2 Crónicas 13:9 - Biblia Dc en Mixe de Quetzaltepec

⁹ ¿Ix ja Wintsën ja tyeetytyëjk të xy'ijxwojptaayë, mëti'ipë ja Aarón y'u'unk'ajtyp y'ok'ajtypyën ets ja Leví ja'ayëty? Jëtu'un kë'ëm ja mteetytyëjkëty të xynyikajpxpätë tä wiinkëtypë naax kajpn y'ëtë'ëtstën. Ets ënät m'ëna'antë ko oy pën tyimminëty, miitsëty je'eyëm näkyënu'kxë xypyaata'antë, mëët yë'ë ko tmëminy tu'uk yë tsyajpkaa ets wëxtujk yë tsyajpax, oypyënëty jyëkyejpy tyeety'atëty ma ja wiinkëtypë ja awinaxën mëti'ipë ka'ap Wyintsënëtyën.

Biblia Mixe de Quetzaltepec

⁹ ¿Ix ja Wintsën ja tyeetytyëjk të xy'ijxwojptaayë, mëti'ipë ja Aarón y'u'unk'ajtyp y'ok'ajtypyën ets ja Leví ja'ayëty? Jëtu'un kë'ëm ja mteetytyëjkëty të xynyikajpxpätë tä wiinkëtypë naax kajpn y'ëtë'ëtstën. Ets ënät m'ëna'antë ko oy pën tyimminëty, miitsëty je'eyëm näkyënu'kxë xypyaata'antë, mëët yë'ë ko tmëminy tu'uk yë tsyajpkaa ets wëxtujk yë tsyajpax, oypyënëty jyëkyejpy tyeety'atëty ma ja wiinkëtypë ja awinaxën mëti'ipë ka'ap Wyintsënëtyën.

2 Crónicas 13:9 ပူးပေါင်းရင်းမြစ်များ

Jeremias 2:11

Pën tëë tu'uk ja naax kajpn tios tyajtëkatsy mëti'ipë wiink tios y'ëwtajtypyën, ja tios ka'apë tiosëtyën.

Éxodo 29:35

Mtunëp jëtu'un tu'kë'ëyë ya'atë mëët yë Aarón ets y'u'unk y'ëna'k, ijxtëm yam të ntukni''ixën. Wëxtujk xëëw xytyuunk'atëty ets xyajwatsta'ajëty winë,

Gálatas 4:8

Ko ijty miits ja Dios ka'ap xynyijawëtë, yë'ë ijty mmëtuuntëp ja ka'apë Tyiosëtyën.

Hechos 19:26

Tëë xy'ixtë xynyijawëtë ko tää ja Pablo jyëtity ets y'ënä'äny ko ka'apëk tyiosëty mëti'ipë ja'ay y'oytyuunpyën. Tëë ja'ay may yajtukmëpëktë jëtu'unpë ja winma'any, ka'ap yääyëty Éfeso, näjyëtu'un jam Asia nyaaxjotm.

Oseas 8:6

Tääpë Samaria ja'ay y'awinaxëty mëti'ipë y'ëwtajtëpën, ka'ap yë Tyiosëty, tsäjtspë ja'ay të yajkojyë ets ma'ataanp yë'ë.

Jeremias 5:7

Jëtu'un yë Wintsën y'ënä'äny: ¿Wi'ix n'ëknimä'kxëty mëët ijxtëm të mtimy'ëti'ityën? Yë m'u'unk m'ëna'k tëëjës xy'ëxmajtstaaynyëtë ets ko tii nikajpxtë yë'ë tyukajpxpäjnëtëp yë xyëëw ka'apë tiosëtyën. Ojtsës nyajkaytyë mëjwiin këjää, e yë'ëjëty ka'apës të xy'ëkwinkutsë'kënëtë, wiinktsow të nyëjkxnëtë, jëtu'un tä tu'uk yë to'oxytyëjkën mëti'ipë wiink ye'etyëjk pyanëjkxypyën.

