2 Corintios 9:10 - Biblia Dc en Mixe de Quetzaltepec

¹⁰ Dios, mëti'ipë yäjkpyën ja tëëmt mëti'ipë yajnip yajkojpën ets ja jë'kxy pëky mëti'ipë yajtukjuuky'ajtpën, yë'ë mmo'ojanëtëp tu'kë'ëyë winë mëti'ipë yajnipën ets tyajyona'any, jëtu'un oy wyintëwëty mpëjktä'äkyëty ko ënety mputëkëtë.

Biblia Mixe de Quetzaltepec

¹⁰ Tios, mëti'ipë yäjkpyën ja tëëmt mëti'ipë yajnip yajkojpën ets ja jë'kxy pëky mëti'ipë yajtukjuuky'ajtpën, yë'ë mmo'ojanëtëp tu'kë'ëyë winë mëti'ipë yajnipën ets tyajyona'any, jëtu'un oy wyintëwëty mpëjktä'äkyëty ko ënäty mputëkëtë.

2 Corintios 9:10 ပူးပေါင်းရင်းမြစ်များ

Génesis 47:19

Juuytyëkës ëëtsëty ets ja nnaax nkamëtyës ets jëtu'un ja tsajpmok mijts xymyo'otëtyës xykyäxtëtyës. Mëtuunpë ëyoopë ëëtsëty n'itëty ma yajkutujkpën ets ko naaxtuntëtyës yë'ë ënety jëtu'un yajmëëtuunp; je'eyëp ko ëëtsëty winë xymyo'otëty mëti'ipës një'kxtëp npëktëpën ets mëti'ipë yajni'ip yajtunëpën, këtiipë yë naax kam nëkoo wyintëkoyëty. ¿Wi'ix ko mijts xytyimyaj'ook xytyimyajtëkoytyëtyës tu'knax mëët yë nnaax nkamëtyës?

Proverbios 11:18

Yë ëxëëk ja'ay ko nyätyijyë yajmëjuy, je'eyë yajtukwin'ëëny yë myëju'uny; yë ja'ay mëti'ipë winë oy tyuunpyën, kä'pxy t'ëxajë myëju'uny.

Eclesiastés 11:6

Mni'ipëp yë mtëëmp jopyëp ets mni'ipëp näjyëtu'un jënäkyxyëëw, jä'ä ko ka'ap yajxon yajnijawë mëti'ipë wintëwaanp, pën yë'ë mëjëyëjpë ëkë pën yë'ë okpë, ëkë pën majkpëky wyintëy.

Isaías 55:10

Tä yë nëma'a ets tä yë tsajp o'pky nyaaxkëta'aktën ets naaxkëjxy wyë'ëmtë ka'ap y'ëkwinpijnëtë tsajpwinm ets tyajxooktë yë naaxwiinyëtë ets ënät jam pyëtsimy ja jë'kxy pëky, ka'ayën ukën mëti'ipë yajtukjuuky'ajtpën,

Oseas 10:12

Tëë n'ënëëmëtës: Yë'ë oypyë nipaye'eyën ni'iptë ets xyajmuktëty yë nätsyok näjyawë. Nipëjktaakëtë yë naax ets xynyi'iptëty jemypyë tëëmt, jä'ä ko yë'ë nyixëëw'ajtyp ets Wintsën yaj'ijxta'ajëty, koonëm tyajminëty ja nitsokën ma miitsëtyën tä nëë tuujën.

Mateo 6:1

Ko yë mmëku'uk xypyutëkëty ijxtëm pyaat'atyën, ka'ap nikëxë'ëky tii xytyuntëty ets ja'ay t'ixtëty. Ko nikëxë'ëky tii xytyuntëty, ka'ap ja mTeetyëty tsajpjotmëpë mmo'ojëtëty ja kuma'ayën.

2 Corintios 9:12

Ko yajtukninëjkxtëty ja näypyutëkë ja nmëku'uk'ajtëmë, ka'ap yi'iyë yajmo'oja'antë mëti'ipë ënety ka'ijtxëtëp, näjyëtu'un nnëmä'ämyëty wä'än ja Dios tkukajpxëtë.

2 Corintios 9:6

Ja'amyätstë ya'atë: Pën wäänë nip, wäänë ja pyëjktä'äky tyajpëtë'ëka'any; pën may nip, may ja pyëjktä'äky tyajpëtë'ëka'any.

Gálatas 3:5

Ko ja Dios mmo'ojëtë ja Jyot jya'awën ets tyaj'ixyë ja myëj'ajtën ma miitsëtyën, ¿tii ko jëtu'un tuny? ka'ap yë'ëkyëjxmëty ko xypyatuntë ja Moisés ja y'ënä'ämën, yë'ëkyëjxm ko xymyëpëktë ja Dios ja y'aaw y'ayuk mëti'ipë tëë xymyëtoow'itën, ¿këtiijë?

Efesios 5:9

Ko ja ja'ay yajpaaty ajajëntuuy, tyuunpy ja oypyë, mëti'ipë paat'ajtëpën ets mëti'ipë mëtëyën.

Filipenses 1:11

Myaj'ixëtëp ja oypyë ja tuunk mëti'ipë ja Jesukristë mtukmëtuuntëpën; jëtu'un ja Dios wintsë'ëkë ets mëjjaw jaantyjawë y'itëty.

Filipenses 4:17

Ka'apës yi'iyë nmëmay nmëtajy tiijës n'ëk'ëxajëp; yë'ëjës nmëmääpy nmëtäjpy ets ja oyajtën xypyaatëty Dios wyintum.

1 Tesalonicenses 3:12

Wä'än ja Wintsën tjaakyajyeeky ja mtsojkënëty ets ni'ik mnätsyokëtëty nixim niyam, mëët ja wiinkëtypë mmëku'uktëjkëty, ijxtëm ëëts miits të ntsoktën.

1 Tesalonicenses 4:10

Yajnija'ap ko mnätsyokëtë nixim niyam ni'ëmukë mëti'ipë tsënaaytyëpën jam Macedonia y'itjotm. Tyam nmënu'kxta'aktë mëku'uktëjkëty, nätsyokëtë nixim niyam wäänëni'ik.