2 Crónicas 10:1 - Biblia Dc en Mixe de Quetzaltepec

¹ Ja Roboam ojts jam nyijkxy Siquem, jä'ä ko jam ënety të nyëjkxta'atë ja Israel ja'ayëty ets tnikajpxpäta'antë ja Roboam ets yë'ë yajkutukëty.

Biblia Mixe de Quetzaltepec

¹ Ja Roboam ojts jam nyijkxy Siquem, jä'ä ko jam ënäty të nyëjkxta'atë ja Israel ja'ayëty ets tnikajpxpäta'antë ja Roboam ets yë'ë yajkutukëty.

2 Crónicas 10:1 ပူးပေါင်းရင်းမြစ်များ

Mateo 1:7

Salomón yë'ë teety'ajtë Roboam, Roboam yë'ë teety'ajtë Abías, Abías yë'ë teety'ajtë yë Asá,

1 Crónicas 12:38

Tëkokyë ya'atë tsiptuunpëtëjkëty mëti'ipë ojts nimay yajxon myuktën ets jëjp'ixy tyimyajpaatë oy ja tsip tyimpëtë'ëka'anëty, yë'ë jëtu'un ojts nyëjkxtë jam Hebrón ets ja David tnikajpxpäta'antë ets yë'ë tyëkëty yajkutujkpë ma ja Israel ja nyaax kyajpnën; e ja wiinkëtypë ja Israel ja'ayëty nän jëjp'ixy ja ënety tyimyajpaatë.

1 Crónicas 3:10

Ko yë Salomón yi'iyë y'u'unk y'ok yajmëtyoy, jä'ä xyëëwajtë: Roboam, Abías, Asá, Josafat, Joram, Ocozías, Joás, Amasías, Azarías, Jotam, Acaz, Ezequías, Manasés, Amón ets Josías.

1 Reyes 4:1

Yë Salomón ojts t'ënä'ämta'ay yë Israel kajpn.

Jueces 9:1

Ënet yë Abimélec ojts nyijkxy jam Siquem, yë Jerubaal yë myaank ets myëtya'aka'any mëët ja myëku'uktëjk mëti'ipë ënety ja tyaak mëët nyämyëku'uk'atyën, ets t'ënëmaay:

Josue 24:1

Ënet yë Josué tyajtu'ukmujktaay yë Israel ja'ay jam Siquem. Ojts tmëkajpxmuky jam Wintsën wintum yë mëjja'aytyëjkëty, kopktëjkëty ets tsiptuunpë wintsëntëjkëty,

Josue 20:7

Ënet ja Israel ja'ayëty ojts tjantywyin'ixtë ja kajpn mëti'ipë tsoktakn wa'anëpën ma ja ja'ay kyäktso'oktëtyën, yë'ë ojts twin'ixtë ja Quedes kajpn. Jampë Galilea kopkjotm yajpaatyën mëti'ipë ja Neftalí nyitënääpyën; ja Siquem jampë kopkjotmën mëti'ipë Efraín nyitënääpyën; ja Quiriat-arbá mëti'ipë näjyëtu'un yajtijpën Hebrón ma ja kopkjotmën mëti'ipë yë Judá nyitënääpyën.

Génesis 12:6

Abram ojts tuknajxta'ay tääpë it naaxwiinyëtën ets jyä'äjty ma jam ja itjot txëëwatyën Siquem, ma ënety jam tu'uk ja xoj kepyën kënu'kxypyë mëti'ipë jyä'ä'ajtypyën yë Moré. Yë Canaán ja'ayëty jamnëm ënety tsyëënëtë ma ja jampë ja it naaxwiinyëtën.

2 Crónicas 10:2

E ja Jeroboam, ja Nabat ja myaank, jap ënety tsyëënë Egiptë, mëti'ipë kyukäkën ja Salomón, ojts tnijawë ko ja Roboam yajnikajpxpäta'any ets yajkutukëty, ënät tsyo'ony jap Egiptë.

2 Crónicas 9:31

ko y'o'knëy jam nyaaxtëjkëy ma David kyajpnën, mëti'ipë tyeety'ajtën. Yë'ë kutëjkëyë ma yajkutujktaknën ja myaank Roboam.