2 Crónicas 17:5 - Biblia Dc en Mixe de Quetzaltepec

⁵ Paatykyëjxm ja Wintsën t'ëwatsy ja ja'ay ja jyot wyinma'any ets tu'ukyë y'itëty ets t'oyjyawëtëty ja Josafat ma y'ëne'emyën ets ma yajkutukyën; tëkokyë yë Judá ja'ayëty winë ijty tjanty nyamo'otë ets mëj këjää ojts yë wit meeny tpaaty t'ixy ets mëj'äämpy ojts nyäxy.

Biblia Mixe de Quetzaltepec

⁵ Paatykyëjxm ja Wintsën t'ëwatsy ja ja'ay ja jyot wyinma'any ets tu'ukyë y'itëty ets t'oyjyawëtëty ja Josafat ma y'ëne'emyën ets ma yajkutukyën; tëkokyë yë Judá ja'ayëty winë ijty tjanty nyamo'otë ets mëj këjää ojts yë wit meeny tpaaty t'ixy ets mëj'äämpy ojts nyäxy.

2 Crónicas 17:5 ပူးပေါင်းရင်းမြစ်များ

2 Crónicas 18:1

Josafat, mëj këjää ja wit meeny tpaty t'ijxy, jëtu'un'äämpy ojts mëj'äämpy ja ja'ay yajnaxyë ets yë'ë myë't'ajt Ahab.

Mateo 6:33

Jamts miits jëyëjp xypyëjkta'aktëty ja mjot mwinma'anyëty ma ja tsajpjotmëpë kuttujkën ets xytyuntëty mëti'ipë Dios tsyojkpy ets xy'ëxajëtëty tëkokyë ya'atë jotkujk'ajtën.

1 Pedro 5:10

E ko ënety të m'ëk'ëyowtë, ko wäänë ja tiempo nyaxëty, ënät ja Dios mpokymyä'kxa'anëtë ets jotmëk m'itëty ets mëtëy winë xytyuntëty. Yë'ë ja Dios mëti'ipë të xyaxtso'owëmën ets xëmëkyëjxm nyajpatmëty mëët ja Kristë.

Mateo 2:11

Ko tyëjkëtyë tëkoty, japts tpatë ja mëxu'unk Jesús mëët ja tyaak Maria. Tääts twinkuxtënaaytyë ets twintsë'këtë ja mëxu'unk. Ënet tyaj'ëwatstë ja y'apëjkënëty ets tmooytyë ja wyintsë'kën: ja pu'ts pujxn, poom ets ja pa'akxu'kpë nëë mëti'ipë mirra xyëëwajtypyën.

Salmos 127:1

Pën yë Wintsën ka'ap yë'ë kë'ëm tkojy yë tsajptëjk, natëkë tyuntë mëti'ipë tëjkkojtëpën; pën yë Wintsën ka'ap kë'ëm tkëwent'aty yë naax kajpn, oy jënu'un yë ja'ay kyëwent'atëty ka'ap nitii tuntëty.

Job 42:12

Dios, ojts yë Job may winë tmo'oy ko jyaak jyuuky'äjty, ni'ik may këtiinëm tä ënety të tmëët'atyën më''ëka'any. Majkmajkts mil ojts yë kupixyny tmëët'aty, tëtujk mil yë jëyujk jëku'ux, tu'uk mil yë tsajpkaa ets tu'uk mil yë krukts.

2 Crónicas 32:23

Ënet ja mayjyä'äy tmëja'awëtyë ja Wintsën ets ojts tmënëjkxtë may'äämpy ja näy'nyamo'ojë, näjyëtu'un ja Ezequías may ja ja'ay winë nyamooyë, mëët ko ënety ja Wintsën të pyutëkëty, mëti'ipë jam Judá ënä'ämpën yajkutujkpën. Ko jyëtu'un'ajty yë Ezequías mëj'äämpy yë ja'ay yajnajxë oymyaajëty.

1 Samuel 10:27

E jëtu'un ijxtëm xëmë jyäty kyëpetyën ka'ap ma ja ja'ay tyëkoy'äty mëti'ipë je'eyë wyiin y'aaw myëtitypyën ets mëti'ipë ënantën: ¿Tääpë jëtää ënät xy'ëkyajtsokmëpë? je'eyë ojts nëëxi'ik tukxi'iktë ets ka'ap tyajnikëxë'ktë ja winkutsë'kën ma yë'ëjën; e ja Saúl ka'ap timmyëjpëjktäky oy ja ja'ayëty wi'ix y'ëna'antë.

