2 Crónicas 15:9 - Biblia Dc en Mixe de Quetzaltepec

⁹ Tä tyajmujktaay ja Judá ja'ayëty, Benjamín ja'ayëty, ets ja ja'tja'ayëty mëti'ipë jam tsënaaytyëpën; yë Efraín ja'ay, Manasés ja'ay ets Simeón ja'ay; jä'ä ko may ënety yë Israel ja'ayëty jäätsow të nyaxtë ma Asá kyutujktaknën ko ojts t'ijxtë ko putëjkëyëp yë Wintsën.

Biblia Mixe de Quetzaltepec

⁹ Tä tyajmujktaay ja Judá ja'ayëty, Benjamín ja'ayëty, ets ja ja'tja'ayëty mëti'ipë jam tsënaaytyëpën; yë Efraín ja'ay, Manasés ja'ay ets Simeón ja'ay; jä'ä ko may ënäty yë Israel ja'ayëty jäätsow të nyaxtë ma Asá kyutujktaknën ko ojts t'ijxtë ko putëjkëyëp yë Wintsën.

2 Crónicas 15:9 ပူးပေါင်းရင်းမြစ်များ

2 Crónicas 11:16

Ja ja'ayëty mëti'ipë ja Wintsën y'ijxtaaytyëpën, mëti'ipë y'ëwtajtëpën ja Israel ja Wyintsën, ojts tpanëkxtë ja Leví ja'ayëty ets ja teetytyëjkëty ets jam tyajktë ja wintsë'kën ma Wintsënën, mëti'ipë ja y'aptëjk y'ëwtajtën.

Hechos 9:31

Jotkujk ja mëpëjkpëtëjk yajpaatë mëti'ipë tsënaaytyëpën jam Judea y'itjotm, Galilea ets Samaria. Wimpäjt'ëtëtstëp ja myëpëjkën, xëmë ja Wintsën twintsë'ëkëtë ets nyimayë'ëtë'ëtstë, näjyëtu'un ja Kënu'kxymyëkajtën ojts yajjotkujk'ätëtë.

2 Crónicas 30:25

Ja mayjyä'äy akujk jotkujk nyäjya'awëtë ets näjyëtu'un ja teetytyëjkëty, Leví ja'ayëty ets nitëkokyë ja Israel ja'ayëty mëti'ipë ënety të myintën, wä'än jaaypyaat jaaypyo'kxyëty ets wä'än tkukajpnëty.

1 Crónicas 12:19

Ojts näjyëtu'un Manasés jyä'äy tpuwa'akëtë ja David, ko jam tsyënaay ma ja filistejë ja'ayëtyën, ko mëët nyäy'ixjëtijt nyäpyajëtijtë ja Saúl. Oy ojts ntijmëty ja David ka'ap yajxon timy'apupety ja filistejë ja'ayëty jä'ä ko ka'ap kyupëjkëtë, jëtu'un ojts ja filistejë ja'ayëty y'ëna'antë ja kyutuunkëty: Ka'ap yowë y'oy'atëty ko yë David nkupëjkmëty ets xy'apupäjtmëty ma mëët yë Saúl ntsiptuna'anëmën, jä'ä ko tyam ënety nyätyijyë xypyupäjtëmë ko ajotkumonë xynyipëtë'kmëty, nikë oy ko Aak ëëtsajtëm kë'ëm mëët yë Saúl n'ëk'ijxmëty.

1 Reyes 12:19

Jëtu'un'äämpy ja Israel ja'ayëty ojts tmëtsiptsoontë ja David ja jyä'äy, tyampaat jëtu'unyëm tyu'uye'ey.

1 Reyes 3:28

Ojts ja ja'ay tnijawëtë wi'ix ënety ja Salomón të tyaj'oyën ja jotmay ets wi'ix ënety ja wyijy'ajtën të tyajwinkëxë'ëkyën, tëkokyë ja ja'ayëty jam ma ja Israel kajpnën mëk twinkutsë'këtyë ja Salomón ets tmëmëtoowtë, mëët ko ënety ja Wintsën të myo'oyë ja ixpëkyajtën wi'ix tu'uwinye'eyëtyën ja naax kajpn mëtëy.

1 Samuel 18:28

E ja Saúl y'ijx ko ja Wintsën pyutëjkëp ja David oyjyëna'ajëty ets oymyaajëty, ojts näjyëtu'un ja nyëëx Mical mëk tsoky tjawë ja David.

Génesis 39:3

Yë wyintsën, ko ojts t'ixy, ko ja José Dios mëët yajpaaty, paaty winë aak'oy wyimpëtsë'ëmxëty.

2 Crónicas 15:10

Jam ye'eymyujktë Jerusalén, ma tyëkëëkpo'opetyën ja mëmajkmokx jëmëjtpë, ma tyëkën yajkutujkpë ja Asá.

Ezequiel 37:16

Kajpë'ëk tu'uk yë kepy ets jam mkëxja'ajëty, jëtu'un xyaj'ëna'anëty: Yë Judá kajpn ets tëkokyë yë Israel kajpn mëti'ipë mëët tu'ukyë nyäyaj'ityën. Kajpë'ëk wiinkpë kepy ets jam mkëxja'ajëty, jëtu'un xyaj'ëna'anëty: José, mëti'ipë yë Efraín kutënaayëpën ets tu'kë'ëyë yë Israel kajpn mëti'ipë mëët tu'ukyë nyäyaj'ityën.

Génesis 26:28

Ënet y'ëtsoowtë yë'ëjëty: Ëëtsëty n'ijxtëpës jëtu'un, ko yë Dios oy tsuj mëët'atyë, paaty ëëtsëty njamay njatajtë ets jeexyë tu'uk yë käjpxytyu'unën ntu'unëmë. E ya'atë jëtu'un käjpxy tyu'unën'atëp.

2 Crónicas 19:4

Josafat jam ijty tsyëënë Jerusalén, je'eyëp ko xëmë nyijkxy jam ma kyajpnën, tsyoony jam Beerseba ets nyijkxy ma tunjotpë kopkjotpë ja itjotmën, mëti'ipë Efraín jyä'äy nyitënaaytyëpën, yë'ë tyuk'ëne'empy ja jyä'äy ets wyimpitëty ma ja Wintsënën.