2 Crónicas 16:9 - Biblia Dc en Mixe de Quetzaltepec

⁹ E Wintsën yë'ë wa'ats nyija'awëtyääpy tiijaty tuunëp jajtëp muum naaxwiinyëtë apëtsëmy ets tjotmëkmo'oy ja ja'ay mëti'ipë winë aaw winëjot tuk'ijxpäjtëpën. Mijts tëë jëtu'un mwinma'anytyëkoy, paaty winë të xytyuny tä tu'uk ja'ayën mëti'ipë winma'anytyukën. Jä'ä ko tyam wäänëni'ik yë tsip käjpxy xymyëtata'any.

Biblia Mixe de Quetzaltepec

⁹ E Wintsën yë'ë wa'ats nyija'awëtyääpy tiijaty tuunëp jajtëp muum naaxwiinyëtë apëtsëmy ets tjotmëkmo'oy ja ja'ay mëti'ipë winë aaw winëjot tuk'ijxpäjtëpën. Mijts tëë jëtu'un mwinma'anytyëkoy, paaty winë të xytyuny tä tu'uk ja'ayën mëti'ipë winma'anytyukën. Jä'ä ko tyam wäänëni'ik yë tsip käjpxy xymyëtata'any.

2 Crónicas 16:9 ပူးပေါင်းရင်းမြစ်များ

1 Pedro 3:12

Jä'ä ko yë Wintsën yë'ë kyëwent'ajtyp mëti'ipë oy juuky'ajtëpën ets y'amëtoow'ijtyp ko nyu'kxta'aktë; e yë ëxëëk ja'ay ëxëëk t'ixy.

Proverbios 15:3

Yë Dios, tää yajpaaty oy tyimmaajëty, y'ijxyp oyjyä'äy ets ëxëëk ja'ay.

Jeremias 16:17

Jä'ä ko wa'atsës n'ijxtaay ntuuntaay tiijaty tyuuntëp kyajpxtëpën ëxëëkjaty; nitii kyayu'utsy'ity ma ëjtsën, ni yë'ë nyëë pyokyëty tkajëkyepy tkuyu'utstëty.

Proverbios 5:21

Yë Dios wa'ats t'ixy wi'ix yë naaxwiinyëtë ja'ay tyu'uye'eyën, ka'ap t'ijxtëkoy ma ye'ey nyäxyën.

Salmos 34:15

Yë Wintsën Kyëwent'ajtyp yë ja'ay mëti'ipë oyjya'awëyëpën ets y'amëtoow'ijtyp ko mëktä'äky myëkäjpxyë

Job 34:21

Dios wa'ats t'ixy tuny wi'ixjaty ja'ay nyë'ëye'ey tyu'uye'eyën ets nyija'ap wi'ix nyäxy tyëkën.

Hebreos 4:13

Nitii tkajëkyepy ja Dios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.

Zacarías 4:10

Ja ja'ayëty mëti'ipë ka'ap të tmëjpëjkta'aktën ko wäänaty ja tuunk të tyu'uye'ey, nëjkxëp ok tukxoonta'aktë ko ënety ja Zorobabel tyajjëjpëtsëmy ja tuunk. Ënet ja tsajpjotmëtë kukäjpxy xyjyaak ënëmaayës: Ya'atë wëxtujkpë kutë'kxn yë'ë Wintsën yë wyiin jyëjp mëti'ipë tyukjëtijtëtyëpën yë naaxwiinyëtë.

Jeremias 32:19

Mëj këjää winë xynyimay xynyitajë ets ko tii xytyuny mëët yë mëk'ajtën ets kuttujkën. Mijts wa'ats xynyija'awëtyä'äy tiijaty yë ja'ay tyuuntëp ets jënu'un winë xymyo'oy xykyexyën.

2 Crónicas 6:20

Këtii xy'ëxmatsëty ya'atë mjëën mtëjk xëëny koots, ma të m'ëna'anyën ko m'ita'any jap xëmë. Mëtoow'it ya'atë jëëytyak nu'kxtakën mëti'ipë ya'atë mtuunpë yam yajnajxypyën.

