2 Crónicas 1:8 - Biblia Dc en Mixe de Quetzaltepec

⁸ Ënet ja Salomón t'ëtsooy ja Wintsën: Mijts janty'oy ojts xymyëët'aty ja nteetyës David ets tyampaat je'eyëm, ix mijts të xypyëjktä'äkyës yajkutujkpë ma ijty yë'ë yajkutukyën.

Biblia Mixe de Quetzaltepec

⁸ Ënät ja Salomón t'ëtsooy ja Wintsën: Mijts janty'oy ojts xymyëët'aty ja nteetyës David ets tyampaat je'eyëm, ix mijts të xypyëjktä'äkyës yajkutujkpë ma ijty yë'ë yajkutukyën.

2 Crónicas 1:8 ပူးပေါင်းရင်းမြစ်များ

1 Crónicas 28:5

E maas ja n'u'unk n'ëna'kën, ijxtëm yajnijawën ko nimay oyëty mëti'ipës yë Wintsën të xymyo'oyën. Yë Wintsën yë'ë të twin'ixy yë nmaankës Salomón ets yë'ë t'ëxajëty ja kutujktakn, ma ja Wintsën ja ënä'ämën kuttujkën tyaj'ityën ma ja Israel ja'ayëtyën.

Isaías 55:3

Nimiintëkës ets ja'akyukëtë n'aaw n'ayukës, mëtoow'ijtëkës ets mjuuky'atëty. Ëjts ntunäämpyës tu'uk käjpxytyu'unën xëmëkyëjxmëpë y'itëtyën, ets nyaj'atëwa'anyës ja waantakën mëti'ipës ja David ojts ntukwinwanën.

Salmos 89:49

Wintsën, ¿maa ja mtsojkën mja'awën të nyijkxy? mijts jëtu'un m'ëna'any ko yë tsojkën ja'awën yë'ë kopkpëky, ojts xytyukwinwanë ja David ko oy winë xytyuna'any ma yë'ëjën.

Salmos 86:13

Mëjwiin këjää yë mtsojkën mja'awën xymyëëtëty mëët ëjts. Tëës mijts xyajtso'oky, ets ka'ap të xy'ëwa'atsy etsës n'ookëty ntëkoyëty etsës nka'ajëty jap o'kpëjutjoty.

1 Crónicas 29:23

Ja Salomón ojts tmëwë'ëmy ja kutujktakn, mëti'ipë ja Wintsën jyä'ä'ajtypyën, tkutëjkënë ja tyeety David, oy tyuuntso'ony ets ojts wyimpäjtkojy ma ja kyutujkënën. Aak mëmëtoowëp ijty ja Israel ja'ay.

2 Samuel 22:51

Yajmëta'ak xëmë jam tsipjotm myajkutujkpë mëti'ipë kë'ëm mwin'ijxën; ets mëët'at xëmë mkë'ëjotm yë David yë y'u'unk y'ok mëët ja mtsojkën mja'awën.

1 Reyes 3:6

Tä ja Salomón y'ëtsooy: Mijts oy ojts ja nteetyës xyjyawë, ja David mëti'ipë oy tsuj mëtuunën; yë'ë ojts mëtëy jyuuky'äty ets oy ja jyot wyinma'any tyaj'ijxë ma mijtsën. Paaty xy'oyjya'awëy ets të xy'a'ixë tu'uk yë y'u'unk myääy t'ëxajëty ja kutujktakn, ijxtëm tyam yaj'ixy yajnijawën.

1 Crónicas 17:16

Ënet ja David ojts tmënpëjktsoy ja Wintsën ets t'ënëmaay: Wintsën, ¿tim pën ëjtsnë ets tim pën ja n'u'unk n'ëna'kës, nto'oxytyëjkës ets xymyo'ojëtyës ya'atë oyajtënë?

1 Crónicas 29:28

Mëjja'ay ënätynyë ko ojts y'o'knë, jeky jyuuky'äjty, ojts ja wit meeny may tmëët'aty, tyuun kyajpx winë mëjwiin këjää, akäjpxy oymyaajëty y'ijty. Ko ojts y'o'knë yë myaank Salomón, yë'ë kutëjkëyë ma kutujktaknën.