2 Crónicas 17:7 - Biblia Dc en Mixe de Quetzaltepec

⁷ Kom tëkëëk jëmëjt ja tyuunpë tkejxy mëti'ipë txëëwajtëpën Ben-hail, Absadías, Zacarías, Natanael ets Micaías, jam Judá ets tukni''ixëja'any mëti'ipëjaty kajpn jamën,

Biblia Mixe de Quetzaltepec

⁷ Kom tëkëëk jëmëjt ja tyuunpë tkejxy mëti'ipë txëëwajtëpën Ben-hail, Absadías, Zacarías, Natanael ets Micaías, jam Judá ets tukni''ixëja'any mëti'ipëjaty kajpn jamën,

2 Crónicas 17:7 ပူးပေါင်းရင်းမြစ်များ

2 Crónicas 35:3

E ja Leví ja'ayëty mëti'ipë yaj'ijxpëjktëpën ojts ya'atë aaw ayuk tmo'oy: Pëjkta'aktë yë Wintsën yë kyaaxë jap tsajptëkoty, ma ja tsajptëjkën mëti'ipë Salomón kyojën, David yë myaank, mëti'ipë yajkutujkën jam Israel. Këtiipë nëkoo kejkyijxy xy'ëkëëyjyëtijnëtëty, tyam yi'iyë yë Wintsën ëmuumtu'ukjot mmëtuntë ets nyaax kyajpn.

2 Crónicas 15:3

Yë Israel jeky jëtu'unyë të y'ity, ka'ap tnijawë pën Wyintsën'ajtyp, pën mëtëy tyeety'ätyp mëti'ipë yaj'ijxpëjkpën ets tukn'ijxëyëpën winë.

Hechos 1:1

Teófilo, ja noky mëti'ipës mëjëyëjp njaayën, yë'ë nyimëtyäkpy mëti'ipë ja Jesús tyuuntso'onën ets mëti'ipë tyuk'ijxpëjktso'onën ja ja'ay

Marcos 4:2

Jamts tyaj'ijxpëjky kanaakjëjp winë mëët ja ijxpäjtën. Ma yaj'ijxpëkyën jëtu'un ja mayjyä'äy t'ënëmaay:

Mateo 4:23

Tääts ja Jesús t'aye'ey ja kajpn Galilea y'itjotm ets yaj'ixpëky ma ja tsajptëjkën maajëty tu'uktu'uk ja kajpnën, tuk'ëwaanë ja ja'ay ja oy aaw oy ayuk ma ja kuttujkën tsajpjotmëpë yajnimëtyä'äkyën ets ni'ëmukë ja pa'amja'ay tyajtsoky.

Isaías 49:23

Yë'ë nëjkx yë yajkutujkpëtëjk xytyeety'atë ets ja yajkutujkpë ja nyëëx nëjkx ja u'unk ëna'k xytyukkëwent'atë. Mëj'äämpy nëjkx myajnaxëtë ets nëjkxëp mwinkoxtänëty. Ënätnëm nëjkx xyjyä'äymyetsy ko ëjtsës Wintsënajtp ets mëti'ipës xytyuk'ijxpäjtpën ka'ap tsëtyu'unmëët wyë'ëma'any.

Eclesiastés 1:12

Ëjts, mëti'ipë yam kë'ë ëmaaypyën, ojtsës nkutujkpë'aty jam Jerusalén.

Salmos 51:13

jëtu'un tjëkyäpëty ntukni''ixëtyës ja mnë'ë mtu'u ja ja'ayëty mëti'ipë käjpxy kyumëtoownajxtëpën, ets pokyjyä'ätyëjk jyootwinpitëty ma mijtsën.

Salmos 34:11

Mintë, u'unk ëna'këty ets mëtoow'ijtëkës yë n'aaw n'ayuk: tyam ntukni''ixëja'antë wi'ix yë Wintsën xy'ëwtatëtyën.

Nehemías 9:3

Tëkëëk yaxp jëtu'un tsyënaaytyë jam ma ënety yajpaatën, jä'ä ko jëtu'un ojts pyo'oxy ma ja noky yajkajpxtaayën, ma myinyën kuja'ay ja Wintsën, Wintsën, ja y'ënä'ämën tyiy'ajtënën, tëkëëk yaxp ojts tmaaywyatstë ja pyokyëty, ets ja tyuuntëko'oy kyajpxtëko'oyënëty ets jëtu'un t'ëwtajtë ja Wintsën.

2 Crónicas 30:22

Ezequías mëj këjää tkukajpxëy mëët ko ënety ja teetytyëjkëty ets ja Leví ja'ayëty të pyutëkëty winë aaw winëjot ma Wintsënën. Tëë ënety wëxtujk xëëw xyëëwtuntë ma të tyaktën ja wintsë'kën ma Wintsënën, ma t'ëëwkëjxy tkajpxkëjxtën ja pyoky ets ma të twin'ëw të twinya'axtën,

Deuteronomio 33:10

Yaj'ijxpëjktëp yë Israel ja'ayëty ets tyukni''ijxëtyëp yë m'ënä'ämën mtëyajtën ets ja m'aaw m'ayuk. Pyëjkta'aktëp ma wintsë'këntyaknën yë poom ets wintsë'kën mëti'ipë jëyujk ookyën mijts mwintuuy.

Deuteronomio 4:5

Ëjts tëëjës yam nikäjpxy ja ënä'ämën tëyajtën, mëti'ipë yë Wintsën nTiosës të xytyuk'ëne'emyën ets yë'ë xykyuuytyuntëty ma ja naax kajpnën mëti'ipë mniwa'akantëpën.

Esdras 7:25

E mijts Esdras, mëti'ipë mjajtyp mnija'apën, mëti'ipë Wintsën të mo'oyën, tuknipëk yë ja'ay mëti'ipë yajkutukëpën ets ënä'ämëpën, mëti'ipë pyaye'eyëpën ja nëë poky ma ja naax kajpnën jam Éufrates, mëti'ipë nyija'awëtëpën ja Wintsën ja tyiyajtën; e mëti'ipë ka'ap tnijawëtën tukni''ixëtë.