2 Crónicas 15:3 - Biblia Dc en Mixe de Quetzaltepec

³ Yë Israel jeky jëtu'unyë të y'ity, ka'ap tnijawë pën Wyintsën'ajtyp, pën mëtëy tyeety'ätyp mëti'ipë yaj'ijxpëjkpën ets tukn'ijxëyëpën winë.

Biblia Mixe de Quetzaltepec

³ Yë Israel jeky jëtu'unyë të y'ity, ka'ap tnijawë pën Wyintsën'ajtyp, pën mëtëy tyeety'ätyp mëti'ipë yaj'ijxpëjkpën ets tukn'ijxëyëpën winë.

2 Crónicas 15:3 ပူးပေါင်းရင်းမြစ်များ

Nehemías 8:9

Ko ja ja'ay tmëtoow'ijtë ja ënä'ämën ets tja'akyujkëtyë wi'ixjaty y'ënä'änyën tä tyëjkëtyë jëëpyë yaxpë, ko jëtu'un t'ijxy ja yajkutujkpë Nehemías ets ja yaj'ijxpëjkpë Esdras ënät t'ënëmaaytyë ja naax kajpn ko këtii myontëty tyuktëty jä'ä ko ja xëëw po'o jä'ä ënety ja Wintsën të yajtuknipëjktaakë ets jää yajmëjjaw yajaantyjyawëty.

Malaquías 2:7

Kopkpëky ko yë teetytyëjkëty jëtu'un mëpaat tyuntë ets ja'ay tuk'ëwaanëtëty wi'ixës mëpaat xy'ixy'atën ets ja'ayëty kopkpëky ko tyajtëwtëty yë teetytyëjkëty wi'ix mëpaat tnijawëtën ëjts yë n'ijxpëjkënës, jä'ä ko yë'ëjëty, yë'ë nyikajpx nyimëtyaktëp yë aaw ayuk mëti'ipë yë Wintsën, mëti'ipë maaytyääyëpën winë y'aaw'ajtyp y'ayuk'ajtypyën.

Miqueas 3:11

Ja wintsëntëjkëty mëti'ipë winë jeexyë oy pyaye'eytyëpën y'ëxajëtëp yë meeny ets ka'ap tii oy tpaye'eytyë; yë teetytyëjkëty yi'iyë ja'ay tyuk'ijxpëjktëp wi'ix tyaktëtyën ja wit meeny may'äämpy ets käjpxynyajxpëtëjkëty tyo'knëtëp ja y'aaw y'ayukëty ko nyätyijyë winë t'akajpxtë, jä'ä ko y'ëna'antë ko yë'ë Dios mooyëtëp yë winma'any ets yë'ë të myëkajpxëtë, jä'ä myäytyë tyajtë: Yë Dios yë'ë yajpatp mëët ëëtsajtëm; tii xynyajajtmëp.

Oseas 3:4

Jä'ä ko yë Israel ja'ayëty jeky ka'ap tmëët'ata'antë yë kyutujkpëty ets mëti'ipë nikopk'atëtëp, ka'ap tyaka'antë wintsë'kën ets ka'ap t'ëwtata'antë ja tsaanipiy kënu'kxypyë, ka'ap tmëët'ata'antë yë teety wit ets awinax mëti'ipë tu'kjëën tu'ktëjk myëët'ajtëpën.

Jeremias 10:10

Yë Wintsën yë'ë Tios'ajtp mëtëy, yë Dios mëti'ipë juukyën, mëti'ipë xëmë yajkutujkpën. Ko jyoot'anpëky, yu'kxp yë naaxwiinyëtë; yë naax kajpn pojyën yu'kxpëky.

Romanos 2:12

mëti'ipë pokytyuuntëpën ets ka'ap nijawëtë ja Dios ja y'ënä'ämën, nëjkxëp kyutëkoytyë ko tkanijawëtë ja ënä'ämën, e mëti'ipë nyija'awëtyëpën ja Dios ja y'ënä'ämën ets pyokytyuntë, nän ja ënä'ämën nëjkx yajtukpaye'eytyë.

Deuteronomio 33:10

Yaj'ijxpëjktëp yë Israel ja'ayëty ets tyukni''ijxëtyëp yë m'ënä'ämën mtëyajtën ets ja m'aaw m'ayuk. Pyëjkta'aktëp ma wintsë'këntyaknën yë poom ets wintsë'kën mëti'ipë jëyujk ookyën mijts mwintuuy.

1 Juan 5:20

Nnija'awëm näjyëtu'un ko paaty ja Dios U'unk të xynyimi'inëmë ets nnija'awëmëty ja Dios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Dios, mëti'ipë yäjkpyën ja juukyajtën xëmëkyëjxmëpë.

1 Timoteo 3:2

Paaty, jëtu'unpë ja ja'ay ka'ap tjëkyëpy wi'ix yaj'ojëty. Tu'ukyë mëpaat ja tyo'oxytyëjk tmëëttsëënë ets mëtëy jyuuky'atëty; niwijy ets mëët. Yajja'ajta'akëp ja jëpyaat jëpyo'kxy ma tyëjkën; ets jyatëp wi'ix yaj'ixpëkëtyën;

1 Tesalonicenses 1:9

Yë'ë kë'ëm nyimëtyaktëp wi'ixës ojts miits jotkujk xykyupëktën ets wi'ix të xy'ëxmatstën ja wiink tios ets xymyëpëjktë ja Dios juukpyë mëtëypyë

1 Corintios 9:21

Jatu'kpëky etsës nmëmëta'aktë mëti'ipë ja Moisés ka'ap ja y'ënä'ämën tpatuunëtën, näjyëtu'unës të näpyëjktä'äkyë ijxtëm yë'ëjëtyën, oyës ëjts ja Dios njamëtuny ets ja Kristë ja y'ënä'ämën njapa'ap'ijtëyë.

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.

2 Crónicas 17:7

Kom tëkëëk jëmëjt ja tyuunpë tkejxy mëti'ipë txëëwajtëpën Ben-hail, Absadías, Zacarías, Natanael ets Micaías, jam Judá ets tukni''ixëja'any mëti'ipëjaty kajpn jamën,

Amós 8:11

Jëtu'un yë Wintsën y'ënä'äny: Miimp wiinkoonp ja xëëw jëmëjt, maas nkäxa'anyën ja yuu xëëw naaxwiiny naaxkëjxy; ka'ap yë'ëkyëjxmëty ko tyëkoy'ata'any yë kääky uuky ëkë ko nëëtëëtsë y'ita'any, yë'ëkyëjxm ko jyatsokëp ja'ay ja Wintsën ja y'aaw y'ayuk ets jyamëtoow'ita'anëp.

Lamentaciones 2:9

Ja naax kajpn tëë ja nyitëjk'aaw mya'taaynyë ets mëti'ipë mëët y'ëtukyën nän tëë mya'ta'ay; tëj joow të jyajta'ay, aak naaxkëjxy të kyëtakta'ay. Yë yajkutujkpë ets y'ënä'ämpëtëjk aakjam yajpata'atë wiink naax wiink kajpn ma ja'ay wiink tios t'ëwtatën; ka'ap maa ja Dios ja tyiyajtën y'ëkyajpatnë. Yë kyäjpxynyajxpëtëjk ka'ap y'ëkwinkëmaanëtë ets Wintsën tii y'ëktuk'ijxënëtë.