2 Crónicas 10:2 - Biblia Dc en Mixe de Quetzaltepec

² E ja Jeroboam, ja Nabat ja myaank, jap ënety tsyëënë Egiptë, mëti'ipë kyukäkën ja Salomón, ojts tnijawë ko ja Roboam yajnikajpxpäta'any ets yajkutukëty, ënät tsyo'ony jap Egiptë.

Biblia Mixe de Quetzaltepec

² E ja Jeroboam, ja Nabat ja myaank, jap ënäty tsyëënë Egiptë, mëti'ipë kyukäkën ja Salomón, ojts tnijawë ko ja Roboam yajnikajpxpäta'any ets yajkutukëty, ënät tsyo'ony jap Egiptë.

2 Crónicas 10:2 ပူးပေါင်းရင်းမြစ်များ

1 Reyes 11:40

E mëët ya'atë ja winma'any, paaty ja Salomón ojts tjayaj'ooka'any ja Jeroboam; je'eyëp ko ja Jeroboam poj'am ojts kye'eky ets ojts nyijkxy jap Egiptë, ma ënety yajkutukyën ja Sisac, japts ojts tsyëënë koonëm y'o'ky ja Salomón.

1 Reyes 12:2

E ja Jeroboam, yë myaank yë Nabat, ojts tnijawë, japnëm ënety yajpaaty Egiptë, ma kyäktsokyën ko ja Salomón jyayaj'ookanë, e jap ënety të jyuuky'äty jeky.

1 Reyes 11:28

Yë Jeroboam amëk jotmëk ijty jyä'äy'äty ets winë aaw winëjot winë tuny; ko ja Salomón jëtu'un t'ijxy ënät ojts yë'ë tpëjktä'äky ets tnikopk'atëty ja José ja y'u'unk y'ok.

1 Reyes 11:26

Näyjyëtu'un yë Jeroboam, yë myaank yë Nabat, ojts tmëtsiptsoony ja yajkutujkpë. Jeroboam yë'ë ënety mëët tyuunmuky yë Salomón ma jam yajkutukyën, jam ja kajpn t'atänë Seredá ma ja Efraín ja'ay tsyëënëtën. Yë'ë tyaak'ajt tu'uk ku'ookytyo'oxy mëti'ipë xyëëwajtypyën Zerúa.

2 Crónicas 10:3

Ko yajyaxtsooy, ënät yë Jeroboam mëët yë Israel ja'ayëty ojts tninëjkxtë yë Roboam ets mëët myëtyaktë, jëtu'un t'ënëmaaytyë:

2 Crónicas 9:29

Ma yajnimëtyä'äkyën yë Salomón, wi'ix tsyo'ontäkyën ets wi'ix jyëjpkëxyën, jap myiinta'ay këxja'ay ma ja nokyën mëti'ipë Natán jyääyën ets ma myinyën ja Ahías ja y'aaw y'ayuk jampë kyukajpnëtyën Siló, mëti'ipë Wintsën myëtuunën ets ma myinyën këxja'ay mëti'ipë ja Iddo ja Wintsën tuk'ijx tukmëtoowën wi'ix ënety ja Jeroboam jyata'any kyëpäta'anyën, ja Nabat ja myaank.