2 Corintios 9:2 - Biblia Dc en Mixe de Quetzaltepec

² Jä'ä ko nnija'apës ko mputëkëja'antë tsojkënkyëjxm, paaty akujk jotkujk të nëëmës ja Macedonia mëpëjkpëtëjkëty ko miits Acaya ja'ayëty junktë'ëy ja mwinma'any jëtu'un xypyaatë ko xyaka'antë ja putëjkën. Paaty näjyëtu'un të jyotmëkpëktë ja Macedonia ja'ayëty ko miits ja oyjyot oywyinma'any xymyëët'atë.

Biblia Mixe de Quetzaltepec

² Jä'ä ko nnija'apës ko mputëkëja'antë tsojkënkyëjxm, paaty akujk jotkujk të nëëmës ja Macedonia mëpëjkpëtëjkëty ko miits Acaya ja'ayëty junktë'ëy ja mwinma'any jëtu'un xypyaatë ko xyaka'antë ja putëjkën. Paaty näjyëtu'un të jyotmëkpëktë ja Macedonia ja'ayëty ko miits ja oyjyot oywyinma'any xymyëët'atë.

2 Corintios 9:2 ပူးပေါင်းရင်းမြစ်များ

Hechos 18:12

E ko ja Galión ojts tyuny yajkutujkpë jam Acaya, ënät ja jutiis ja'ay nyimiinëtë ja Pablo, ets tyukjoot'anpëjkëtë. Tää yajmënëjkxnë ma ja yajkutujkpën,

Hechos 24:17

Koos të njëtity kanaak jëmëjt, ënät jatëkok të nwinpityës jam Jerusalén ets nyaka'anyës ja ëyoopëja'ay ja pyutëjkën, npëjkta'aka'anyës ja yoxy.

Romanos 15:26

Jä'ä ko tëë ja näypyutëkë tyajmuktë ja nmëku'uk'ajtëmë mëti'ipë jam tsënaaytyëpën Macedonia ets Acaya ets tuknikäxtë ja mëpëjkpëtëjk, ëyoopëja'ayëty jampë Jerusalén.

1 Corintios 16:15

Mëku'uktëjkëty, mnija'awëtëp ko ja Estéfanas ja myëku'uktëjk yë'ë ojts jëyëjp tmëpëktë ja Dios ja y'aaw y'ayuk jam Acaya y'itjotm ets yë'ë tyam pyutëjkëtyëp ja ja'ayëty mëti'ipë mëpëjktëpën.

2 Corintios 1:1

Ëjts Pablo, Jesukristë y'ayuk kajpxwa'kxpë. Ëjts, mëët ja Timoteo ntuknikäxtës ya'atë noky ja mëpëjkpëtëjkëty mëti'ipë jam ye'eymyujktëpën Corinto ets ja Dios ja jyä'äyëty mëti'ipë yajpatëpën ma Acaya itjotmën.

2 Corintios 7:14

Tëëyëm ënety ja Tito nëëmës ko miitsëty oy winë xytyuntë, ets ka'apës ja n'ayuk nëkoo të nyatëkë'aty. Jëtu'un ijxtëm tyiyëty jyääntyëty miits të ntukmëmëtya'aktën, näjyëtu'un tëy jaanty ja Tito të nëëmëtës: Ko ntukjotkëtaktëpës miits ja mtuunkëty.

2 Corintios 7:4

Ntukjoot'ëmëj'ajtëp ets ntukjotkëtaktëp miitsëty. Oyës ja ëyo'on npaaty, jotmëk ets jotkujkës näjyawëty mëët miitskyëjxmëty.

2 Corintios 8:10

Miits mtuk'oy'atantëp mëti'ipës yam nikäjpxypën ets xyajwintu'upëktëty mëti'ipë junktë'ëy myajtso'ontaktën; ojts miits jëyëjp xyajmujktsoontë ja putëjkën ets tsojkënkyëjxm ojts jëtu'un mmaytyë mtajtë.

2 Corintios 8:11

Näyjyëtu'un tyam tuntë ijxtëm të xyajtso'onta'aktën, winë aaw winëjot tuntë koonëm xyaj'apaatëtëty nitu'ukjaty ijxtëm mmëta'aktën.

2 Corintios 8:19

Näy kë'ëm ja mëpëjkpëtëjk të wyin'ixyë etsës mëët nnaxëty ntëkëty etsës xytyukputëkëty ma ja näypyutëkë myaj'amëtowtën ets ja Wintsën yajmëjjaw yajjaantyjyawëty ets jëtu'un nyajnikëxë'kmëty ko mputëkëja'anëm ja nmëku'uk'ajtëmë.

2 Corintios 8:24

Yajnikëxë'ëktë miitsëty ko mëk xytsyoktë ets ja mëpëjkpëtëjk nijawëtëty ko miits ntukjotkëta'aktë.

2 Corintios 8:8

Ka'ap miits n'akwanë'atë, yë'ëjës ntsojktëp ets xynyijawëtëty wi'ix ja wiinkëtypë tmëët'atën ja oyjyot oywyinma'any ets miits näjyëtu'un xyaj'ixëtëty ko tëy jaanty xytsyoktë ja mëpëjkpëtëjk.

1 Tesalonicenses 1:7

Jëtu'un ja oypyë të xynyajtstunëtë ma ja mëpëjkpëtëjkëtyën mëti'ipë tsënaaytyëpën jam Macedonia ets Acaya y'itjotm.

Hebreos 10:24

Tsojk n'ixta'ayëm wi'ix nnäpyutëjkëmëty nixim niyam, wi'ix nätsyojkëmëty ets wi'ix ntu'unmëty ja oypyë.