Salmos 113:6

E yë'ë, tsyojkpy yë naaxwiinyëtë ets tsajp paaty tniku'ijxnaxy.

Salmos 37:37

Yë'ë ënät ëk'ix ëktun yë ja'ay mëti'ipë ka'ap tii tuuntëkoyën ets oypyë xëmë jyä'äy'ätyën: yë jëtu'unpë ja'ay yë'ë y'a'ijxyp jyëjp'ijxyp yë akujk'ajt jotkujk'ajtën.

Gálatas 3:1

Miits, Galacia ja'ayëty kutsuujëty. ¿Pën të mpatoy të mpanaxëtë? Tëëts yajxon ntuk'ijxpëktë miits mwintuuyëty ijxtëm ja Jesukristë ojts kyëruutspetyën.

Lucas 12:20

Tyam ënety jëtu'un y'ënä'äny ko ja Dios y'ënëmaayë: Winma'anytyuk, tyam koots ënät m'o'knëty, ets mëti'ipë jap të xypyëjke'ekyën, ¿pën jyä'ä'atëp?

1 Crónicas 21:8

David ko nyäjya'awëyë tëë tyëkoy, ënät tmaaywyäjtsy ja pyoky ma Wintsënën ets y'ënäny: Tëës ntëkoy mëjwiin këjää ko jëtu'unpë winma'any të npaatyës. E tyam n'amëtoy npëjktsoy ets xypyokymyä'kxëtyës, maajës winë të ntuuntëkoyën.

2 Reyes 20:3

Wintsën tyam mijts n'amëtoy npëjktsoy ets xyjyä'ämatsëtyës, xyjyä'ämyätsëty näjyëtu'un wi'ix mijts oy të nmëtunyën, tëë nmëmëtoy, tëëjës ntuny winë tä mijts xy'oy ixyën. Tääts tyëjkëy jëëpyë yaxpa.

1 Samuel 13:13

Tä ja Samuel y'ëtsooy: Tääpë të xytyunyën ka'ap myëtëyëty. Kooxyëp të xytyuny tä yë Wintsën të m'ënë'ëmxëtyën, yë m'ënä'ämën mkutujkën xëmëkyëjxm jeexyë y'ity ma Israel ja'ayëtyën.

1 Reyes 15:32

Yë Asá mëët yë Baasá jampë yajkutujkyën Israel, xëmë ojts yë tsip tmëët'atë.

1 Corintios 15:36

Tsuuja'ayëty. Ko tëëmt yajni'ipy, o'kp ja tëëmt ets myuxy.

2 Crónicas 15:17

Oy jam Israel ka'ap tyajjëwa'ktaaytyë ja tsajptëjk jampë muum tunkëjxm kopkkëjxm yajpaatën, ma ijty t'ëwtatën ja wiink wintsën; yë Asá je'eyëm ojts nyëye'ey tyu'uye'ey oy,

Mateo 5:22

E ëjts jëtu'un yam miits nëëmëtë, pën ja myëku'uk tyukjoot'anpëjkpyën nëjkxëp nyitukë. Pën ja myëku'uk y'ojpyën, yë'ë paye'eyëtëp ja tsajptëkotyëtë yajuntë'ajtpë. Pën ja myëku'uk tyijpyën kutsuu, jap nëjkx yajnajtskäxë ëyoowtaknjoty.

Jeremias 5:21

Kajpn, ja ka'apë jyä'äkyukën ets ka'apë wyinma'anyën, mëti'ipë jyamëët'ajtypyën wyiin ets ka'ap y'ixy, mëti'ipë jyamëët'ajtypyën yë tyatsk ets ka'ap myëtoy.

2 Samuel 24:10

Ok ojts ja David nyäjya'awëy'ityë ko kajtëm jëtu'un y'oy'äjty, ko tëëtëm ënety tyëkoy ko ja jaaymyujkën tni'ënä'ämëy, ënät ojts ja Wintsën tjamëmaaywyajtsnë, tja'ënëmaaynyë: Mëj këjääjës të ntuuntëkoy koos ja winma'any jëtu'un të npaaty. E tyamtsës npëjktsoy ma mijtsën Wintsën ets xymyä'kxëty ja npokyës, jëtu'unës të n'ëtsë'ëty tä tu'uk yë winma'anytyukën.