1 Crónicas 29:5

Tu'kë'ëyë yë pu'ts pujxn ets poop pujxn tyam nyäkyës ets jam tyunëty maajaty winë yaj'oytyuna'anyën mëti'ipë pujxnën ets ma tu'kë'ëyë winë t'oytyuna'antën yë wijjyä'äyëty mëti'ipë nyija'awëtyëpën jëtu'unpë tuunk. E tyam, ¿jam pën jëtu'un ja jyot wyinma'any kë'ëm tpatpë ets wäänë näjyëtu'un tyakaanpë tiijë?

2 Reyes 19:18

ets ko tëë ja tyios tyajkutëkooytya'atë jëënjoty, jä'ä ko ka'ap ja tyios'atë, aakyë'ë ja tsaatsetsy, mëti'ipë ja ja'ay kë'ëm y'oytyuunpyën. Paatykyëjxm të timyajkutëkoytyë.

1 Reyes 13:33

Ja aaw ayuk mëti'ipë ja Wintsën ja myëtuunpë jyakajpxën, Jeroboam kä'äpyëm t'ëxmajtsy ja y'ëxëëk winma'any, ni'ikyënëm ojts tpëjktä'äky ja teety jam tsajptëkotm maajaty ja awinax y'ityën ka'apë mëpaat yaj'ëwtatyën. Pënjatyëty ënety jëtu'unpë ja tuunk y'atsojkpyën, Jeroboam poj'am ja tyuunkmooyë ets kyënu'kxyë ets tyeety'atëty ma ja tsajptëjkën, ma jap myäy'itën ja awinax ka'apë mëpaat yaj'ëwtatyën.

Deuteronomio 32:17

Ko të tmo'otë yë wyintsë'kën yë mëjku'u mëti'ipë ka'ap tyiosëtyën ets ka'ap t'ixy'atë. Ja maywyintsën mëti'ipë tyijtëpën, ko jemy, mëti'ipë ka'ap nijëna'a ja y'aptëjk t'ixyajtën.

Éxodo 32:29

Ënet ja Moisés y'ënäny: Tyam jëtu'un miitsëty xy'ëxajëtë yë kuttujkën mëti'ipë yë Dios tyam mooyëtëpën, mëët ko miitsëty ka'ap yë wyinma'anyëty të xymyëpëjkëtë ja mmaankëty ëkë ja mëkä'äxëty. Paaty jëtu'un miitsëty mëj këjää yë Dios mkënu'kxa'an mjëkyäpa'anëtë.

Éxodo 29:1

Ko pën xykyënu'kxëty mëti'ipë teety'ataanpën, ya'atë mtunëp: tu'uk xy'ixëty yë tsajpkaayä'äy ayääkë ets mäjtsk yë kupixyny yä'äy ayääkë, oypyë mëkpë ets kä'pxypë,

Éxodo 29:29

Yë wyit yë Aarón yë'ë nëjkx tmëwë'ëmtë yë y'u'unk y'ok, ko ënety näjyëtu'un yajkënu'kxtë ets tyeety'atëty ets jëtu'un tpa'atwa'akëtë ja ënä'ämën kuttujkën.

2 Crónicas 13:10

E ëëtsëty ënät, ja nTiosëtyës yë'ëjës nWintsën'ajtëp ets nijëna'a yë'ë të nka'ëxmatstës. Ja teetytyëjkëty mëti'ipë jam ja Wintsën myëtuuntëpën aakyë'ë Aarón yë y'u'unk y'ok, mëti'ipë jam wiinkëëy kujkëëytyëpën yë'ë yë Leví ja'ayëty.

2 Crónicas 29:31

Ënet ja Ezequías t'ënëmaay ja ja'ay, miitsëty tëë tyam ja näypyuj näjyä'ätsë xypyaatë, mëmintë ets tukmëjjawëtë ënät ja mWintsënëty mëti'ipë yë'ë patëpën ets xyajnaxtëty ja kukkajpxën ja'awëkyëtakkën. Ënet ja naax kajpn ojts tukwintsë'ëkëtë ja Wintsën mëti'ipë ënety të myo'ojëtën, mëti'ipë ojts tukwintsë'ëkë ja Wintsën ja jëyujk'ooky nino'okpyë nixämpyë.