2 Corintios 9:13 - Biblia Dc en Mixe de Quetzaltepec

¹³ Ko yë'ë tmëjjaw tjaantyjawëtëty ja Dios, jëtu'un ya'atë putëjkën tyajnikëxë'ëka'any ko miits xypyatuntë ja oy aaw oy ayuk mëti'ipë ja Kristë nyikäjpxypën. Näyjyëtu'un yë'ëjëty tmëjjawëja'antë ja Dios ko miits ja putëjkën xyaktë ma yë'ëjëtyën ets ma ja wiinkëtypën.

Biblia Mixe de Quetzaltepec

¹³ Ko yë'ë tmëjjaw tjaantyjawëtëty ja Tios, jëtu'un ya'atë putëjkën tyajnikëxë'ëka'any ko miits xypyatuntë ja oy aaw oy ayuk mëti'ipë ja Kristë nyikäjpxypën. Näyjyëtu'un yë'ëjëty tmëjjawëja'antë ja Tios ko miits ja putëjkën xyaktë ma yë'ëjëtyën ets ma ja wiinkëtypën.

2 Corintios 9:13 ပူးပေါင်းရင်းမြစ်များ

Hebreos 13:16

Ka'ap xyjyä'ätyëkoytyëty ets xytyuntëty ja oypyë ets tu'knax xyajtuntëty mëti'ipë mmëët'ajtëpën, jä'ä ko ya'atë jëtu'unpë wintsë'kën Dios tyukjotkëtäkpy.

Mateo 5:16

Näyjyëtu'un miitsëty, tuk'ixtë ja ja'ay ja m'oyjä'äy'ajtënëty. Jä'äts ja ja'ay y'ixtëp ets tmëjjawëtëty tjaantyjawëtëty ja Dios Teety mëti'ipë tsajpjotmën.

Gálatas 1:24

Ets ja Dios ijty tukmëjjawëtë koos ja njuukyajtën të tyajtëkatsy.

2 Corintios 2:12

Koos nja'ajty jam Troas etsës nkajpxwä'kxy ja oy aaw oy ayuk ma Kristë yajnimëtyä'äkyën, ja nWintsënës yaj'ëwats ja nnë'ë ntu'ujës.

1 Pedro 4:11

Pën jää pën kyäjpxy myëtyä'äky, jëtu'un kyajpxëty ijxtëm ja Dios ja y'aaw y'ayuk y'ënä'änyën. Pën jää pën myëku'uk tii tukputëkëja'any, yajtunëp ja myëjaaw mëti'ipë ja Dios mooyëpën. Tu'kë'ëyë tiijaty mtuuntëp mkajpxtëp, tuntë winë ijxtëm mëpaat ja Dios yajmëjjaw yajjaantyjawën ma ja Jesukristë ja xyëëwën, mëti'ipë ijta'ayxyëyëp ja mëj'ajt oyajtën. Jëtu'un y'itëty.

1 Pedro 2:9

E miitsëty Dios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Dios jä'äniwanëpën. Ets jëtu'un tkajpxwa'kxtëty ja Dios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

Hebreos 10:23

Tsojk njëjp'ijxëm ëmuumtu'ukjot mëti'ipë ja'ay ntukmëmëtyakëmën, jä'ä ko Dios, kyuuytyuunpy mëti'ipë wyaantäkpyën.

Hebreos 5:9

Ets ko ojts tyaj'apaatë ja tyuunk, ënät ojts nyäxy yajnitsokpë xëmëkyëjxm ma ja mëti'ipë mëmëtoowëpën,

Hebreos 4:14

Jesús, ja Dios U'unk, yë'ë ja nTeetywintsën'ajtëmë mëti'ipë të pya'tëkën tsajpjotm. Paatykyëjxm mëk ja mëpëjkën nmëët'ajtmëty mëti'ipë të mpatëmën.

Hebreos 3:1

Paaty mëku'uktëjkëty, ninu'un ja Dios mja'ay'atëtën, tëëpë yajyaxtsowtën, pëjkta'aktë mjootjoty mwinma'anyjyotyëty ja Kristë Jesús, ja ayukkajpxwa'kxpë, ja mëj teety wintsën.

1 Timoteo 6:12

Nitsiptun ja mëpëjkën, këtii xy'ëxmatsëty ja juukyajtën xëmëkyëjxmëpë; jä'ä ko paaty ja Dios të mwoowtsoyë ets xynyikajpxëty ja mmëpëjkën ma ja mayjyä'äyën.

2 Corintios 10:5

ets tëkokyë ja mëj këjxmëpë ja winma'any mëti'ipë y'ëtujkpyën ets ka'ap tyu'uye'eyëty ja Dios ja myëk'ajtën. Tu'kë'ëyë ja ëxëëk winma'any jamës npëjktakta'atë ma ja Kristën ets yë'ë tmëmëtowtëty,

2 Corintios 8:4

Mëk'äämpyës të xymyënu'kxta'aktë etsës nkupëktëty ja putëjkën mëti'ipë ja Dios ja jyä'äy yajtukputëkëtëpën.

