2 Crónicas 16:2 - Biblia Dc en Mixe de Quetzaltepec

² Asá wa'ats tju'taay ja pu'ts pujxn ets ja poop pujxn japë yajpaatyën tsajptëkoty ets ma kutujkëntëjkën, tääts tuknikejxy ja Ben-adad, jampë Sirië yajkutukyën, mëti'ipë jam Damaskë tsënääpyën. Ojts tuknikexy ya'atë aaw ayuk:

Biblia Mixe de Quetzaltepec

² Asá wa'ats tju'taay ja pu'ts pujxn ets ja poop pujxn japë yajpaatyën tsajptëkoty ets ma kutujkëntëjkën, tääts tuknikejxy ja Ben-adad, jampë Sirië yajkutukyën, mëti'ipë jam Damaskë tsënääpyën. Ojts tuknikexy ya'atë aaw ayuk:

2 Crónicas 16:2 ပူးပေါင်းရင်းမြစ်များ

2 Crónicas 28:21

Jä'ä ko ojts may winë tjamo'oy, tä ja pu'ts pujxnën, poop pujxnën mëti'ipë japën tsajptëkoty, këmoontëkoty ets ma ja wintsëntëjkëty ja tyëjkëtyën, ka'ap ojts pyutëkëty.

2 Reyes 18:15

Tä ja Ezequías tyajktaay ja poop pujxn mëti'ipë ënety jap yajpatpën tsajptëkoty ets ma ja kutujkëntëjkën.

2 Reyes 16:8

Acaz ojts jap tju'ta'ay ja pu'ts pujxn ets ja poop pujxn mëti'ipë tsajptëkoty ijtpën ets mëti'ipë jap ma kutujkëntëjkën ets ojts tnamo'oy ja Asiria yajkutujkpë,

2 Reyes 12:18

Joás, jampë yajkutukyën Judá, ënätyë twinpëjkmujktaay winë mëti'ipë kënu'kxyën, mëti'ipë të tyaktën ja yajkutujkpëtëjk Josafat, Joram ets ja Ocozías; mëti'ipë yë'ë y'apäjtën jampë näjyëtu'un yajkutujktën Judá; ojts tpëjkmujkta'ay näjyëtu'un mëti'ipë ënety yë'ë kë'ëm të tyäkyën ets tëkokyë winëjaty mëti'ipë pu'ts pujxn myëët'ajtypyën jap tsajptëkoty ets ma ja kutujkëntëjkën ets tmooytyääy ja Hazael, jëtu'un ja Hazael ojts ka'ap ja naax kajpn tnitëjkënëpë.

1 Reyes 15:18

Ënet ja Asá tyajpëtsëëmtaay ja pu'ts pujxn ets ja poop pujxn mëti'ipë ënety jap të jyaakwë'ëmyën tsajptëkoty ets jap ma ja kutujkëntëjkën ets ja tyuunpëtëjk tukmëkäjxëy ets tmo'otëty ja Ben-adad, mëti'ipë jam yajkutujkpën Sirië, ja myaank ja Tabrimón, yë y'ok'u'unk yë Hezión, mëti'ipë jam tsënääpyën Damasco. Näyjyëtu'un ja aaw ayuk tuknikejxy:

2 Crónicas 16:1

Ma ënety i'px majkmokx tu'uk jëmëjt y'apetyën, ma ja Asá yajkutukyën, jam Israel, yë Baasá jää jëmëjt ojts tnitëkë yë Judá kajpn ets tyajnatujky yë Ramá këtiipë ni pën mëët oy nyäyaj'itëtëty yë Judá yajkutujkpë.

2 Crónicas 16:3

Tsojk tu'uk käjpxytyu'unën nyaj'apatëmë, jëtu'un tä ojts tyaj'apaatëtën ja n'ap'ajtëmë. Tyam ntuknikexy ya'atë pu'ts pujxn ets ya'atë poop pujxn. Kajpxtuk yë käjpxtyu'unën mëti'ipë mmëët'ajtypyën mëët yë Baasá yajkutujkpë, jampë y'ëne'emyën Israel, këtiipës nëkoo xyajjotkëxëty.

Jeremias 49:23

Ma yajnikäjpxyën wi'ix yë Damaskë kajpn jyata'anyën. Tsëtyu'un mëët të wyë'ëmtë ja Hamat kajpn ets ja Arpad kajpn ko të yajtuknijawëtë ja ëyo'on jotmay mëti'ipë nimiinëtëpën; je'eyë tyam tsyë'ëkëtë ets ka'ap jyotkujk'atë.