2 Crónicas 17:4 - Biblia Dc en Mixe de Quetzaltepec

⁴ yë'ë tu'ukyë tyuk'ijxpäjt ja Wintsën mëti'ipë ja tyeety y'ëwtajtën. Ojts tpatuny ja ënä'ämën tëyajtën; ka'ap ojts nëkoo tii winë tpa'ëtë'ëtsy tä ja Israel ja'ayëtyën.

Biblia Mixe de Quetzaltepec

⁴ yë'ë tu'ukyë tyuk'ijxpäjt ja Wintsën mëti'ipë ja tyeety y'ëwtajtën. Ojts tpatuny ja ënä'ämën tëyajtën; ka'ap ojts nëkoo tii winë tpa'ëtë'ëtsy tä ja Israel ja'ayëtyën.

2 Crónicas 17:4 ပူးပေါင်းရင်းမြစ်များ

1 Reyes 12:28

Ko ya'atë ja winma'any ojts yajxon tyajtëy tyajtëtä'äky, ënät ja yajkutujkpë ojts t'oytyuny mäjtsk yë tsajpkaa ayääkë, aak pu'ts pujxn mëët y'oytyunyëty ets t'ënëmaay ja naax kajpn: Miitsëty Israel ja'ayëty, tëë yowë m'ënu'kxënyëtë ko jam xëmë mnëjkxtë Jerusalén. Tyaa ja mwintsënëty, mëti'ipë ojts jap Egiptë mjuutëtën.

1 Tesalonicenses 4:1

Mëku'uktëjkëty, yë'ë miits ntuk'ënëmaaytyëp wi'ix mjuuky'attëty ijxtëm ja Dios tukjotkëtä'äkyën, ets tam jëtu'un xytyuntë. Tyam miits njaaktuknipëktë ets nmënu'kxta'aktë ma Wintsën Jesús yë xyëëwën ets jëtu'un mjuuky'atëty.

1 Tesalonicenses 2:12

Tëë njotmëkwinkajpxëtë, tëë nyajjotkujk'atë ets tëë ntukmënu'kxta'aktë wi'ix mja'ay'atëty ijxtëm pyaat'atyën mëti'ipë jä'ä''ajtëtëpën ja Dios, mëti'ipë të myaxtsowëtë ma yajkutukyën ets ma ja myëj'ajt y'oyajtënën.

Lucas 1:6

Nimäjtskëty oy ijty yë Dios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Oseas 4:15

Pën mijts Israel mto'kpy myäjkpy yë mjot mnini'kx, yë Judá ka'ap mëpaat pyokytyuny. Këtii jam mnëjkxtëty Guilgal, këtii jam mpa'tëkëtëty Bet-avén ets këtii nëkoo je'eyë kajpxpäjn xywya'antëty yë Wintsën.

2 Reyes 17:19

E ja Judá ja'ay nän kä'äpyëm ojts myäyë tpatuntëty ja Wintsën ja y'ënä'ämën tyiyajtën, jä'ä ojts tpanëjkxtë ja ëxëëktu'un ëxëëk kajpxën mëti'ipë ja Israel ja'ayëty tyuuntën.

2 Reyes 8:18

Yë'ë ëxëëkjaty ojts winë tuny Wintsën wyintum tä ënety ja wiinkëtypë ja yajkutujkpë mëti'ipë ënä'ämtën jam Israel, tä ja Ahapën, jä'ä ko ja tyo'oxytyëjk yë'ë myëku'uk ja Ahab; paaty ja tyu'unën kyajpxën aak tëkatsy ojts ja Wintsën t'ixy.

1 Reyes 12:33

Ma myajkmokx anyën ja mëtuktujkpo'opë, jää ojts ja Jeroboam tu'uk ja wintsë'kën tyäky ma ja wintsë'këntyaknën mëti'ipë ënety jam Betel të t'oytyunyën. Ya'atë xëëw kë'ëm ojts tpëjktä'äky ets tnikäjpxy ko tmëjjawëtëty ja Israel ja'ayëty, jä'ä po'o jam pyejty ma ja wintsë'këntyaknën ets jam tyajtoyä'äny ja poom.

1 Reyes 12:30

E ya'atëts ojts ja Israel ja'ay yajpokytyunëtë, jä'ä ko ja ja'ayëty jam ja nyëjkxtaaytyë Betel ets Dan ets yë'ë t'ëwtajtë.

2 Crónicas 17:3

Yë Josafat ojts Wintsën pyutëkëty jä'ä ko oy winë tuuny jëtu'un tä ijty ja David winë tunyën, mëti'ipë y'ap'ajt y'ok'ajtën; oy ojts tyuunk tyajtso'ontä'äky. Yë'ë ka'ap nëkoo tii t'ëwtajty ets ka'ap twinkoxtënaay awinax mëti'ipë Baal jyä'ä'ajtypyën,

2 Crónicas 21:12

E tëkok yë Joram ojts yë noky nyija'tyë, yë käjpxynyajxpë Elías kyäjx, mëti'ipë ënaanpën: Yë Wintsën mëti'ipë David y'ëwtajtën; yë m'apteety, jëtu'un y'ënä'äny: Mijts ka'ap oy winë xy'ëktuunë tä ja mteetyën Josafat ets tä ja mtatwelën Asá, mëti'ipë ojts jam Jerusalén yajkutuktën,

2 Crónicas 22:9

Ënet ni'ënä'ämëy ets nëjkx tyajtsoontë ja Ocozías jam Samaria ma ënety jam të nyäyu'utsyën, jam tmajtstë ets tuknimiintë ja Jehú, tääts tyaj'o'ktë. Je'eyëp ko tyajnaaxtëjkëtyë jyä'ämyäjtstë ko jä'ä Josafat ja myaank, mëti'ipë ënety oy ja Wintsën të tmëtunyën. Jëtu'un'äämpy ojts ka'ap nitu'uk Ocozías jyä'äy wyi'imy mëti'ipë jeexyë jatëkok nyiwä'kpyën ja kutujktakn.

1 Reyes 3:3

Salomón tsyojkpy jya'ap ënety ja Wintsën ets tyuunpy tä ja David të ënety të tyuk'ëne'emyën, oy jam ja wyintsë'kën xëmë tyäky ma ja tun kopkën,

1 Reyes 9:4

Pën mijts xymyëtuunpës oy tä ja mteetyën David xymyëtuunyënës, winë aaw winëjot ets pën mpatuunpy ja tëyajtën tä myinyën këxja'ay ets pën mëtoow'ijtyp ja n'ayukës,

2 Crónicas 14:6

Mëët ko ënety jä'ä xëëw jä'ä jëmëjt akujk jotkujk ja naax kajpn yajpaaty ets ka'ap maa tsip käjpxy, ko jëtu'un ja Wintsën t'a'ijxëy, ënät ojts Asá may tyajkojy yë kajpn mëkëtypë ta'tspëkyëtypë jam Judá.

2 Crónicas 27:6

Mëj'äämpy yë Jotam nyäjxy oymyaajëty, jä'ä ko ojts ja Wintsën oy tmëmëtoy.

2 Crónicas 29:2

Yë Ezequías oy tmëtuuny yë Wyintsën, jëtu'un tä yë David oy tmëtuunyën, mëti'ipë yë'ë y'ap'ajt y'ok'ajtën.

2 Crónicas 34:2

Yë Josías oy winë tuuny ma Wintsënën, jëtu'un tä David oy winë tuunyën, mëti'ipë yë'ë y'ap'ajt y'ok'ajtën, Josías ka'ap yë jyot wyinma'any tkë'ëyäjky ma ëxëëkpën.