2 Crónicas 1:2 - Biblia Dc en Mixe de Quetzaltepec

² Ënet tëkok tmëkajpxmujkta'ay ja Israel ja'ayëty: Mëti'ipë nyiwintsën'ajtën ja tsiptuunpëtëjkëty, kutuunktëjkëty, wintsëntëjkëty ets u'unkteety u'unktaak mëti'ipë ënety ijtëpën mëj'äämpy ma ja naax kajpnën.

Biblia Mixe de Quetzaltepec

² Ënät tëkok tmëkajpxmujkta'ay ja Israel ja'ayëty: Mëti'ipë nyiwintsën'ajtën ja tsiptuunpëtëjkëty, kutuunktëjkëty, wintsëntëjkëty ets u'unkteety u'unktaak mëti'ipë ënäty ijtëpën mëj'äämpy ma ja naax kajpnën.

2 Crónicas 1:2 ပူးပေါင်းရင်းမြစ်များ

1 Reyes 3:4

jëna'ajëty ijty nyijkxy jam Gabaón ets ja wyintsë'kën jam tyäky, jä'ä ko wäänë këjxm ënety tääpë kopk ets yë'ë ni'ik mëj'äämpy pyëjktaktëp; jä'ä ijty ja wintsë'kën tyäky tu'uk mil aakyë'ë mëti'ipë nitoopyën.

1 Crónicas 13:1

David ojts tyajtëy ja mëti'ipë nyiwintsën'ajtëpën ja tsiptuunpëtëjk, mëti'ipë wyinye'eytyëpën ja myëku'ukëty, ja mëti'ipë wintsën'ajtëpën,

1 Crónicas 15:12

tä t'ënëmaay: Miitsëty mëku'uktëjkëty ma xynyikopk'atën ja mnaax mkajpnëty, myajpëjktsowtë ets mnäpyuj mnäjyä'ätsëtëty, näjyëtu'un ja mjëëky mëku'ukëty ets tjëkyäpëty wi'ix ja Wintsën ja kyaaxë xyajtsoonëtëtyën ets yajmënëjkxëty ma të yajni''ixën;

1 Crónicas 15:3

Tä tyajtu'ukmujktaay ja Israel ja'ayëty jam Jerusalén ets tyajtsoona'antë ja Wintsën ja kyaaxë, tmënëjkxa'antë jam ma ënety të tnipëjktaakëtën.

1 Crónicas 24:31

Näyjyëtu'un yë'ëjëty ojts nyäyyajwa'kxëtë, aak ijxpëtsëmy ojts nyikääkëtë ja tuunk, ëpëky ja mëj ëna'ktëjkëty ets ëpëky ja mutsk ëna'ktëjkëty, jëtu'un tä myëku'ukëtyën ja Aarón ja y'u'unk y'ok, ko ojts nyäyyajwa'kxëtë nän tam'ajtëp ënety ja yajkutujkpë David, teety Sadoc, teety Ahimélec ets ja mëti'ipë ja jyiiky myëku'uk nyikopk'ajtëpën, ja jyëën tyëjkëty ets ja Leví ja'ayëty.

1 Crónicas 24:4

E ojts t'ixtë ko Eleazar y'u'unk y'ok may ënety ni'ik këtiinëm jyëtu'unëty yë Itamar y'u'unk y'ok, paaty ojts tpëjkwa'kxtë ja Eleazar ja jyä'äy ets ojts wyë'ëmtë nimajkmokx tu'uk mëti'ipë nyiwintsën'ajtën ja myëku'uktëjk ets nituktujk ja Itamar ja jyä'äy.

1 Crónicas 27:1

Ma ya'atën, yë'ë yajnimëtya'akaanp ja ja'ayëty mëti'ipë ojts tnikopk'atën ja y'u'unk y'ëna'këty, y'u'unk tyo'oxytyëjkëty; mëti'ipë nyiwintsën'ajtën ja tsiptuunpëtëjkëty, tuunpëtëjkëty ets mëti'ipë mëët tyuunmujktën ja yajkutujkpë; mëti'ipë yajtijtëpën wintsëntëjkëty ets tu'kë'ëyë mëti'ipë ënety tyu'uwinwoowtëpën ja tsiptuunpëtëjkëty; winpo'ojëty ojts tyuka'ajëtë ets nyäxy jëtu'un ja xëëw jëmëjt. Ja tu'kpëkyjyätypë ja këwent'ajtpëty, i'px majktaxk miljaty ijty yajpëjkta'aktë.

1 Crónicas 28:1

David ojts tyajmujkta'ay jam Jerusalén tëkokyë ja kutuunktëjkëty, kopktëjkëty ets mëti'ipë kyutënaaytyëpën ja myëku'uktëjk; mëti'ipë tsiptuunpë wintsën'ajtëpën ma yajkutujkpën, mëti'ipë wyintënaaytyëpën ja tsiptuunpëty; mëti'ipë tu'kpëkyjyäty wyintënaaytyëpën ja tsiptuunpëtëjkëty, mëti'ipë ja naax kam yajtuknipëjktën tniwintsën'atëty ets ja jëyujk tsajpkaa ets ja y'u'unk y'ëna'këty ets ja ja'ayëty mëti'ipë ijtëpën naaxjoty kajpnjoty ets tëkokyë ja tsiptuunpëtëjkëty.

1 Crónicas 29:1

Ok ja yajkutujkpë t'ënëmaay ja mayjyä'äy: Yë n'u'unkës Salomoon, ja tu'ukyëpë ja Wintsën të twin'ixyën, mutsknëm yë oy, e ja tuunk mëti'ipë të tyuka'ayën mëjwiin këjää yë'ë, jä'ä ko ka'ap jyëtu'unëty tä ja'ay kutujkëntëjk je'eyë tkoyën, yë'ë Wintsën jyëën tyëjk kyojanëp.

2 Crónicas 1:3

Ko jëtu'un nyiye'eypyäjtaaytyë ënät tsyo'ontë tu'ukmukyë ets nyëjkxtë jam Gabaón, ma yajpaatyën ja wit tëjk ma ja näpyaatë y'ityën mëët ja Wintsën, mëti'ipë ënety ja Wintsën ja myëtuunpë Moisés të t'oytyunyën jam të'ëts'itjotm.

2 Crónicas 29:20

Ja yajkutujkpë Ezequías tsojk ojts pyëtë'kojy ets tyajmujktaay ja kutuunktëjkëty jampë yajpaatën ma ja naax kajpnën ets ojts mëët nyijkxy ma ja tsajptëjkën.

2 Crónicas 30:2

Ja yajkutujkpë ojts tuknija'awëtyä'äy ja mëjja'aytyëjk ets ja naax kajpn tnijawëtëty ko jää yajnixëëwtunëty ja ëmaayxyëëw ma ja mëmäjtskpo'opë y'änyën tääpë jëmëjtpë,