Salmos 68:29

Jam këjxm tsyo'ontä'äky ma ja mtsajptëjkën jam Jerusalén, ma ja yajkutujkpëtëjk tyajmintën ja mnänyamo'ojë,

Salmos 132:12

Nëjkxëpës npëjktä'äky tu'uk yë m'u'unk m'ok mëti'ipë yajkutukëpën. Pën yë m'u'unk m'ok tyuuntëp ijxtëm ja n'aaw n'ayukës y'ënä'änyën, ets pën pyatuuntëp ja ënä'ämën tëyajtën mëti'ipës nmo'ojantëpën, näjyëtu'un ja y'u'unk y'ok nëjkx yajkutuktë xëmëkyëjxm.

Salmos 76:11

Tuntë yë waantakën ma Tiosën, mëti'ipë m'ëwtajtëpën, je'eyëp ko mkuuytyuntëp jëtu'un. Miitsëty, jënu'un xynyatänëtën mëti'ipë patëpën yajwinkutsë'ëkëty, yë'ë tukmëyoxtë winë.

Salmos 72:10

Wä'än myëmi'inxëty yë ayajk ako'onën ets näynyamo'ojë yë yajkutujkpëtëjk mëti'ipë tso'ontëpën jam Tarsis ets ma naaxwiinyëtë y'ityën kuwitsë nëëjoty, ets näjyëtu'un yë yajkutujkpëtëjk mëti'ipë jam ijtëpën Sabá ets Seba.

2 Crónicas 9:27

Yë yajkutujkpë may yaxon tnipëjkpejty yë pu'ts pujxn jëtu'un tä tsaajën; may ja ajë kepy jëtu'un tä tsajp pëët kepy jam joyjotm myäytyänëtën.

2 Crónicas 1:15

Ya'atë yajkutujkpë jëtu'un ojts winma'any tpaaty ets jam Jerusalén may yajpaatëty yë puts pujxn, poop pujxn tä may tsyaajën; ka'ap y'ëmaaytya'akëty oyëtypë kepy mëti'ipë ajë kepyën, jëtu'un tä ka'ap y'ëmaaytyä'äkyën oynatii kepy mëti'ipë jamën tunkëjxm kopkëjxm.

1 Reyes 10:27

Ja yajkutujkpë yajxon may'äämpy tjanty yajnipejty yë poop pujxn tä tsaajën jam Jerusalén ets ja ajë kepy jyam'atëty may'äämpy, jëtu'un mëti'ipë tyijtëpën higos nyikepy jampë joyjyotmën.

1 Reyes 10:25

Winë jëmëjt ijty nëjkx winë tnamo'otë. Tä ja poop pujxnën pu'ts pujxnën, wit tujkxyën, nijänën, tääts mëti'ipë tyuktsiptuuntëpën yë ja'ayëty, aaynyëë ujts nëë mëti'ipë xu'kpën ets ja jëyujk ëkë kwaay.

1 Reyes 4:21

Yë Salomón wäänë mëj ijty muum ja kyutujkën yajnikäjpxy, këtiinëm jyëtu'unëty ja wiinkëtypë ja kutujkëntëjk; jampaat ja kyutujktakn y'ëwtijty ma nëëjoy yajtijyën Éufrates ets nyäxy ma ja filistejë ja'ayëtyën; tyimja'ty jam Egiptë. Tëkokyë ja ja'ayëty aak ayajk aak ako'onëtyëp ijty mapaat ja Salomón yajkutujkyën.

Génesis 13:2

Yë Abram mëkja'ay ijty, may tmëët'ajty yë pu'ts pujxn, poop pujxn ets jëyujk tsajpkaa.

Proverbios 16:12

Yë yajkutujkpëtëjk ka'ap oy t'ixtë ko yë ja'ay ëxëëk y'ëti'itsy y'ënä'äny, tu'uk yë kutujktakn ënät oy yajpaaty pën jam'ajtp nänyipaye'eyë.