2 Crónicas 10:6 - Biblia Dc en Mixe de Quetzaltepec

⁶ ënät ja yajkutujkpë Roboam tyajtëëy ja mëjja'aytyëjk mëti'ipë ënety mëët të tyuntën ja tyeety Salomón, ko ënety jyuuky'ätynyëm. Jëtu'un tyajtëëy: Miitsëty ¿wi'ix m'ëna'antë, wi'ixës tyaapë ja'ay mëpaat n'ëtsoy?

Biblia Mixe de Quetzaltepec

⁶ ënät ja yajkutujkpë Roboam tyajtëëy ja mëjja'aytyëjk mëti'ipë ënäty mëët të tyuntën ja tyeety Salomón, ko ënäty jyuuky'ätynyëm. Jëtu'un tyajtëëy: Miitsëty ¿wi'ix m'ëna'antë, wi'ixës tyaapë ja'ay mëpaat n'ëtsoy?

2 Crónicas 10:6 ပူးပေါင်းရင်းမြစ်များ

Job 32:7

Ets të nmay të ntajyës: Wä'än tkajpxtë ja jot winma'any mëti'ipë myëët'ajtëpën ja ja'ayëty tëëpë jyuuky'atën; wä'än tyajnikëxë'ëktë ko tëë kanaak jëmëjt jyuuky'atë.

Jeremias 42:20

Miitsëty mëj këjää mtëkoytyë, miitsëty ojts kë'ëm m'ëna'antë koos yë Wintsën nmëkajpxëty mëti'ipë mTiosajtëpën, kë'ëm të xy'ëk'ënëëmëtës: Mënu'kxta'ak yë Wintsën mëti'ipës nTios'ajtëpën mëët ëëtskyëjxmëty ets ënät xytyuknijawëtëtyës wi'ix y'ëtsoyën ets jëtu'un winë ntuntëtyës.

Proverbios 27:10

Kajëna'a ja mjëëky mmëku'uk xykyaja'atyëkoyëty, ni yë'ë ja mteety ja jyiiky myëku'uk mëti'ipë mëët të nyämyäyën. Nijëna'a jam xykyamënëjkxëty ja m'amay mjotmay ma jyëën tyëjkën yë mmëkä'äx.

Proverbios 19:20

Ja'akyukë ja näy'ëëwij näkyajpxwijë ets kupëk ko ënety pën mtuk'ënë'ëmxëty ma winë oy xykyatunyën; jëtu'un xyajkëxë'ëkëty ko ënety mwijyëty.

Proverbios 12:15

Yë tsuuja'ay jëtu'un myäy tyäjy ko tëkokyë mëti'ipë tyuunpyën aak'oy yë'ë; e yë wijyjyä'äy myëtoow'ijtyp ko yaj'ëëwijy yajkajpxwijy.

2 Samuel 16:20

Ok ja Absalón tyajtëëy ja Ahitófel: ¿Wi'ix miitsëty m'ëna'antë tii mëpaat ntu'unëm?

2 Crónicas 10:5

Tä ja Roboam y'ëtsooy: Tëkëm jatëkok mmintëty. Tä wyimpijtë,