Romanos 16:26

je'eyëp ko tëë tyam yajnijawë ko ja y'aaw y'ayuk të tukjaaywyi'imy ja kyäjpxynyajxpëtëjk ijxtëm tni'ënä'ämën ja xëmëkyëjxmëpë Dios ets ja naaxwiinyëtë ja'ay ni'ëmukë yajtuknijawëtëty jëtu'un tmëpëktëty ets tmëmëtowtëty.

Hechos 11:18

Ko jëtu'un tmëtoowtë ja Jerusalenkëtë mëpëjkpëtëjkëty, tää amonyë wyë'ëmtaaytyë ets ja Dios tmëjja'awëtyë: Tyam yajja'akyukë ko tëë jëtu'un ja Dios tuknipëjktaakë ets näjyëtu'un tpaatëty ja juukyajtën xëmëkyëjxmëpë mëti'ipë ka'ap jyutiis'atën, ko ja y'ëxëëk winma'any të t'ëxmatstë.

Hechos 4:21

Ënet ja kutuunktëjkëty ojts kyajpx'ëtsë'ëkëtë je'eyë ets jëtu'unyë y'ëxmajtsëtë, ka'ap tpatë ja winma'any wi'ix tyiytyunëtëty, jä'ä ko ja ja'ayëty tyukmëjja'awëtyëp ja Dios mëët mëti'ipë ënety të tyuny të jyätyën.

Juan 15:8

Jëtu'un ënety xyajnikëxë'ëktë ja nTeetyës ja myëj'ajt y'oyajtë ko mtëëmpätëty may ets tjëkyäpëty wi'ix myajtijtëtyën ko miits n'ijxpëjkpë'atë.

Lucas 6:46

Wintsën, Wintsën, jëtu'unës miits xynyëëmëtë, je'eyëp ko ka'ap xypyatuntë ja ënä'ämën mëti'ipës nikäjpxypën.

Mateo 9:8

Mëj'ixy ja mayjyä'äy t'ijxtë ets ja Dios tmëjja'awëtyë ko jëtu'un ja ja'ay ja kuttujkën të yajmo'otë.

Salmos 50:23

Pën tii kyukajpxëpën, ëjts xyajmëjnajxp, nyajnitsokpyës yë ja'ay mëti'ipë juukyajtpën mëtëy.

Romanos 10:16

E ka'ap ja ja'ay ni'ëmukë të tkupëktë ja oy aaw oy ayuk. Jëtu'un ijxtëm ja Jeséas y'ënä'änyën: Wintsën, ¿pën jëtää të tmëpëktë ja ayuk mëti'ipë ja ja'ay të yajtuk'ëwaanëtën?

Romanos 12:8

mëti'ipë jotmëkwinkajpxëpën, wä'än tjotmëkwinkajpxë; mëti'ipë tii yäjkypyën, wä'än tyäky; mëti'ipë nyikopk'ajtypyën ja mëpëjkpëtëjk, wä'än tuny yajxon ets mëti'ipë oyjyä'äy'ajtpën, wä'än t'oyjyä'äy'äty.

Romanos 15:31

Amëtowtë pëjktsowtë ja Dios etsës xy'akëëytyuk xy'axajtukëty ma ja ja'ayëtyën mëti'ipë Judea yajpatëpën mëti'ipë ka'ap tmëpëktën ja Kristë ets näjyëtu'un oy yajkupëkëty ja putëjkën mëti'ipë yajtuknikäjxtëpën ja mëpëjkpëtëjk jampë tsyëënëtën Jerusalén.

2 Corintios 9:14

Ets ëpëky myajkënu'kxa'antë mëët ja tsojkën ja'awën, ko t'ixtëty ko ja Dios miits mkënu'kxëtë.

1 Timoteo 6:13

Ja Dios, mëti'ipë myoopyën ja juukyajtën oy tyimtiijëty jam Jesukristë wyintum, mëti'ipë ojts näjyëtu'un nikäjpxyën jam ma ja Poncio Pilato, mijts yam ntuknipëjkpy

Rut 2:19

¿U'unk maay maaxën tyam të mtuny të mkupëky? Jëtu'un ja Noemi tyajtëëy ja Rut. ¿Maatën ya'atë tsajpmokpajk të xy'ëkmaypyëjknë? Dios jaakmo'o jaakkäxëtëp yë ja'ay mëti'ipë ya'atë näypyëtëkë të tyäkyën. Rut wa'ats tukmëmëtyaktaay ja tyaakxyäkxy pën ënety mëët të tyunyën: Yë ja'ay maas ojts të ntunyën jä'ä xyëëwajtyp Booz. Jëtu'un t'ënëmaay.