2 Crónicas 16:10

Ënet ja Asá yajxon tukjoot'anpëjky ja Wintsën ja kyäjpxynyajxpë, ojts tsumy tmatsy. Näy jä'ä xëëw ojts jam ëxëëk yë ja'ay tuny t'ënëëmë.

Job 31:4

¿Ëkë jä'ä ko ka'ap yë Dios t'oy'ixy mëti'ipës ntuunpyën ets ka'ap t'ijxpaaty wi'ixës nye'ey nnaxyënë?

Salmos 33:15

Yë'ë ojts t'oytyuny yë jot winma'any ets yë'ë y'ijxyp tyuunpy tiijaty ja'ay tyuuntëpën;

Jeremias 5:1

Jëtu'un yë Wintsën y'ënä'äny: Nëjkx tukjëtijtëtya'atë yë Jerusalén kajpn ets xy'ixtëty pën jam muum ja'ay mëti'ipë mëtëy tii pyaye'epyën ets mëti'ipë oyjyot wyinma'anyën. Pën mpatëp, ëjts npokymyä'kxëpës yë Jerusalén kajpn.

Jeremias 5:3

Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.

Génesis 31:28

Ni yë'ëjës wäänë yë nnëëx etsës yë n'ok'u'unk n'ok'ëna'k të xykyatuk'ixy etsës jeexyë të ntsu'kxy, täänëm jeexyë akujk jotkujk të näy'ëxmajtsënë. Jëtu'un mijts të m'ëtëtsnë tä tsuuja'ayën.

2 Crónicas 15:19

Ka'ap tmëët'ajty tsip käjpxy mëët wiink kajpn ko yë'ë yajkutujky, jëtu'un ojts yajkutuky i'px majkmokx jëmëjt.

2 Crónicas 19:9

Ets tuk'ënëmaay ya'atë tu'uwinwo'ow tu'uwinwijtsën: Miitsëty xëmë winë oy xytyuntëty, mëët ja tëyajtën ets oyjyot oywyinma'any ma Wintsënën.

Esdras 5:5

E ja Wintsën mëët jä'äkyëjxm ko yë'ë kë'ëm Kyëwent'ajtyp ja jutië ja'ayëty mëti'ipë ja tuunk yajtu'uye'eytyëpën, ka'ap ojts ja tuunk wya'akwë'ëmy, je'eyëm tyu'uye'ey; koonëm ja aaw ayuk tuknikäjxtë ja yajkutujkpë Darío ets jä'ä t'ëwxijtë ja Darío ja y'ëtsoowinpijtën.

Job 28:24

jä'ä ko yë'ë y'ijxtääpy winë naaxwiinyëtë apëtsëmy ets tu'kkë'ëyë mëti'ipë yajpatpën tsajppa'tkë'p.

Salmos 33:14

jam ma jyuuky'ätyën wa'ats t'ixy tuny ninu'un yë ja'ay tsyëënëtën naaxwiiny.

Salmos 33:18

E yë Wintsën Kyëwent'ajtyp xëmë mëti'ipë tukjotkujk'ajtëpën ets mëti'ipë tyukjotkujk'ajtëpën tsyojkën jya'awën;

Isaías 31:1

Ëxëëk ja naax kajpn jyata'an kyëpäta'antë mëti'ipë ja näypyutëkë y'amëtoowtëpën jap Egiptë, mëti'ipë tyuk'ijxpäjtëpën ja kwaay, mëti'ipë tyukjotkujk'ajtëpën ko may tmëëtëty ja kepy wintëkäämpë, ets ka'ap t'ijxpaatë ja Wintsën Wa'atspë mëti'ipë ja Israel ja'ay y'ëwtajtëpën ets ka'ap yë'ë t'amëtowtë ja näypyutëkë.