkok ye'eymyuka'antë. Ko tpaty ja xëëw ets ja ja'ay nimay ye'eymyujktë ma ja Pablo ënety të jyajtä'äkyën. Ënet ja Pablo tyëjkëy mëtyakpë, jëtu'un kyutsu'ujëy, tuk'ëwaanë ja ja'ay wi'ix ja Dios ja kyutujkën. Jä'ä tyukmëmëtyak ja Moisés ja y'ënä'ämën ets wi'ix ja Dios ja kyäjpxynyajxpë y'ëna'antën, jëtu'un ojts tjatukmëpëka'any ko Jesús yë'ë jëtu'un Kristë.

Hechos 15:21

Jä'ä ko tëëyëp jëtu'un tsyo'ontä'äky ets tyampaat tää kajpn kajpn yajpaaty mëti'ipë ja ja'ay tyuk'ijxpëjktëpën ja myëku'uk, ja Moisés ja y'ënä'ämën mëti'ipë yajnimëtyakpën winpo'kxënxëëw jap tsajptëkoty.

Hechos 13:15

Ko tkajpxtaaytyë ja Moisés ets ja käjpxnyajxpëtë ja y'ënä'ämën, ënät ja tsajptëkotyëtë wintsënëty t'ënëmaaytyë ja Pablo ets ja Bernabé: Mëku'uktëjkëty, pën jam tii xynyikajpxa'antë, oy tyam yë ja'ay xytyuk'ëwaanëtëty.

Hechos 8:40

Jam ja Felipe ojts yaj'ixy ma ja kajpn txëëwatyën Azoto. Kajpnkajpn ijty tkajpxwä'kxy ja aaw ayuk oypyë koonëm jyä'äjty jam Cesarea.

Juan 5:39

M'ijxpëjktëp oy'ixyë ja Dios ja y'aaw y'ayuk këxja'aypyë, jä'ä ko jëtu'un mmaytyë mtajtë ko jap xypyaata'antë ja juukyajtën xëmëkyëjxmëpë.

Mateo 11:1

Ko Jesús tukmëmëtyaktaay ja majkmäjtskpë y'ijxpëjkpë mëti'ipë tyuntëpën, ojts nyijkxy yaj'ijxpëjkpë, tkajpxwä'kxy ja Dios ja y'aaw y'ayuk maajëty ja kajpnën mëti'ipë jam yajpatpën ma Galilea y'itjotmën.

Mateo 10:23

Ko myajpajëtijta'aktëty ma tu'uk ja kajpnën, käknëjkxtë wiink kajpn. Tëy miits n'ënëëmëtë ko minëpës naamka'anëm ënety miits ja Israel it xye'ey'apëtsëmtë; ëjts, naaxwiinyëtë ja'ay y'U'unk.

Isaías 8:20

Wä'än jëtää jëtu'un y'ëna'antëty, je'eyëp ko ja mëti'ipë ënety nyikajpxtëpën, aakjä'ä ka'apë tyunëtyën.

Nehemías 8:7

Ja Leví ja'ayëty mëti'ipë xyëëwajtëpën Josué, Paní, Serebías, Jamín, Acub, Sabtai, Hodías, Maaseías, Quelitá, Azarías, Jozabad, Hanán ets Pelaia jä'ä tyukwinmëtyaktëp ja naax kajpn wi'ix ja ënä'ämën tëyajtën yajja'akyukëja'anyën ets mayjyä'äy je'eyë tmëtoow'itë ets aak tënaaytyëp,

2 Crónicas 35:3

E ja Leví ja'ayëty mëti'ipë yaj'ijxpëjktëpën ojts ya'atë aaw ayuk tmo'oy: Pëjkta'aktë yë Wintsën yë kyaaxë jap tsajptëkoty, ma ja tsajptëjkën mëti'ipë Salomón kyojën, David yë myaank, mëti'ipë yajkutujkën jam Israel. Këtiipë nëkoo kejkyijxy xy'ëkëëyjyëtijnëtëty, tyam yi'iyë yë Wintsën ëmuumtu'ukjot mmëtuntë ets nyaax kyajpn.

2 Crónicas 15:3

Yë Israel jeky jëtu'unyë të y'ity, ka'ap tnijawë pën Wyintsën'ajtyp, pën mëtëy tyeety'ätyp mëti'ipë yaj'ijxpëjkpën ets tukn'ijxëyëpën winë.

2 Crónicas 19:8

Josafat ojts näjyëtu'un tnikajpxpety Leví ja'ayëty maajaty ja kajpnën, ja teetytyëjkëty ets ja mëti'ipë ja jyiiky myëku'uk nyikopk'atëpën jam Israel, yë'ë nyipaye'eytyëp ja amay jotmay ma ja Wintsën yaj'ëwtatyën ets ma ja juukyajtën tyu'uye'eyën naaxjoty kajpnjoty jam Jerusalén.

Malaquías 2:7

Kopkpëky ko yë teetytyëjkëty jëtu'un mëpaat tyuntë ets ja'ay tuk'ëwaanëtëty wi'ixës mëpaat xy'ixy'atën ets ja'ayëty kopkpëky ko tyajtëwtëty yë teetytyëjkëty wi'ix mëpaat tnijawëtën ëjts yë n'ijxpëjkënës, jä'ä ko yë'ëjëty, yë'ë nyikajpx nyimëtyaktëp yë aaw ayuk mëti'ipë yë Wintsën, mëti'ipë maaytyääyëpën winë y'aaw'ajtyp y'ayuk'ajtypyën.